བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་ལ་གཏོང་ལེན་སློབ་གྲྭའི་ལས་བྱེད་དང་སློབ་ཐོན་སློབ་ཕྲུག་ཁག་ཅིག་གིས་ཇི་ལྟར་གསོལ་འདེབས་ཞུས་པ་བཞིན། མགོན་པོ་མཆོག་ནས་དེ་རིང་སྤྱི་ཟླ་ ༡༡ ཚེས་ ༢༠ ཉིན་བཞུགས་སྒར་རྒྱལ་བའི་ཕོ་བྲང་དུ་མཇལ་ཁ་སྩལ་གནང་མཛད་ཡོད་པ་རེད།
སཾ་བྷོ་ཊ་བོད་སློབ་འཛིན་ཚོགས་དབུ་བརྙེས་ནས་ལོ་ངོ་ ༢༥ འཁོར་བ་དང་ཁྱབ་ཁོངས་ཀྱི་སློབ་གྲྭ་ཁག་གི་ནང་ལོ་ངོ་༢༥རིང་ཕྱག་ལས་གནང་མཁན་དགེ་ལས་ཁག་ཅིག་ལ་ཆེ་བསྟོད་མཚོན་ཆེད་སྤྱི་ཟླ་ ༡༡ ཚེས་ ༡༦ ཉིན་དཔེ་སྟོན་སློབ་གྲྭའི་ཚོགས་ཁང་དུ་སློབ་ཕྲུག་རྣམས་ཀྱིས་གཞས་སྣ་འཁྲབ་སྟོན་གྱིས་དུས་ཆེན་གྱི་མཛད་སྒོ་འདི་སྲུང་བརྩི་ཞུས་གནང་སོང་།
རྒྱ་གར་གྱི་བྱིས་པའི་ཉིན་མོ་དང་སྟབས་བསྟུན་དབུས་བོད་ཀྱི་བུད་མེད་ལྷན་ཚོགས་ནས་བོད་ནང་གི་བོད་ཕྲུག་དང་ཁོར་ཡུག་གི་གནས་སྟངས་དང་འབྲེལ་ནས་དེ་རིང་སྤྱི་ཟླ་ ༡༡ ཚེས་ ༡༤ ནས་ཚེས་ ༢༠ བར་ཉིན་གྲངས་བདུན་རིང་བཞུགས་སྒར་རྡ་རམ་ས་ལ་ནས་རྒྱ་གར་གྱི་རྒྱལ་ས་ལྡི་ལི་བར་བོད་དོན་དྲིལ་བསྒྲགས་ཀྱི་ལས་འགུལ་ཞིག་འགོ་འཛུགས་གནང་སོང་།
ཕྱི་ཟླ༡༡ ཚེས༡༡ཉིན་བོད་ཀྱི་ན་གཞོན་ཉམས་ཞིབ་པའི་ཚོགས་འདུ་མཇུག་སྒྲིལ་གནང་ཡོད་པ་དང་། ཚོགས་འདུ་དེའི་ནང་གཙོ་བོར་བོད་ཀྱི་ཆོས་སྲིད། རྩོམ་རིག་སོགས་བརྗོད་གཞི་མང་དག་ཅིག་གི་ཐོག་བོད་རིག་པའི་ན་གཞོན་ཉམས་ཞིབ་པ་སུམ་ཅུ་ཙམ་ནས་ཉིན་གྲངས་གསུམ་རིང་ཝཱར་ཎ་མཐོ་སློབ་ཏུ་སོ་སོའི་ཞིབ་འཇུག་གྲུབ་དོན་ཁག་སྒྲོག་སྦྱང་དང་བགྲོ་གླེང་གནང་།
བོད་མཐོ་སྒང་གི་གཙང་པོ། འཁྱགས་རོམ་ནས་ལུང་གཤོངས་བར་ཞེས་པའི་འགྲེམས་སྟོན་ཞིག་ཕྱི་དྲིལ་བོད་ཀྱི་འགྲེམས་སྟོན་ཁང་གི་གོ་སྒྲིག་འོག་ཕྱི་ཟླ ༡༡ཚེས ༨ཉིན་བོད་ཀྱི་འགྲེམས་སྟོན་ཁང་དུ་དབུ་འབྱེད་གནང་། དེ་གར་སྤྱི་འཐུས་ཚོགས་གཞོན་མཆོག་གིས་བོད་མཐོ་སྒང་གི་ཆུའི་གནད་དོན་ནི་ལྷོ་ཤར་ཨེ་ཤི་ཡའི་རྒྱལ་ཁབ་ཁག་ནང་ཡང་གལ་ཆེན་ཡིན་པ་གསུངས།
༧གོང་ས་མཆོག་གིས་ཨ་རིའི་སྲིད་འཛིན་ཟུར་པ་ཌོ་ནལ་ཊམ་ལ་སླར་ཡང་ཨ་རིའི་སྲིད་འཛིན་སྐབས་ ༤༧ པའི་སྲིད་འཛིན་དུ་འོས་འདེམས་བྱུང་བར་འཚམས་འདྲིའི་གསུང་འཕྲིན་ཞིག་དེ་རིང་སྤྱི་ཟླ་ ༡༡ ཚེས་ ༧ ཉིན་སྩལ་གནང་མཛད་ཡོད་པ་དེའི་ནང་ཨ་རི་འདི་བཞིན་མང་གཙོ་དང་རང་དབང་། ཁྲིམས་ལུགས་དབང་བསྒྱུར་གཙོ་གནད་དུ་འཛིན་བཞིན་པར་ཡི་རང་ཞུ་བཞིན་ཡོད།
བོད་དང་ལྷོ་ཨེ་ཤེ་ཡའི་སྐོར་ཞེས་པའི་བརྗོད་གཞིའི་ཐོག་རྒྱ་གར་ན་གཞོན་ཉམས་ཞིབ་པ་༢༥ ཡིས་བོད་ཀྱི་སྐད་ཡིག་དང་སྒྱུ་རྩལ། བཙན་བྱོལ་ནང་གི་མི་འབོར། བོད་དང་ཧི་མ་ལ་ཡའི་འབྲེལ་བ་སོགས་ཀྱི་ཐད་དཔྱད་རྩོམ་སྒྲོག་སྦྱང་དང་བགྲོ་གླེང་ཚོགས་འདུ་ཞིག་སྤྱི་ཟླ་༡༠ ཚེས་༡༧ ཉིན་བོད་ཀྱི་སྲིད་བྱུས་ཉམས་ཞིབ་ཁང་གི་གོ་སྒྲིག་འོག་འཚོགས་གནང་སོང་
༧གོང་ས་སྐྱབས་མགོན་ཆེན་པོ་མཆོག་གིས་རྒྱ་གར་ཧི་མ་ཅལ་མངའ་སྡེའི་ཁྲིམས་དཔོན་ཆེན་པོ་རཱ་ཇིབ་ཤཀ་དྷཱིར་མཆོག་དང་ཁོང་གི་བཟའ་ཟླ་དང་ལས་བྱེད་་ཁག་ཅིག་ལ་དེ་རིང་སྤྱི་ཟླ་ ༡༠ ཚེས་༡༡ ཉིན་བཞུགས་སྒར་རྒྱལ་བའི་ཕོ་བྲང་དུ་མཇལ་ཁ་སྩལ་གནང་མཛད་ཡོད་པའི་སྐོར་བསྟན་འཛིན་དབང་འདུས་ལགས་ཀྱིས་སྙན་སྒྲོན་ཞུས་ཡོད།
དེ་རིང་གི་ལས་རིམ་ནང་སྤྱི་ཁྱབ་འོས་བསྡུའི་འགན་འཛིན་གསར་པས་ལས་འཁུར་དམ་བཅའ་ཕུལ་བ། བོད་ནང་གི་གླུ་བ་མགོ་ལོག་དཔལ་ལྡན་ལགས་གློད་གྲོལ་བཏང་ཡོད་པས། ནཱ་སཱ་ཚན་རིག་པས་ཡུ་རོ་པཱ་ཟླ་བའི་ཐོག་ཏུ་ཞིབ་འཇུག སྲིད་སྐྱོང་མཆོག་ནས་རྒྱ་གར་ཆེས་མཐོའི་དཔོན་རིགས་དང་མཇལ་འཕྲད་སོགས་ཡོད།
བོད་མིའི་སྒྲིག་འཛུཊ་ཤེས་རིག་ལས་ཁུངས་ཀྱི་གོ་སྒྲིག་འོག་སྤྱི་ཟླ་༩ ཚེས་༢༥ ཉིན་ཧི་མ་ཅལ་ཁུལ་གྱི་སམ་བྷོ་ཊའི་སློབ་གྲྭ་གསུམ་དང་བོད་ཁྱིམ་སློབ་གྲྭ་ལྔ་བཅས་ཁྱོན་སློབ་གྲྭ་ཁག་བརྒྱད་ནས་སློབ་ཕྲུག་༢༠༠ ལྷག་མཉམ་བཞུགས་ཀྱིས་ཅོན་ཏ་ར་བོད་ཁྱིམ་ནང་དབུ་འཛུཊ་གནང་ཡོད་པའི་སྐོར་བསྟན་འཛིན་དབང་འདུས་ལཊ་ཀྱིས་སྙན་སྒྲོན་ཞུས་ཡོད།
ཀུན་གླེང་ལས་རིམ་དུ་བསྟན་འཛིན་དབང་འདུས་ལགས་ཀྱིས་གཞི་རིམ་མི་མང་རེ་འབོད་ཚོགས་པའི་ཚོགས་གཙོ་བསྟན་ཡང་ལགས་དང་། ཚེ་རིང་སྲི་བརྟན་ལགས་རྣམ་གཉིས་གདན་ཞུས་ཀྱིས་གཞི་རིམ་མི་མང་གིས་ཆེས་མཐོའི་ཁྲིམས་ཞིབ་ཁང་སླར་གསོ་དགོས་པའི་ལས་འགུལ་སྤེལ་གནང་བའི་ལས་འགུལ་གྱི་མཇུག་འབྲས་ཐད་གླེང་མོལ་ཞུས་པ་ཡིན།
སྐབས་༡༧ པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་སུ་བཀའ་ཤག་གིས་སྤྱི་འཐུས་ལྷན་ཚོགས་ཀྱི་གྲུབ་ཆའི་ནང་ཇོ་ནང་གི་སྤྱི་འཐུས་གཉིས་དགོས་པའི་ཁྲིམས་ཡིག་བསྐྱར་བཅོས་ཤིག་བསྣམས་ཕེབས་ཡོད་ཀྱང་། གྲོས་ཚོགས་ནང་དགོས་ཀྱི་སྤྱི་འཐུས་རྩ་འབོར་གསུམ་ཆ་གཉིས་མ་ལོན་པར་བརྟེན་ནས་གཏན་འབེབས་བྱུང་ཐུབ་མེད་པའི་འདིར་གསལ།
༧གོང་ས་སྐྱབས་མགོན་ཆེན་པོ་མཆོག་ལ་བོད་ཀྱི་བུད་མེད་ལྷན་ཚོགས་དང་། བོད་ཀྱི་རྒྱལ་ས་ལྷ་སའི་མཐུན་གྲོགས་རྫོང་ཁག་བརྒྱད། དེ་བཞིན་ཌལ་ཧོར་སློབ་ཟུར་བཅས་ནས་སྤྱི་ཟླ་༩ ཚེས་༡༨ ཉིན་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་བརྟན་བཞུགས་བསྟར་འབུལ་ཞུས་གནང་ཡོད་པའི་སྐོར་བསྟན་འཛིན་དབང་འདུས་ལགས་ཀྱིས་སྙན་སྒྲོན་གནང་བ་འདིར་གསལ།
གྲོས་ཚོགས་མུ་མཐུད། ཨ་རིའི་ནང་བོད་པའི་སློབ་གྲ་གསར་འཛུགས་ཀྱི་ལས་གཞི། རྒྱལ་སྤྱིའི་གསར་འགྱུར་གཞན་ཁག
བོད་པའི་སྒྱུ་རྩལ་བའི་མཉམ་འབྲེལ་ཚོགས་པ་ཁ་དོག་གིས་གོ་སྒྲིག་འོག་ཧི་མ་ཅལ་མངའ་སྡེའི་ནང་ཡོད་པའི་བོད་པའི་སློབ་གྲྭ་ལྔའི་སློབ་ཕྲུག་ཁག་ཅིག་གིས་གལ་ཏེ་ང་བོད་ནང་ཡོད་ན་ཞེས་པའི་བརྗོད་གཞིའི་ཐོག་བྲིས་པའི་རི་མོ་ཁག་ཅིག་སྤྱི་ཟླ་༩ ཚེས་༡༣ ཉིན་གྲངས་བདུན་གྱི་འཆར་སྣང་གི་རི་མོའི་སྒྱུ་རྩལ་འགྲེམས་སྟོན་ཞིག་དབུ་འཛུགས་གནང་འདུག
བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་ལ་ལྷོ་ཤར་ཨེ་ཤི་ཡའི་དད་ལྡན་ཆོས་ཞུ་བ་རྣམས་ཀྱིས་ཇི་ལྟར་གསོལ་འདེབས་ཞུས་པ་བཞིན། སྤྱི་ཟླ་༩ ཚེས་༡༢ ཉིན་མགོན་པོ་མཆོག་ནས་བཞུཊ་སྒར་ཐེག་ཆེན་ཆོས་གླིང་གཙུག་ལག་ཁང་དུ་བདེན་བཞི་དང་འབྲེལ་བའི་ནང་ཆོས་ངོ་སྤྲོད་ཀྱི་ཆོས་འབྲེལ་སྩལ་གནང་མཛད་སྐོར་འདིར་གསལ།
སྤྱི་ཟླ་༩ ཚེས་༡༠ ཉིན་གྱི་ཕྱི་དྲོར་བོད་ཀྱི་བུད་མེད་ལྷན་ཚོགས་ཀྱི་སྒྲིག་འཛུགས་བཙན་བྱོལ་ནང་སླར་གསོ་བྱས་ནས་འདི་ལོ་ལོ་ངོ་༤༠ འཁོར་བའི་མཛད་སྒོ་དེ་བཞིན་སྐུ་མགྲོན་གཙོ་བོ་བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་དབུ་བཞུགས་ཐོག་སྲུང་བརྩི་ཞུས་གནང་ཡོད་པའི་སྐོར་བསྟན་འཛིན་དབང་འདུས་ལགས་ཀྱིས་སྙན་སྒྲོན་ཞུས་ཡོད།
༧གོང་ས་མཆོག་ལ་མོན་གྱི་བསྟན་དོན་རིག་གཞུང་གཅེས་སྐྱོང་ལྷན་ཚོགས་ནས་ཇི་ལྟར་གསོལ་འདེབས་ཞུས་པ་བཞིན་དེ་རིང་སྤྱི་ཟླ་ ༩ ཚེས་ ༦ ཉིན་༧གོང་ས་མཆོག་གི་སྐུའི་ཚབ་ཏུ་བཀའ་བློན་ཁྲི་ཟུར་སློབ་དཔོན་ཟམ་གདོང་རིན་པོ་ཆེ་མཆོག་ནས་སྤྱན་རས་གཟིགས་བླ་མའི་རྣལ་འབྱོར་གྱི་ཆོས་འབྲེལ་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་སྩལ་གནང་སོང་།
བོད་ཀྱི་གཞོན་ནུ་ལྷན་ཚོགས་ཀྱིས་རྒྱུ་གྲོན་སྦྱིན་བདག་གནང་སྟེ། ཐོག་མར་སྲིད་དོན་ཚོགས་པ་གསར་འཛུགས་གནང་བ་དང་དེའི་རྗེས་མིང་བསྒྱུར་གྱིས་བོད་ཀྱི་རྒྱལ་ཡོངས་མང་གཙོ་ཚོགས་པ་ཞེས་མིང་དུ་བཏགས་ནས་འདི་ལོ་ངོ་༣༠ འཁོར་བའི་དུས་དྲན་གྱི་མཛད་སྒོ་ཞིག་འཚོགས་ཡོད་པའི་སྐོར་བསྟན་འཛིན་དབང་འདུས་ལགས་ཀྱིས་སྙན་སྒྲོན་ཞུས་ཡོད།
བོད་མིའི་སྒྲིག་འཛུཊ་ནང་སྲིད་ལས་ཁུངས་དང་། རྒྱལ་ཡོངས་མང་གཙོ་གོང་འཕེལ་བསྟི་གནས་ཁང་གཉིས་ཀྱིས་གོ་སྒྲིག་འོག་བོད་མིའི་སྒྲིག་འཛུགས་ཀྱི་ནུས་པ་གོང་འཕེལ་དང་འཛིན་སྐྱོང་སྲ་བརྟན་གྱི་ལས་འཆར་ཐད་ཀྱི་ས་གནས་འགོ་འཛིན་རྣམས་ཀྱི་ནུས་པ་གོང་སྤེལ་གཏོང་ཕྱོགས་ཀྱི་ཟབ་སྦྱོང་དེ་ཚེས་༢༨ ཉིན་མཇུག་སྒྲིལ་ཡོད་པའི་སྐོར་འདིར་གསལ།
མང་སྣོན།
