རྒྱང་སྲིང་དུས་ཚོད།

རྒྱ་ནག་གིས་ཀྲུང་ཧྭ་མི་སེར་རྒྱལ་ཁབ་ཟེར་བ་ཞིག་མེད་ཟེར། ཉི་ཧོང་གི་སྲིད་བློན་སུ་གྷ་ཨ་རིར་འཚམས་འདྲིར་ཕེབས་པ། ཐེ་ཝན་མཚོ་འགག་ལ་ཞི་བདེ་བྱུང་ན་ཡུ་རོབ་ལ་ཁེ་ཕན་ཡོད་པ། རྒྱ་ནག་གིས་དཔལ་འབྱོར་ཐད་ནས་འཇིགས་སྣང་སྐུལ་བར་བརྟེན་ཆབ་སྲིད་ཀྱི་དམིགས་ཡུལ་སྒྲུབ་བཞིན་པ། ཧོང་ཀོང་གི་དམངས་གཙོའི་མི་སྣ་ཁག་ཅིག་ལ་ཁྲིམས་ཐག་བཅད་པ།

ཨ་རིའི་སྲིད་འཛིན་ཇོ་བྷད་ཊན་དང་ཉི་ཧོང་གི་སྲིད་བློན ་ཡོ་ཞིས་ཧས་སྦྲེ ་སུའུ་གྷིར་གཉིས་ཕོ་བྲང་དཀར་པོ་རུ་ཐུག་འཕྲད་བྱས་པ་ནི་བྷད་ཊན་གྱིས་ཕོ་བྲང་དཀར་པོ་རུ་ཕྱིའི་རྒྱལ་ཁབ་ཀྱི་སྲིད་འཛིན་དང་ཐུག་འཕྲད་བྱས་པ་ཐེངས་དང་པོ་རུ་གྱུར་ཡོད་པ། ཨུ་རུ་སུས་ཨ་རིས་ཉེས་ཆད་བཅད་པར་ཡ་ལན་སློག་རྒྱུའི་ཆེད་དུ་ཁོ་ཚོའི་རྒྱལ་ཁབ་ཏུ་ཡོད་པའི་ཨ་རིའི་ཕྱི་འབྲེལ་མི་སྣ་ཁག་ཅིག་ཕྱིར་ཕུད་གཏོང་འཆར་ཡོད་པ། ཨ་རིའི་གསང་བའི་ལས་ཁུངས་ནས་རྒྱ་ནག་ནི་ཨ་རིའི་རྒྱལ་སྲུང་ལས་དོན་གྱི་ཐད་ནས་དོ་སྣང་ཆེས་ཆེན་པོ་བྱེད་སའི་རྒྱལ་ཁབ་ཏུ་ངོས་འཛིན་བྱས་ཤིང་གྲོས་ཚོགས་ནས་དེའི་ཐད་གྲོས་མོལ་བྱས་ཡོད་པ་སོགས་ཀྱི་གནས་ཚུལ་ཡོད།