སྲིད་འཛིན་ཊམ་ནས་འཇིགས་སྐུལ་བྱས་པའི་སྟབས་ཀྱིས་རྒྱ་ནག་གཞུང་གིས་ཨ་རིར་ཁྲིམས་འགལ་དུ་བསྡད་ཡོད་པའི་རྒྱ་ནག་པ་ཚོ་རང་ཡུལ་དུ་ལེན་རྒྱུའི་མོས་མཐུན་བྱས་འདུག
རྒྱ་ནག་གཞུང་གིས་སྤྱི་ལོ་༢༠༠༨་ལོའི་ཞི་རྒོལ་ཆེན་མོར་ཡ་ལན་སློག་ཏེ་བོད་ཁུལ་གྱི་གྲོང་གསེབ་རེ་རེར་རྒྱ་བསྒྱུར་སྲིད་ཇུས་སྤེལ་བ་བོད་རིག་པ་ཞིག་གིས་བརྗོད་འདུག་ལ། ཡང་དབྱིན་ཇིའི་གཞུང་གིས་༢༠༠༨་ལོར་བོད་དོན་ཐད་རྒྱ་ནག་ལ་ཁྲིམས་མཐུན་གནས་བབ་ཡོད་ཅེས་གསལ་བསྒྲགས་བྱས་པ་ནི་ལོ་རྒྱུས་ཀྱི་ནོར་འཁྲུལ་ཞིག་ཡིན་པ་བཀོད་འདུག
ཕྱི་སྲིད་དྲུང་ཆེ་མར་ཀོ རུ་བྷི་ཡོ་ཡིས་ཕྱག་ལས་གནང་འགོ་འཛུགས་ཙམ་གྱི་སྐབས་འདིར་རྒྱ་ནག་གཞུང་གིས་ཁོང་གི་རྒྱ་མིང་གི་རུས་མིང་ལུ་བི་ཡོ་ཡི་ལུ་ཟེར་བ་དེའི་སྒྲ་གདངས་འགྱུར་བ་བཏང་ཡོད་པ་རེད།
རྒྱ་ནག་རྒྱལ་ཡོངས་ཆབ་སྲིད་གྲོས་མོལ་ཚོགས་ཆེན་སྐབས་བཅུ་བཞི་པའི་རྒྱུན་ལས་དང་། རྒྱ་ནག་རྒྱལ་ཡོངས་སོ་ནམ་ཞིང་ལས་དང་གྲོང་གསེབ་ལྷན་ཁང་གི་གཙོ་འཛིན་གཞོན་པ་ཆེ་དགྲ་ལྷས་སྒྲིག་འགལ་དང་ཁྲིམས་འགལ་ཚབས་ཆེན་བྱས་པའི་དོགས་གཞི་འོག། ད་ཆ་རྒྱ་ནག་དབུས་སྒྲིག་ཁྲིམས་ཞིབ་བཤེར་ལྷན་ཁང་གིས་བརྟག་དཔྱད་བྱེད་བཞིན་པའི་གནས་ཚུལ་ཐོན་འདུག།
༢༠༢༧་ལོར་རྒྱ་ནག་གིས་ཐེ་ཝན་ལ་བཙན་འཛུལ་བྱས་ནས་དམག་འཁྲུག་ལང་རྒྱུའི་ཉེན་ཁ་འདུག་ཅེས་ཉམས་ཞིབ་པ་ཚོས་མང་དུ་གླེང་། ཨ་རིའི་ཉམས་ཞིབ་པ་ཚོས་རྒྱ་ནག་གིས་ཐེ་ཝན་ལ་བཙན་འཛུལ་བྱེད་མི་ཐུབ་པའི་རྒྱུ་མཚན་༢༦་བཀོད།།
རྒྱ་ནག་གི་མི་འབོར་དེ་ལོ་གསུམ་བསྟུད་མར་འཕེལ་རྒྱས་འགྲོ་མ་ཐུབ་པར་ཉུང་དུ་སོང་། རྒྱ་ནག་དམར་ཤོག་སྲིད་གཞུང་གིས་དཔལ་འབྱོར་སླར་གསོ་བྱ་ཐབས་བྱེད་བཞིན་པ་དེ་འགྲུབ་དཀའ་བ་ཞིག་ཏུ་འགྱུར་གྱི་ཡོད་པའི་གསར་འགྱུར་ཐོན་འདུག
ཉེ་ཆར་རྒྱ་ནག་གི་གློག་བརྙན་འཁྲབ་མཁན་ཝང་ཞཱིང་ལྷོ་ཤར་ཨེ་ཤི་ཡའི་རྒྱལ་ཁབ་ཐེ་ལན་དུ་བསྐྱོད། ཁོ་པ་གཡོ་ཁྲམ་ཚོགས་པ་ཞིག་གིས་གནམ་ཐང་ནས་འབར་མའི་ས་མཚམས་སུ་ཆགས་པའི་མཱི་ཡ་ཝ་ཌི་གྲོང་རྡལ་དུ་བཙན་ཁྲིད་བྱས་པ་དང་་མགོ་རིལ་བཟོས་ནས་འཇིགས་སྐྲག་ཆེན་པོ་མྱངས།།་
རྒྱ་ནག་གཞུང་འབྲེལ་གྱི་ངོས་ནས་HMPV ཞེས་པའི་ནད་དུག་འགོ་མཁན་ཇེ་ཉུང་དུ་འགྲོ་བཞིན་ཡོད་ཚུལ་ཕྱིར་བསྒྲགས་བྱས་ཡོད་ཀྱང་། འཛམ་བུ་གླིང་གིས་དེར་དོ་སྣང་དང་བློ་འཚབ་ཆེན་པོ་སླེབས་ཡོད་པ་དང་། སྨན་པ་ཚོས་ནད་དུག་དེ་ཏོག་དབྱིབས་ནད་དུག་དང་ཐ་དད་ཡིན་པ་བརྗོད་ཡོད་པའི་སྐོར་ཕུན་ཚོགས་ལྷུན་གྲུབ་ལགས་ཀྱིས་སྙན་སྒྲོན་ཞུས་ཡོད།
ྱ་ནག་དམར་ཤོག་ཚོགས་པས་དཔལ་འབྱོར་འཕེལ་རྒྱས་བཏང་ནས་སྲིད་དབང་བཟུང་། ད་ལྟ་རྒྱ་ནག་གི་དཔལ་འབྱོར་ཉམས་རྒུད་འགྲོ་བཞིན་ཡོད་པས་དམར་ཤོག་ཚོགས་པས་མུ་མཐུད་དུ་སྲིད་དབང་འཛིན་ཐུབ་མིན་དེ་ཐེ་ཚོམ་གྱི་གནས་སུ་ཟད་ཅེས་གླེང་སློང་བྱེད་ཀྱི་ཡོད་པའི་གནས་ཚུལ་ཐོན་འདུག
རྒྱ་ནག་གིས་ཕྱི་ལོ་༢༠༢༥ལོ་དེ་རང་གི་མང་ཚོགས་ལ་བལ་ཡུལ་ལ་ལྟ་སྐོར་གྱི་ལོ་ཞེས་གསལ་བསྒྲགས་བྱས་ཡོད་པ་རེད། འདིས་རྒྱབ་ལྗོངས་དམིགས་ཡུལ་ག་རེ་ཡིན་སྲིད་པའི་ཐད་ལ་བློ་བཟང་ཡེ་ཤེས་ལགས་ཀྱིས་སྙན་སྒྲོན་ཞུ་ཡི་རེད།
༄༅།།ཐེ་ཝན་གྱི་སྲིད་འཛིན་མཆོག་གིས་ཐེ་ཝན་དང་རྒྱ་ནག་གཉིས་ཀྱི་འབྲེལ་ལམ་སླར་གསོ་བྱེད་པར་རྒྱ་ནག་གིས་འགོག་རྐྱེན་མུ་མཐུད་ནས་བཟོ་བཞིན་པ་རེད་ཅེས་གསུངས་ཡོད་པའི་གནས་ཚུལ་ཞིག་རྒྱལ་མཚན་ཚེ་རིང་ལགས་ཀྱིས་སྙན་སྒྲོན་ཞུ་ཡི་རེད།
༄༅།། རྒྱ་ནག་གིས་ཡར་ཀླུང་གཙང་པོ་བཀག་སྟེ་ཆུ་ཤུགས་གློག་ཁང་ཆེ་ཤོས་དེ་འཛུགས་སྐྲུན་བྱ་རྒྱུའི་ཐག་བཅད། མ་འོངས་པའི་དུས་སུ་རྒྱ་གར་དང་བངྒ་ལ་གཉིས་ལ་ཡར་ཀླུང་གཙང་པོའི་ཆུ་རྒྱུན་ཆད་ནས་དཀའ་ངལ་འཕྲད་རྒྱུའི་གནས་ཚུལ་ཐོན་འདུག
མང་སྣོན།
No live streaming currently available
༢༠༢༣ ལོ་ནི་རྒྱ་ནག་གི་རྒྱུད་གཅིག་ལམ་གཅིག་ལས་གཞི་འགོ་ཚུགས་ནས་ལོ་༡༠ འཁོར་བའི་དུས་སྟོན་ཡིན། ལས་གཞི་དེ་ཞི་ཅིན་ཕིང་གིས་སྤེལ། ཨ་སྒོར་དུང་ཕྱུར་བཅུ་ཕྲག་མང་པོའི་འགྲོ་གྲོན་བཏང་ནས་འཛམ་གླིང་གང་སར་གཞི་རྩའི་འཛུགས་སྐྲུན་གྱི་ལས་གཞི་བརྩམས། འགོ་བརྩམས་པའི་ཚུན་ཆད་དུ་ཞི་ཡིས་རྒྱུད་གཅིག་ལམ་གཅིག་གི་དམིགས་ཡུལ་རྒྱ་བསྐྱེད་དེ་འཕྲོད་བསྟེན་ལྟ་སྐྱོང་དང་། ཤེས་རིག་སློབ་གསོ། ཚན་རྩལ་བཅས་སུ་ཁྱབ་ཡོད།
