རྒྱང་སྲིང་དུས་ཚོད།

ཡུ་རོབ་མཉམ་འབྲེལ་དང་རྒྱ་ནག་གི་འབྲེལ་བ་ཇེ་སྡུག ཐེ་ཝན་ནུབ་ཆིངས་དམག་དོན་སྒྲིག་འཛུགས་ཁོངས་སུ་ཚུད་ཐབས། ཨཕ་གྷནསི་ཐན་གྱི་སྲིད་འཛིན་གྱིས་ཨ་རིིིའི་ཞི་བའི་གྲོས་འཆར་ལ་ངོས་ལེན་བྱེད་ཀྱི་མེད་པ། བངྒ་ལར་འབྱོར་བའི་རོ་ཧིན་ཇཱ་སྐྱབས་བཅོལ་བའི་སྡོད་སྒར་ལ་མེ་སྐྱོན། ཐའེ་ཝན་གྱིས་ཧོང་ཀོང་ནང་འགྲོ་བ་མིའི་ཐོབ་ཐང་དང་དམངས་གཙོ་ལ་རྒྱབ་སྐྱོར་བྱེད་པའི་འཆར་ཟིན་བཏོན་འདུག

ཨ་རིའི་རླུང་འཕྲིན་ཁང་གི་ཐེངས་འདིའི་ཀུན་གླེང་གསར་འགྱུར་ནང་༢༠༢༡ ལོའི་སྲིད་སྤྱི་གཉིས་ཀྱི་འོས་བསྡུའི་དངོས་གཞིའི་འོས་གཞི་དག་གསལ་བསྒྲགས་དང་། ཡུ་རོབ་མནའ་འབྲེལ་གྱིས་རྒྱ་ནག་དཔོན་རིགས་ལ་ཉེས་ཆད། ཨ་རིའི་ཕྱི་སྲིད་དྲུང་ཆེས་རྒྱ་ནག་དང་ནུབ་ཆིངས་ཀྱི་འགོ་ཁྲིད་ལ་མཇལ་མོལ། བོད་མིའི་སྒྲིག་འཛུགས་ཀྱི་སྔོན་རྩིས་གཏན་འབེབས་སོགས་ཡོད། ཐེངས་འདིའི་ཀུན་གླེང་ལས་རིམ་དུ་བསོད་ནམས་གཡང་འཛོམས་ལགས་ཀྱིས་དཔེ་ཟུར་དབང་འདུས་ཚེ་རིང་ལགས་ལ་༢༠༢༡ ལོའི་སྲིད་སྤྱི་གཉིས་ཀྱི་དངོས་གཞིའི་འོས་བསྡུ་ཆེན་མོའི་ཐད་བཅར་འདྲི་ཞུས་པ་དང་། ཚེ་རིང་སྐྱིད་ལགས་ཀྱིས་ཚེ་བརྟན་དབང་ཕྱུག་ལགས་དང་ལྷན་ཨ་རི་དང་རྒྱ་ནག་གི་ཕྱི་འབྲེལ་མི་སྣའི་འབྲེལ་མོལ་ལ་དཔྱད་ཞིབ་བྱས་ཞུས་ཡོད་པས་ཨ་རིའི་ཤར་ཕྱོགས་ཀྱི་ཞོགས་པའི་ཆུ་ཚོད་༩།༣༠ དང་། རྒྱ་གར་གྱི་དགོང་མོའི་ཆུ་ཚོད་༧ སྟེང་དུས་ཐོག་གསན་གཟིགས་གནང་བར་ཞུ།།