ཨ་རིའི་བདམས་ཐོན་ཌོ་ནལ་ཊམ་གྱིས་སྲིད་དབང་རྩིས་བཞེས་གནང་རྒྱུར་གྲ་སྒྲིག་གནང་བཞིན་པའི་སྐབས་འདིར། གཞུང་སྔ་མས་གསར་པར་སྲིད་དབང་འཕོ་འགྱུར་གྱི་བརྒྱུད་རིམ་དེ་འགོ་འཛུགས་གནང་ཡོད་པའི་སྐོར་འདི་གའི་གསར་འགོད་པ་ས་ལེམ་སོ་ལོ་མོན་གྱིས་བཏང་བའི་གནས་ཚུལ་དེ་ནོར་བུ་བསམ་འཕེལ་ལཊ་ཀྱིས་སྙན་སྒྲོན་ཞུས་ཡོད།
༢༠༢༥ ལོའི་ཕྱི་ཟླ་དང་པོར་བདམས་ཐོན་སྲིད་འཛིན་ཊམ་ཀྱིས་ལས་འཁུར་དམ་འབུལ་གནང་རྒྱུ་དང་བསྟུན་ཨ་མི་རི་ཀའི་འོས་འཕེན་པས་དབང་ཚད་གནང་བ་ལྟར་གྲོས་ཚོགས་གོང་འོག་གཉིས་ཀར་སྤྱི་མཐུན་ཚོགས་པ་གྲངས་མང་ཆགས་རྒྱུ་ཡིན་པའི་སྐོར་ཨ་རིའི་རླུང་འཕྲིན་ཁང་གི་གནས་ཚུལ་ཞིག་བསོད་ནམས་དབྱངས་འཛོམས་ལགས་ཀྱིས་སྙན་སྒྲོན་ཞུས་ཡོད།
ཨ་རིའི་བདམས་ཐོན་སྲིད་འཛིན་ཊམ་གྱིས་དྲུང་ཆེ་གཙོས་པའི་ལྷན་ཁང་ཁག་གི་འགོ་ཁྲིད་ལ་མཚན་བཏོན་པ་ཁག་ཅིག་ནི་དམངས་གཙོ་ཚོགས་པ་དང་སྤྱི་མཐུན་ཚོགས་པ་ཕྱོགས་གཉིས་ཀས་རྩོད་གཞི་ཅན་གྱི་མི་སྣར་བརྩི་བཞིན་ཡོད། གྲོས་ཚོགས་འོག་མའི་ཚོགས་གཙོ་ཇོན་སན་གྱིས་ཊམ་ལ་གནས་བབས་འགྱུར་བ་གཏོང་རྒྱུའི་དབང་ཚད་གནང་ཡོད་རེད་ཅེས་གསུངས་ཡོད།
བདམས་ཐོན་སྲིད་འཛིན་ཊམ་གྱིས་རང་ཉིད་ཀྱི་རྒྱབ་སྐྱོར་བ་རྙིང་པ་ཞིག་ཨ་རིའི་དབུས་གསང་བའི་ལས་ཁུངས་ཀྱི་འགན་འཛིན་ལ་མཚན་འདོན་གནང་ཡོད་པ་དེ་ནི་རྒྱལ་ཁབ་ཀྱི་གསང་བའི་ལས་ཁུངས་ཀྱི་ཕྱག་ལས་ལ་རྒྱུས་ལོན་ཡོད་མཁན་ཞིག་རེད། གསང་བའི་ལས་ཁུངས་ཁག་ཅིག་གི་འགན་འཛིན་ལ་མཚན་འདོན་གནང་པའི་མི་སྣ་ཅིག་གིས་བཀའ་མོལ་རྩོད་གཞི་ཅན་གནང་མྱོང་ཡོད།
ཌོ་ནལ་ཊམ་ཕྱི་ལོའི་ཕྱི་ཟླ་དང་པོའི་ནང་སྲིད་འཛིན་ཕོ་བྲང་དུ་ཕྱིར་ལོག་གནང་གི་ཡོད་ཀྱང་། ཁོང་གིས་ད་ལྟ་ནས་འབྱུང་འགྱུར་ལོ་བཞིའི་ལས་དུས་ཀྱི་རྒྱལ་ནང་གི་སྲིད་ཇུས་ཀྱི་ཆེད་དུ་རྨང་གཞི་དང་འཆར་གཞི་དེ་དག་འགོ་འཛུགས་གནང་གི་ཡོད་པའི་སྐོར་ལ་འདི་གའི་གསར་འགོད་པས་ཕོ་བྲང་དཀར་པོ་ནས་བཏང་པའི་གནས་ཚུལ་དེ་ནོར་བུ་བསམ་འཕེལ་གྱིས་ཞུས།
ཨ་རིའི་སྲིད་འཛིན་འོས་བསྡུའི་སྔོན་ལ་ལས་ཐོག་སྲིད་འཛིན་བྷ་ཌན་དང་སྲིད་འཛིན་ཟུར་པ་ཊམ་རྣམ་གཉིས་ཀྱིས་ཉི་ཧོང་གི་བཟོ་ཚོང་ཁང་ཞིག་གིས་ཨ་རིའི་བཟོ་ལས་ཡར་རྒྱས་ཀྱི་མཚོན་རྟགས་ལ་བརྩི་བའི་ཨ་རིའི་དྭངས་ལྕགས་བཟོ་གྲྭ་ཆེ་ཤོས་དེ་ཉོ་རྒྱུར་དགག་བྱ་གནང་ཡོད། འོན་ཀྱང་འོས་བསྡུའི་རྗེས་ཉོ་ཚོང་བྱེད་ན་འགྲིག་གི་ཡོད་པའི་རྣམ་པ་བསྟན་ཡོད།
སྲིད་འཛིན་བྷ་ཌན་གྱི་འགན་ཡུན་འཁྱུར་གྲབས་ཡོད་པའི་སྐབས་མཚམས་འདིར་རྒྱ་ནག་གི་སྲིད་འཛིན་ཞི་ཅིན་ཕིང་ལ་ཐུག་རྒྱུ་དང་སྦྲགས་དེ་རིང་ནས་རྒྱལ་སྤྱིའི་ཚོགས་ཆེན་ཆེ་ཁག་གཉིས་ལ་ཕེབས་དུས་རྒྱལ་སྤྱིའི་འགོ་ཁྲིད་ཚོར་ཨ་རིའི་འགྱུར་བའི་ཐད་བཀའ་ལན་གནང་དགོས་རྒྱུའི་གནས་སྟངས་ཤིག་འཕྲད་ཡོད་པ་སོཊ་འཕྲིན་ལས་ཆོས་སྒྲོན་གྱིས་ངོ་སྤྲོད་ཞུ།
ཁ་སང་ཕོ་བྲང་དཀར་པོར་ཨ་རིའི་སྲིད་འཛིན་བྷ་ཌན་གྱིས་བདམས་ཐོན་སྲིད་འཛིན་ཊམ་མགྲོན་འབོད་གནང་པ་ལྟར་མཇལ་འཕྲད་སྐབས་ཞི་བའི་སྒོ་ནས་སྲིད་དབང་རྩིས་སྤྲོད་གནང་རྒྱུ་ཡིན་ཞེས་ཁས་ལེན་གནང་ཡོད་པ་རེད། དེའི་སྐོར་གྱི་གནས་ཚུལ་ཞིག་གཤམ་ལ་གསན་གཟིགས་གནང་རོགས་གནང་།
ཨ་རིའི་གྲོས་ཚོགས་འོག་མའི་འོས་བསྡུའི་ཁྲོད་སྤྱི་མཐུན་ཚོགས་པའི་འཐུས་མི་མང་ཤོས་ཆགས་ཏེ་ད་ནི་གྲོས་ཚོགས་གོང་འོག་གཉིས་ཀ་དང་ཕོ་བྲང་དཀར་པོ་གསུམ་ག་སྤྱི་མཐུན་ཚོགས་པའི་སྟངས་འཛིན་འོག་ཆགས་ཡོད་པ་དང་། གྲོས་ཚོགས་འོག་མའི་ཚོགས་གཙོ་ཇོན་སན་ནི་སྔར་བཞིན་གྲོས་ཚོགས་ཀྱི་ཚོགས་གཙོ་ཆགས་རྒྱུ་ཡིན་པའི་སྐོར་བསོད་ནམས་གཡང་འཛོམས་ནས།
ཨ་རིའི་སྲིད་འཛིན་ལ་བདམས་ཐོན་ཌོ་ནལྜ་ ཊམ་གྱིས་བློན་ཆེན་དང་ཕོ་བྲང་དཀར་པོའི་གནད་ཡོད་ལས་བྱེད་བཅས་ཀྱི་མི་འགྲོ་འདེམས་སྒྲུག་གང་ཙམ་བྱས་ཟིན་འདུག་པ་དང་། དེའི་ཁོངས་སུ་རྒྱལ་སྲུང་དྲུང་ཆེའི་མི་འགྲོའི་ཐད་ཨ་རིའི་རྒྱལ་སྲུང་ལས་ཁུངས་ཀྱི་མི་སྣ་ཚོས་བློ་འདོད་བྱེད་ཀྱི་མེད་པའི་པའི་སྐོར་རྣམ་རྒྱལ་ཤཱསྟྲིས་སྙན་སྒྲོན་ཞུ་ཡི་རེད།
ཌོ་ནལ་ཊམ་གྱིས་སྲིད་འཛིན་འོས་བསྡུ་ལས་རྒྱལ་ཁ་ཐོབ་ཟིན་ཡང་། དུས་ཡུན་ཟླ་བ་༡༡ གི་རྗེས་སུ་གཞི་ནས་སྲིད་དབང་དངོས་སུ་རྩིས་བཞེས་རྒྱུ་ཡིན་པ་དང་། དེའི་བར་ལ་ཁོང་གིས་ཉིན་གྲངས་༧༦ རིང་ལ་སྲིད་གཞུང་གསར་པའི་སྔོན་འགྲོའི་སྟ་གོན་ཁག་གནང་ཆོག་གི་ཡོད་སྐོར་གྱི་ངོ་སྤྲོད་མདོར་བསྡུས་ཤིག་འདིར་གསལ།
མང་སྣོན།
