རྒྱང་སྲིང་དུས་ཚོད།

འཛམ་གླིང་མཉམ་འབྲེལ་རྒྱལ་ཚོགས་དབུ་བརྙེས་ནས་ལོ་འཁོར་བདུན་བཅུ་དོན་ལྔ་འཁོར་བའི་ཉིན་མོ་དང་བསྟུན་ནས་བོད་ཀྱི་འགྲོ་བ་མིའི་ཐོབ་ཐང་དང་དམངས་གཙོ་འཕེལ་རྒྱས་ལྟེ་གནས་ཁང་གིས་རྒྱ་ནག་འབྲེལ་བའི་སྙན་ཐོ་ཞིག་བཏོན་ཡོད་པ། ཨ་རིའི་ཕོ་བྲང་དཀར་པོའི་རྒྱལ་ཁབ་བདེ་འཇགས་ཀྱི་སློབ་སྟོན་པ་གཞོན་པས་རྒྱ་ནག་གི་འཐབ་ཕྱོགས་གཅིག་གྱུར་གྱི་ཤུགས་རྐྱེན་སོགས་ཀྱི་ཐད་བརྙན་ལམ་ནས་གཏམ་བཤད་སྤེལ་ཡོད་པ། རྒྱ་ནག་གཞུང་གིས་བོད་གྱི་ཡུལ་ཤུལ་རག་སྟོན་ཡུལ་ཚོའི་སློབ་ཆུང་སློབ་མ་ཉིས་བརྒྱ་ལྷག་རྒྱ་ནག་ནང་སློབ་གྲྭར་འགྲོ་དགོས་པའི་བཙན་བཀའ་བཏང་ཡོད་པའི་གནས་ཚུལ་གྱི་སྐོར། རྒྱ་ནག་གཞུང་གིས་བོད་མི་མང་པོ་ཞིག་གི་ཁ་པར་སོགས་སུ་ཏིན་ཁྲོ་ཁི་ཅེས་པའི་དྲ་ལམ་སྙི་ཆས་ཕབ་ལེན་བྱེད་དུ་བཅུག་རྗེས་མི་དེ་དག་ལ་འགྲོ་འདུག་དང་སྨྲ་བརྗོད་ལ་ཚོད་འཛིན་བྱེད་བཞིན་ཡོད་པ་བཅས་ཀྱི་གནས་ཚུལ་ཡོད།

ཉིན་ལྟར་ཐོན་བཞིན་པའི་བོད་དང་ཨ་རིའི་གསར་འགྱུར་ཁག་དང་། འཛམ་གླིང་གསར་འགྱུར་ཁག་རྒྱང་སྲིང་ཞུས་པ་ཕུད། དེ་མིན་དམིགས་བསལ་ལེ་ཚན་ཁག་ཅིག་རྒྱང་སྲིང་ཞུ་བཞིན་ཡོད།