ནུབ་ཆིངས་དམག་དོན་སྒྲིག་འཛུགས་ཀྱི་སྤྱི་ཁྱབ་དྲུང་ཆེ་ཡིས་ཉེ་ཆར་གཟའ་འཁོར་འདིའི་ནང་སི་པན་དུ་འཚམས་གཟིགས་ཕེབས་སྐབས། ཨུ་རུ་སུའི་ཕྱོགས་ནས་སྡིགས་སྐུལ་ཉེན་ཁར་གདོང་ལེན་བྱེད་བཞིན་པའི་སྐབས་འདིར་དམག་དོན་མཐུན་ཚོགས་ཀྱི་འཐུས་མི་རྒྱལ་ཁབ་ཁག་གིས་དམག་དོན་གྱི་ཐོག་འགྲོ་གྲོན་ཤུགས་ཆེ་རུ་གཏོང་རྒྱུར་འབོད་སྐུལ་གནང་ཡོད།
དམག་གི་གོ་མཚོན་ཉུང་འཕྲི་བྱ་རྒྱུར་དོན་གཉེར་ཡོད་པ་ཚོས། ཉེ་ལམ་ཨ་རིའི་སྲིད་འཛིན་ཌོ་ནལ་ཊམ་གྱིས་རྡུལ་ཕྲན་གོ་མཚོན་ཉུང་འཕྲི་ཐད་ཀྱི་བཀའ་མོལ་ལ་བརྟེན་ནས། ཨུ་རུ་སུ་དང་རྒྱ་ནག་མཉམ་དུ་དེ་དོན་གྲོས་མཐུན་འཇོག་ཐུབ་རྒྱུའི་རེ་བ་གནང་གི་ཡོད་པའི་སྐོར་འདིར་གསལ།
མེ་འཕེན་མཚམས་འཇོག་དང་མི་གཏའ་དང་བཙོན་པ་བརྗེ་རེས་ཀྱི་གྲོས་མཐུན་བཞག་པ་ལྟར་ཧ་མ་སིས་ཨི་སི་རེལ་གྱི་མི་གསུམ་གློད་གྲོལ་གཏོང་རྒྱུ་ཡིན་ཅེས་བརྗོད། གཟའ་ཕུར་བུར་ཨི་སི་རེལ་གྱི་མི་གཏའ་བརྒྱད་གློད་གྲོལ་བཏང་པའི་སྐབས་སུ་ནང་མི་དང་བསྐྱར་དུ་ཐུག་དུས་དགའ་སྐྱོའི་ཚོར་སྣང་ཆེན་པོ་བསྟན་པ་མཐོང་རྒྱུ་ཡོད་པའི་སྐོར་སྙན་སྒྲོན་ཞུ།
ཉེ་ལམ་ཨ་རིའི་སྲིད་འཛིན་ཌོ་ནལ་ཊམ་གྱིས་རྡུལ་ཕྲན་གོ་མཚོན་ཉུང་འཕྲིའི་ཐད་ཨུ་རུ་སུ་དང་རྒྱ་ནག་མཉམ་དུ་གྲོས་མཐུན་འཇོག་ཐུབ་རྒྱུའི་རེ་བ་གནང་གི་ཡོད་པའི་སྐོར་གསུངས་པ་འདི་གའི་གསར་འགོད་པ་སི་ཏི་ཧྥུ་ཧེར་མན་ལགས་ཀྱིས་ཕོ་བྲང་དཀར་པོ་ནས་བཏང་བའི་གནས་ཚུལ་དེ་ཕུན་ཚོགས་ལྷུན་གྲུབ་ལགས་ཀྱིས་སྙན་སྒྲོན་ཞུས་ཡོད།
ཨི་རན་གྱིས་ཨི་སི་རལ་བ་མང་པོ་སོ་མྱུལ་ཆེད་དུ་བསྡུ་སྐོང་བྱེད་བཞིན་ཡོད་པ་དང། སྔ་ལོ་ཨི་སི་རལ་གྱིས་དོགས་གཞི་ཡོད་པའི་སོ་མྱུལ་བ་༣༠ འཛིན་བཟུང་བྱས་ཡོད་པ་དང། གཟའ་འཁོར་སྔོན་མར་ཨི་སི་རལ་གྱི་དམག་མི་གཉིས་འཛིན་བཟུང་བྱས་ཡོད་པ་ཨི་སི་རལ་གྱིས་འགྲེལ་བརྗོད་བྱས་ཡོད་པ་རེད།
སྲིད་འཛིན་ཊམ་གྱིས་ཨ་རིའི་དཔལ་འབྱོར་འཕེལ་རྒྱས་གཏོང་རྒྱུར་དམིགས་ནས། ཆེས་མགྱོགས་ན་སྤྱི་ཟླ་གཉིས་པའི་ཚེས་གཅིག་ཉིན་ནས་བཟུང་མེག་སི་ཀོ་དང་ཁེ་ན་ཌའི་ཚོང་ཟོག་ལ་སྒོ་ཁྲལ་སྤར་སྲིད་པ་དང་། དཔལ་འབྱོར་རིག་པ་བ་དང་། ཚོང་ཁང་གི་བདག་པོ་སོགས་ཀྱིས་ཊམ་གྱི་སྒོ་ཁྲལ་སྲིད་ཇུས་ཀྱི་ཤུགས་རྐྱེན་སྐོར་ལ་དོ་སྣང་བྱེད་བཞིན་ཡོད།
ར་ཤི་ཡར་དཔུང་གྲོགས་སུ་བཏང་བའི་བྱང་ཀོ་རི་ཡའི་དམག་མི་ཚོར་ཡུཀ་རེན་གྱི་དམག་ས་ཁག་ཏུ་བསད་རྨས་ཚབས་ཆེན་ཕོག ད་ལྟ་ཡུཀ་རེན་གྱི་དམག་ས་ཁག་ནས་བྱང་ཀོ་རི་ཡའི་དམག་མི་དེ་རྣམས་ཕྱིར་འཐེན་བྱས་ཡོད་པའི་གནས་ཚུལ་ཐོན་འདུག
ཉེ་ཆར་ཟླ་བ་འདིའི་ནང་གསར་འགོད་པ་སྲུང་སྐྱོབ་སྒྲིག་འཛུགས་ཀྱིས་སྙན་ཐོ་གསར་པ་བཏོན་པའི་ནང་རྒྱ་ནག་ནི་གསར་འགོད་པ་བཙན་འཇུག་བྱེད་མཁན་རྒྱལ་ཁབ་སྡུག་ཤོས་ཀྱི་རིམ་པར་སླེབས་ཡོད་པ་རེད། ཉམས་ཞིབ་པ་ཁག་གིས་བརྗོད་དོན་དུ་གསར་འགོད་རང་དབང་གི་གནས་སྟངས་ཇེ་སྡུག་ཏུ་འགྲོ་བཞིན་པའི་སྐོར་ནོར་བུ་བསམ་འཕེལ་གྱིས་ཕབ་སྒྱུར་བྱས།
ཨུ་རུ་སུའི་སྲིད་འཛིན་ཕུ་ཊིན་གྱིས་གཟའ་མིག་དམར་ཉིན་གྱི་བཅར་འདྲི་ཞིག་གི་སྐབས་ལ། ཛེ་ལེན་སི་ཀིའི་སྲིད་འཛིན་གྱི་གོ་གནས་དེ་ཁྲིམས་མཐུན་མིན་པའི་རྐྱེན་གྱིས་ཁོང་ལ་གྲོས་མཐུན་གང་རུང་ཞིག་ལ་མིང་རྟགས་འགོད་རྒྱུའི་ཐོབ་ཐང་མེད་ཅེས་བརྗོད་འདུག
དེ་སྔོན་ཨི་སི་རལ་གྲོས་ཚོགས་ཀྱིས་གཏན་འབེབས་བྱས་པའི་མཉམ་འབྲེལ་རྒྱལ་ཚོགས་ཀྱི་པ་ལེ་སི་ཐན་བ་ཚོར་དམིགས་ནས་བཙུགས་པའི་སྐྱབས་བཅོལ་ལས་ཁུངས་དེ་བཞིན་བཀག་སྡོམ་བྱེད་པའི་ཁྲིམས་ཡིག་དེ་འདི་ཚེས་༣༠ སྟེ་རེས་གཟའ་ཕུར་བུ་ཉིན་ནས་དངོས་སུ་ལག་བསྟར་བྱ་རྒྱུ་ཡིན་པ་འདིར་གསལ།
ན་ནིང་ལོའི་སྤྱི་ཟླ་༡༢ པའི་ནང་ཨི་སི་རལ་གྱི་དམག་དཔུང་སི་རི་ཡར་འཛུལ་ཏེ། གྲོང་ཁྱེར་སོགས་ས་ཁུལ་ཁག་ཅིག་བཙན་བཟུང་བྱས་ཤིང་། ཨི་སི་རལ་གྱི་བཙན་བཟུང་འོག་ཚུད་ཡོད་པའི་སི་རི་ཡའི་མི་ཚོས་ད་ཆ་ཨི་སི་རལ་གྱི་དམག་དཔུང་ཡུལ་དེར་གཏན་སྡོད་བྱ་སྲིད་པའི་བློ་འཚབ་འོང་བཞིན་པའི་སྐོར་ཕུན་ཚོགས་ལྷུན་གྲུབ་ལགས་ཀྱིས་སྙན་སྒྲོན་ཞུས་ཡོད།
འབར་མའི་དམག་གིས་སྲིད་དབང་ཕྲོགས་ནས་ལོ་ལྔ་པ་དེ་འགོ་ཚུགས་གྲབས་ཡོད་ཅིང་། ད་ལྟ་འབར་མའི་ནང་འཁྲུག་རྒྱ་ཆེ་རུ་ཕྱིན་ཏེ་གྱེན་ལོག་པ་རྣམས་སྟོབས་ཤུགས་རྒྱས། འབར་མའི་དམག་གཞུང་གི་སྟོབས་ཤུགས་ཉམས་ནས་རྒྱལ་ཁབ་ཁ་འཐོར་འགྲོ་སྲིད་པའི་རྣམ་པ་ཞིག་ཐོན།
མང་སྣོན།
