ཨ་རིས་ཡུག་ཀེ་རན་ལ་དམག་དོན་རོགས་རམ་དེ་དག་གང་མྱུར་མཚམས་འཇོག་བྱེད་སྲིད་པ་དང་། ཨ་མི་རི་ཀའི་གྲོས་ཚོགས་ཀྱིས་ཕྱི་རྒྱལ་དུ་འཐབ་འཁྲུག་ནང་ཚུད་པའི་མཐུན་ཕྱོགས་རྒྱལ་ཁབ་ཚོར་རོགས་རམ་གསར་པ་སྤྲོད་རྒྱུ་དང་གཞུང་གི་སྔོན་རྩིས་འགྲོ་གྲོན་འཆར་གཞི་དེར་ད་ལྟའང་མོས་མཐུན་གཏན་འབེབ་གནང་ཐུབ་མེད་པ་རེད།
༄༅།། རྒྱ་གར་གྱི་ནང་སྲིད་ལྷན་ཁང་གི་ལས་སྣེ་ཚོ་དང་ལ་དྭགས་ཀྱི་སྐུ་ཚབ་ཚོ་ཐུག་འཕྲད་ཀྱིས་ས་གནས་དེར་མངའ་སྡེའི་ཐོབ་ཐང་སྤྲོད་དགོས་མིན་ཐད་གྲོས་མོལ་བྱས་ཀྱང་འགག་སྒྲོལ་ཆེན་པོ་ཞིག་བྱུང་མེད་པའི་གནས་ཚུལ་ཐོན་འདུག
༄༅།། ཨུ་རུ་སུའི་དམག་ཁོངས་སུ་ཞུགས་པའི་བལ་པོ་༦་ཡུག་ཀེ་རེན་གྱི་དམག་སར་འཐབ་འཁྲུག་ནང་དུ་བསད་འདུག་ཅིང་། བལ་ཡུལ་གཞུང་གིས་ཨུ་རུ་སུར་བལ་པོ་དམག་ཁོངས་སུ་བསྡུ་རྒྱུ་མཚམས་འཇོག་བྱ་དགོས་ཞེས་ནན་བརྗོད་བྱས་པའི་གནས་ཚུལ་ཐོན་འདུག
༄༅།། ཉེ་ཆར་ཕྱི་ཟླ་༡༡་པའི་ཚེས་༣༠་ཉིན་འབྲུག་ཡུལ་དུ་རྒྱལ་ཡོངས་གྲོས་ཚོགས་ཀྱི་འཐུས་མིའི་སྔོན་འགྲོ་འོས་བསྡུ་བྱས་པའི་སྐབས་སུ་རྒྱ་ནག་ལ་ཕྱོགས་པའི་འབྲུག་ཡུལ་གྱི་སྲིད་བློན་ཟུར་པ་བློ་གྲོས་ཚེ་རིང་གིས་འགོ་ཁྲིད་པའི་འབྲུག་མཉམ་རུབ་ཚོགས་པར་ཕམ་ཉེས་ཆེན་པོ་བྱུང་བའི་གནས་ཚུལ་ཐོན་འདུག
ཨི་སི་རལ་དང་ཧ་མ་སི་ཡིས་མེ་འཕེན་མཚམས་འཇོག་གི་གྲོས་མོལ་བྱེད་རྒྱུར་འདོད་མོས་མ་བྱུང་བ་དང་། ཨི་སི་རལ་གྱིས་གྷ་ཛའི་ནང་དམག་རྒོལ་བྱེད་བཞིན་པའི་དུས་རིང་ལ་ཞི་བའི་མི་སེར་འཆི་རྨས་ཀྱི་གནས་ཚུལ་ཇེ་ཉུང་དུ་གཏོང་ཐབས་བྱ་རྒྱུ་ཡིན་ཞེས་བརྗོད་ཀྱི་ཡོད་པའི་སྐོར་ནོར་བུ་བསམ་འཕེལ་གྱིས་ཕབ་བསྒྱུར་དང་སྙན་སྒྲོན་ཞུས་ཡོད།
༄༅།། ཐེ་ཝན་དུ་བཅའ་སྡོད་ཨ་མི་རི་ཀའི་སྐུ་ཚབ་དོན་གཅོད་ཀྱིས་མཚོ་གླིང་དེའི་སྲིད་འཛིན་དང་གྲོས་ཚོགས་འཐུས་མིའི་འོས་བསྡུ་ཁག་དྲང་སྙོམས་དང་ཕྱིའི་ཤུགས་རྐྱེན་འོག་ཏུ་མ་ཚུད་པ་ཞིག་བྱ་རྒྱུ་གནད་འགག་ཆེན་པོ་ཡིན་ཞེས་ནན་བརྗོད་བྱས་འདུག
ཨུ་རུ་སུའི་དབུས་འོས་བསྡུ་ལྷན་ཚོགས་ཀྱི་འགན་འཛིན་གྱིས་་མོ་སི་ཀོ་ལ་འཚོགས་པའི་ཚོགས་འདུ་ཞིག་གི་ཐོག་ཏུ། ད་ལྟ་༢༠༢༤ ལོའི་སྤྱི་ཟླ་༣ པའི་སྲིད་འཛིན་འོས་བསྡུ་སླེབས་གྲབས་ཡོད་ཅིང་། རང་ཡུལ་བསྐྱུར་ནས་གཞན་ཡུལ་དུ་འགྲིམ་ཚར་བའི་མི་ངན་དེ་ཚོས་འོས་བསྡུ་ལ་ཐེ་ཇུས་དང་ནག་པོ་བཟོ་ཐབས་བྱས་ནས་སྒོར་མོ་འཚོལ་ཐབས་བྱེད་བཞིན་འདུག་ཟེར།
ཨི་སི་རལ་དང་ཧ་མ་སི་བར་གྱི་དམག་འཁྲུག་འཕྲལ་སེལ་རིང་མེ་འཕེན་མཚམས་འཇོག་བྱེད་པའི་དུས་ཡུན་དེ་སླར་ཡང་ཉིན་གཅིག་ཇེ་རིང་དུ་བཏང་ཡོད་པ་དང་། ཧ་མ་སིས་རེས་གཟའ་ཕུར་བུའི་ཉིན་ཨི་སི་རལ་གྱི་མི་གཏའ་གཉིས་གློད་བཀྲོལ་བཏང་ནས་ཕྱིར་ཨི་སི་རལ་གྱི་རང་ཁྱིམ་དུ་འབྱོར་ཡོད་པའི་སྐོར་ཕུན་ཚོགས་ལྷུན་གྲུབ་ལགས་ཀྱིས་སྙན་སྒྲོན་ཞུ་གནང་གི་རེད།
ཨ་རིའི་རྒྱལ་ཁབ་བདེ་འཇགས་ཐད་ཀྱི་སློབ་སྟོན་པ་དང་ཕྱི་སྲིད་དྲུང་ཆེ་ཟུར་པ་ཧེན་རེ་ཁི་སིན་ཇཱར་ལགས་དགུང་ལོ་༡༠༠ ཐམ་པའི་ཐོག་འདས་གྲོངས་སུ་ཕྱིན་པ་དང་། རྩོད་གཞི་དང་མཚན་སྙན་ཆེན་པོ་ཡོད་པའི་ཨ་རིའི་སྲིད་དོན་པ་ཁོང་གི་མི་ཚེའི་ནང་། ཨ་རི་དང་གོ་ལའི་ཁྱོན་ཡོངས་ཀྱི་སྲིད་དོན་སྒྲོམ་གཞི་ལ་ཤུགས་རྐྱེན་ག་ཚོད་ཐེབས་ཡོད་ཅེ་ན་ལྟོས།
COP28 ་ཁོར་ཡུག་ཚོགས་ཆེན་ནི་ཨ་རབ་མཉམ་འབྲེལ་རྒྱལ་ཕྲན་ནང་འཚོག་བཞིན་པ་དང་། ས་འོག་རྡོ་སྣུམ་རིགས་བེད་སྤྱོད་ཉུང་འཕྲི་བྱེད་ཕྱོགས་ཐད་ལྟ་ཚུལ་མ་འདྲ་བ་བྱུང་། ཚོགས་འདུ་དེའི་སྟེང་ཨ་རིའི་གནམ་གཤིས་འགྱུར་ལྡོག་དམིགས་བསལ་སྐུ་ཚབ་མཉམ་ཞུགས་གནང་། ཚན་རིག་པས་དུག་རླངས་སྟངས་འཛིན་བྱེད་དགོས་པའི་གལ་ཆེན་རང་བཞིན་ནན་བརྗོད་བྱས།
ཕྱི་སྲིད་དྲུང་ཆེ་བྷི་ལིན་ཁིན་ཨི་སི་རལ་ལ་འབྱོར་ནས། ཁོས་ཨི་སི་རལ་གྱི་མི་གཏའ་གློད་གྲོལ་གཏོང་ཐབས་ལ་འབད་བརྩོན་བྱ་རྒྱུ་ཡིན་པའི་གཏམ་བཤད་གནང་ཡོད་པ་མ་ཟད། བྱང་ཆིངས་ཀྱི་ཚོགས་འདུའི་སྟེང་ཡང་བྷི་ལིན་ཁིན་གྱིས་ཨ་རི་དང་ཨ་རིའི་མཐུན་གྲོགས་རྒྱལ་ཁབ་དག་གིས་མུ་མཐུད་ནས་ཡུག་ཀེ་རན་ལ་རྒྱབ་སྐྱོར་བྱ་རྒྱུའི་ཁས་ལེན་བྱས་ཡོད།
ཨ་རིའི་གྲོས་ཚོགས་འཐུས་མི་རྣམས་ལ་ཡེ་ཤུའི་འཁྲུངས་སྐར་གྱི་གུང་སེང་མ་བཏང་བའི་སྔོན་ལ་ཡུག་ཀེ་རན་དང་ཨི་སི་རལ་ལ་རོགས་དངུལ་ཨ་སྒོར་ཐེར་འབུམ་མང་པོ་སྤྲོད་ཕྱོགས་ཀྱི་ཐད་ཆབ་སྲིད་ཚོགས་པ་ཕྱོགས་གཉིས་ཀྱི་འཐུས་མིའི་དབར་ལ་གྲོས་མཐུན་སླེབས་ཐུབ་དགོས། དེའི་སྐོར་གྱི་གནས་ཚུལ་བསོད་ནམས་དབྱངས་འཛོམས་ཀྱིས་སྙན་སྒྲོན་ཞུ་གི་རེད།
༄༅།། རྒྱ་ནག་གི་མི་དམངས་དངུལ་ཁང་འགན་འཛིན་ནས་རྒྱལ་ཁབ་ཀྱི་དཔལ་འབྱོར་ལ་དཀའ་ངལ་ཆེན་པོ་ཞིག་འཕྲད་ཀྱི་འདུག རྒྱ་ནག་གི་དཔལ་འབྱོར་ཁ་ཕྱོགས་གསར་པ་ཞིག་ཏུ་སྒྱུར་ཐབས་བྱེད་ཀྱི་ཡོད་པ་ནི་དཀའ་ཚེགས་ཆེ་བའི་འགྲུལ་བཞུད་ཅིག་རེད་ཅེས་ངོས་ལེན་བྱས་པའི་གནས་ཚུལ་ཐོན་འདུག
ཐེངས་འདིའི་གསར་འགྱུར་གལ་ཆེན་གཞན་ཁག་གི་ནང་དོན་གནད་བསྡུས་ནང་། སྲིད་འཛིན་ཟུར་པ་ཀར་ཊེར་གྱི་སྐུ་ཟླའི་མྱ་ངན་མཛད་སྒོ་དང་། ཕྱི་སྲིད་དྲུང་ཆེ་བྷི་ལིན་ཁེན་བསྐྱར་དུ་ཡུ་རོབ་ལ་ཕྱོགས་ཕེབས་གནང་བ། བྱང་ཀོ་རི་ཡའི་ནང་གི་འོས་བསྡུ་དང་མང་ཚོགས་ཀྱི་མངོན་འདོད། ཨ་མི་རི་ཀའི་SPACEX བཟོ་ཚོང་ཁང་གིས་རྒྱུ་སྐར་གསར་པ་བཏང་བ་སོགས་ཡོད།
ཡུ་རོབ་མཉམ་འབྲེལ་གྱིས་ཡུག་ཀེ་རན་ལ་རོགས་རམ་གནང་རྒྱུར་ཚོགས་མི་རྒྱལ་ཁབ་ཧང་གྷ་རི་ཡིས་བཀག་འགོག་བྱེད་རྒྱུའི་ཉེན་བརྡ་བཏང་པར་མ་ཟད་ཡུག་ཀེ་རན་ཚོགས་མི་བྱེད་རྒྱུར་བཀག་འགོག་བྱེད་རྒྱུའི་ཉེན་བརྡ་ཡང་བཏང་ཡོད། ཟླ་བཅུ་གཉིས་པར་ཚོགས་རྒྱུའི་ཚོཊ་ཆེན་གྱི་སྔོན་ལ་ཡུ་རོབ་ལྷན་ཚོགས་ཀྱི་ཚོགས་གཙོ་ཧང་གྷ་རིར་བསྐྱོད་དེ་གྲོས་བསྡུར་བྱས།
ཨི་ཧ་བར་མེ་འཕེན་མཚམས་འཇོག་སྐོར་ལ་བར་འདུམ་བྱེད་མཁན་ཁཱ་ཊར་གྱིས་བརྗོད་དོན། ཨི་ཧའི་དམག་འཁྲུག་དེ་གནས་སྐབས་རིང་ཉིན་བཞིའི་རིང་མཚམས་བཞག་པ་དེ་ད་ཆ་ཉིན་གཉིས་ཇེ་རིང་གཏང་རྒྱུར་མོས་མཐུན་བྱུང་སྟབས། དེའི་རིང་ཕྱོགས་གཉིས་ཕན་ཚུན་བར་མི་གཏའ་དང་བཙོན་པ་སྔར་ལས་མང་བ་གློད་བཀྲོལ་གཏང་སྲིད་པའི་སྐོར་ཚེ་རིང་དབང་མོས་སྙན་སྒྲོན་ཞུས།
ཨི་སི་རལ་དང་ཧ་མ་སིས་གཟའ་མིག་དམར་ཉིན་མི་གཏའ་དང་བཙོན་པ་ཁག་ཅིག་གློད་གྲོལ་གཏོང་རེས་བྱས་པ་དང་། ཨ་རིའི་སྲིད་འཛིན་ཕོ་བྲང་གིས་ཨི་སི་རལ་དང་ཧ་མ་སི་ཡིས་ཕྱོགས་གཉིས་དབར་ཡང་བསྐྱར་ཉིན་གཉིས་ཀྱི་བར་དུ་མེ་འཕེན་མཚམས་འཇོགས་ཀྱི་དུས་ཡུན་རིང་དུ་བཏང་བར་དགའ་བསུ་ཞུས་ནས་མི་གཏའ་མང་ཙམ་གློད་གྲོལ་གཏོང་ཐུབ་རྒྱུའི་རེ་བ་བྱེད་པ་རེད།
༄༅།། ཨུ་རུ་སུའི་དམག་ཁོངས་སུ་ཞུགས་ནས་ཡུག་ཀེ་རེན་ལ་འཐབ་འཁྲུག་རྒྱག་གི་ཡོད་པའི་བལ་པོའི་ན་གཞོན་གསུམ་བསད་པའི་གནས་ཚུལ་ཐོན་འདུག
རྒྱ་གར་བྱང་ཕྱོགས་ཧི་མ་ལ་ཡའི་ཁུལ་དུ་ཉིན་བཅུ་བདུན་རིང་ལ་ས་འོག་ཕུགས་ལམ་ནང་ལྷག་པའི་ལས་མི་རྣམས་སྐྱོབ་ཐུབ་ཡོད་པ་རེད། ཧི་མ་ལ་ཡའི་ཁུལ་དུ་རྨང་གཞིའི་འཛུགས་སྐྲུན་གྱི་ལས་ཀ་ནི་ཁོར་ཡུག་དང་ཚེ་སྲོག་ལ་གོད་ཆགས་ཆེན་པོ་ཞིག་རེད་ཅེས་དབྱེ་ཞིབ་པས་འགྲེལ་བརྗོད་བྱེད་ཀྱི་ཡོད་པའི་སྐོར་བསོད་ནམས་དབྱངས་འཛོམས་ཀྱིས་སྙན་སྒྲོན་ཞུས།
ཕྱི་ཟླ་༡༡་པའི་ཚེས་༣༠་ཉིན་འབྲུག་ཡུལ་དུ་གྲོས་ཚོགས་འཐུས་མིའི་སྔོན་འགྲོའི་འོས་བསྡུ་བྱེད་ཀྱི་ཡོད་ཅིང་། གཟའ་མིག་དམར་ཉིན་འབྲུག་ཡུལ་གྱི་ཀུན་གསལ་གསར་ཁང་གིས་གནས་ཚུལ་སྤེལ་བ་ལྟར་ན། གཟའ་འཁོར་འདིར་འབྲུག་པ་ཚོས་རང་གི་འདེམས་ཁོངས་ས་ཁུལ་ཁག་ཏུ་རྒྱལ་ཡོངས་གྲོས་ཚོགས་ཀྱི་འཐུས་མི་འོས་བསྡུ་ཐེངས་བཞི་པར་འོས་ཤོག་འཕེན་གྱི་རེད།
མང་སྣོན།
