རྒྱ་ནག་གཞུང་གིས་བོད་མིའི་ཁྲག་དང་རིགས་རྫས་བསྡུ་བཞིན་པ་དེའི་ཡོ་ཆས་བཟོ་བསྐྲུན་པ་ཨ་རིའི་ཐིར་མཱོ་ཧྥེ་ཤར་ཚན་རྩལ་ཁང་གིས་ད་ནས་བཟུང་རྒྱ་ནག་གཞུང་ལ་ཡོ་ཆས་དེའི་རིགས་བཙོང་མཚམས་འཇོག་གི་ཡིན་ཞེས་མཚན་རྟགས་བཀོད་ཡོད་ཀྱང་། ཁ་དན་ཚིག་ལ་གནས་མིན་ད་དུང་བལྟ་རྒྱུ་ཡིན་སྐོར་ཚེ་རིང་སྐྱིད་ཀྱིས་ཕྱོགས་སྒྲིག་ཞུས་ཡོད།
བོད་ཀྱི་བུད་མེད་ཅིག་ཁེ་ན་ཌའི་གཞུང་འབྲེལ་སྐུ་ཚབ་ཀྱི་ངོས་ནས་གོ་ལའི་སྐྱབས་བཅོལ་གླེང་སྟེགས་སུ་ངོས་བཅར་ཞུས་འདུག་ལ། ཁོང་གིས་རང་ཉིད་ བོད་མི་ཞིག་གི་ངོས་ནས་རྒྱལ་ཁོངས་མེད་པའི་བོད་མི་སྐྱབས་བཅོལ་བའི་གནས་བབ་གླེང་སློང་ལ་འབད་བརྩོན་ཞུས་ཡིན་ཞེས་གསུང་བཞིན་འདུག
དྲ་སྣང་གི་བོད། ༢༠༢༣ ཟླ་༡༢ ཚེས་༢༩ དེ་རིང་གི་དྲ་སྣང་གི་བོད་དུ་༢༠༢༤་ལོའི་དྲ་ལམ་བོད་འབྲེལ་གནས་ཚུལ་ཆེ་ཤོས་དང་། བོད་ཡིག་དྲ་ཚིགས་ཁག རིག་ནུས་དང་བཀོལ་ཆས། བོད་འབྲེལ་དྲན་ཐོ་སོགས་ཡོད།
ཁེ་ན་ཌའི་གཞུང་གི་སྐྱབས་བཅོལ་སློབ་སྟོན་འབྲེལ་མཐུད་ཁང་གི་སློབ་སྟོན་པའི་གྲས་ཐོན་ཟུར་ཚེ་རིང་ནོར་འཛོམས་ལགས་གདན་འདྲེན་ཞུས་ནས་མོ་རང་ཚོགས་བཅར་ཞུས་པའི་རྒྱལ་ཚོགས་ཀྱི་༢༠༢༣་ལོའི་གོ་ལའི་སྐྱབས་བཅོལ་གླེང་སྟེགས་སུ་རྒྱལ་ཁབ་མེད་པའི་བོད་མི་སྐྱབས་བཅོལ་བའི་གནས་བབ་གླེང་སློང་གནང་ཡོད་པའི་ཐད་བགྲོ་གླེང་ཞུས་ཡོད།
ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་ང་ཚོའི་རླུང་འཕྲིན་ཁང་གི་རྡོ་རྗེ་གདན་ལ་ཆེད་མངགས་གསར་འགོད་པ་བསྟན་འཛིན་དབང་འདུས་ལགས་དང་ལྷན་༧གོང་ས་མཆོག་གི་གནས་མཆོག་རྡོ་རྗེ་གདན་གྱི་མཛད་འཕྲིན་ཐད་བགྲོ་གླེང་ཞུས་ཡོད།
རྒྱ་ནག་གིས་འདས་པའི་ལོ་གཅིག་རིང་ལྷོ་རྒྱ་ནག་རྒྱ་མཚོའི་ཁུལ་དུ་ཧྥི་ལི་པེན་གྱི་གྲུ་གཟིངས་ལ་འཚེ་བ་བྱེད་ཤུཊ་ཆེ་རུ་བཏང་ཡོད་ཀྱང་། ཧྥི་ལི་པེན་གྱིས་གནས་ཚུལ་ངོ་མ་ཕྱི་བསྒྲགས་ཀྱིས་རྒྱ་ནག་གི་སྤྱོད་ངན་ཐེར་འདོན་གྱི་འཐབ་ཇུས་ཤིག་བཟུང་ཡོད་པ་འདི་གའི་གསར་འགོད་པས་བཏང་བའི་གནས་ཚུལ་ཞིག་ཚེ་རིང་སྐྱིད་ཀྱིས་སྙན་སྒྲོན་ཞུས་ཡོད།
ཚེ་རིང་སྐྱིད་ལགས་ཀྱིས་གླིང་བུ་སྒྱུ་རྩལ་བ་ངག་དབང་མཁས་མཆོག་ལགས་གདན་འདྲེན་ཞུས་ནས་ཀོ་རི་ཡའི་ནང་པའི་དགོན་པར་འཁྲབ་སྟོན་གནང་བ་སོགས་ཀྱི་ཐད་བགྲོ་གླེང་ཞུ་རྒྱུ་ཡིན་པས་དུས་ཐོག་གསན་གཟིགས་གནང་བར་ཞུ།།
ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་བོད་ཀྱི་འགྲོ་བ་མིའི་ཐོབ་ཐང་དང་དམངས་གཙོ་འཕེལ་རྒྱས་ལྟེ་གནས་ཁང་གི་ཉམས་ཞིབ་འགན་འཛིན་ཚེ་རིང་མཚོ་མོ་ལགས་གདན་འདྲེན་ཞུས་ནས་རྒྱ་ནག་གི་ཤུགས་རྐྱེན་འོག་གི་བལ་ཡུལ་གྱི་བོད་མིའི་གནས་སྟངས་ཐད་བགྲོ་གླེང་ཞུས་ཡོད།
དྲ་སྣང་གི་བོད་དུ་༧རྒྱལ་བ་གཅེན་གཅུང་མཇལ་བའི་བརྙན་ལ་མཇལ་མཁན་མི་གྲངས་ས་ཡ་གཉིས་ལྷག་བརྒལ་བ། རྒྱ་ནག་གིས་ངོ་དེབ་རྫུན་མ་བཟོས་ནས་བཙན་བྱོལ་བོད་མིའི་མཐུན་ལམ་གཏོར་བཞིན་པ་ངོ་དེབ་བཟོ་ཚོང་ཁང་གིས་སྙན་ཐོ་བཏོན་པ། ཁེ་ན་ཌར་ངོ་དེབ་ཏུ་གསར་འགྱུར་ལ་ལྟ་མི་ཐུབ་པའི་རྒྱུ་མཚན། དྲ་ལམ་འཕྲུལ་རིས་སུ་དགའ་ལྡན་ལྔ་མཆོད་སྲུང་བརྩི་བྱས།
རྒྱ་ནག་གི་བཙོན་འཇུག་འོག་ཡོད་པའི་བོད་པ་ཚོང་པ་རྡོ་རྗེ་བཀྲ་ཤིས་ལགས་ཀྱི་གཅེན་མོ་མགོན་པོ་སྐྱིད་དང་ཁྱོ་ག་གཉིས་དེ་རིང་གཟའ་ལྷག་པའི་ཉིན་བོད་ཀྱི་རྒྱལ་ས་ལྷ་ས་རུ་བཀག་ཉར་བྱས་པའི་གནས་ཚུལ་ཐོན། ཁོང་གཉིས་ཀྱིས་ལྷ་སའི་ཁྲིམས་ཁང་དུ་གཅུང་པོ་རྡོ་རྗེ་བཀྲ་ཤིས་ལགས་ལ་ཁྲིམས་བཤེར་དྲང་སྙོམས་བྱས་མ་སོང་ཞེས་ལོ་མང་རིང་ངོ་རྒོལ་བྱས།
ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་བོད་ཀྱི་གཞོན་ནུ་ལྷན་ཚོགས་ཀྱི་དབུས་སྤྱི་ཁྱབ་ཚོགས་གཙོ་མགོན་པོ་དོན་གྲུབ་ལགས་དང་ལྷན་བྱང་ཨ་རིའི་བོད་ཀྱི་གཞོན་ནུའི་འགན་འཛིན་ལྷན་ཚོགས་ཀྱི་ཚོགས་འདུའི་གྲུབ་དོན་སོགས་ཀྱི་ཐད་བགྲོ་གླེང་ཞུས་ཡོད།
ཆབ་སྲིད་ཀྱི་བཀག་རྒྱ་དང་སྤྱི་ཚོགས་ཀྱི་བཀག་རྒྱ། བརྗོད་བྱའི་བཀག་རྒྱ་མེད་པར་རང་དབང་གི་ཁོར་ཡུག་ཅིག་ནས་བོད་རང་གི་སྐད་ཡིག་ཏུ་བོད་ཀྱི་རིག་གནས་དང་ལོ་རྒྱུས་ཐད་ལ་འབུམ་རམས་པ་བདུན་གསར་དུ་ཐོན་སྐོར་འདིར་གསལ།
ད་ལོའི་གནམ་གཤིས་ཚོཊ་ཆེན་གཙོ་སྐྱོང་བས་རྡོ་སྣུམ་བཟོ་ལས་དར་སྤེལ་གཏང་རྒྱུར་རྒྱབ་གཉེར་འཚོལ་མཁན་རྡོ་སྣུམ་བཟོ་གྲྭ་ཁག་དང་འབྲེལ་བའི་མི་མང་པོ་གདན་འདྲེན་ཞུས་འདུག་ཅེས་སྐྱོན་བརྗོད་བྱེད་བཞིན་པའི་སྐོར་ཨ་རིའི་རླུང་འཕྲིན་ཁང་གི་གསར་འགོད་པ་ཧེན་རེ་རི་ཇི་ཝེལ་གྱིས་བཏང་བའི་གནས་ཚུལ་ཞིག་ཚེ་རིང་སྐྱིད་ཀྱིས་སྙན་སྒྲོན་ཞུས་ཡོད།
རྒྱ་གར་གྱི་ཆེད་མཁས་པ་དང་ཞིབ་འཇུག་ཁོར་ཡུག གཙུག་ལག་སློབ་གྲྭ་སོགས་སུ་བོད་དོན་ལ་འཛིན་པའི་རྣམ་འགྱུར་ལ་བཟང་ཕྱོགས་ཀྱི་འགྱུར་བ་ཞིག་འགྲོ་བཞིན་པ་དང་རྒྱ་ནག་ལ་རྒྱལ་སྤྱིའི་ནང་དོ་སྣང་ཆེན་པོ་ཡོད་པའི་སྐབས་སུ་རྒྱ་གར་ནང་བོད་ཀྱི་ལྟ་སྟངས་བོད་པས་ཤོད་པའི་གོ་སྐབས་ཆེན་པོ ཞིག་ཡོད་པ་བོད་ཀྱི་་ཉམས་ཞིབ་པ་ཚོས་བརྗོད་བཞིན་འདུག
བོད་རྒྱའི་དཀའ་རྙོག་སེལ་ཐབས་ཀྱི་ཁྲིམས་འཆར་ལ་སྤྱི་མོས། བྱང་ཨ་རིའི་སྐུ་ཚབ་དོན་གཅོད་འབུམ་རམས་པ་རྣམ་རྒྱལ་མཆོག་གྲུབ་ལགས་གདན་འདྲེན་ཞུས་ནས་བོད་རྒྱའི་དཀའ་རྙོག་སེལ་ཐབས་ཀྱི་H.R.533 ཞེས་པའི་ཨ་རིའི་གྲོས་ཚོགས་ཀྱི་བོད་དོན་ཁྲིམས་འཆར་ཐད་བགྲོ་གླེང་ཞུ་རྒྱུ་ཡིན་པས་དུས་ཐོག་གསན་གཟིགས་གནང་བར་ཞུ།།
བོད་ཀྱི་འབུམ་རམས་པའི་ལོ་རྒྱུས་གསར་བ། ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་འབུམ་རམས་པ་གཙང་ཕྲུག་སྟོབས་ལགས་གདན་འདྲེན་གྱིས་ཏཱ་ལའི་བླ་མའི་མཐོ་སློབ་ཀྱི་ལོ་རྒྱུས་རང་བཞིན་ལྡན་པའི་འབུམ་རམས་པའི་མཚན་གནས་བཞེས་ཕྱོགས་ཐད་ལ་བགྲོ་གླེང་ཞུ་རྒྱུ་ཡིན།
དེ་རིང་གི་དྲ་སྣང་གི་བོད་དུ་སྲིད་པ་དྲ་བ་དང་། མིས་བཟོས་རིག་ནུས་ལས་བོད་བཞེངས་པ། སྐྱིད་སྡུག་ཉམས་མྱོང་གི་ཚེ་སྲོག་སྟོང་ཞེས་པའི་སྙན་དེབ། མགོ་ལོག་དཔལ་ལྡན་ལགས་ཀྱི་མགྱོགས་འཕྲིན་སོགས་ཡོད།
རྒྱ་ནག་ཞིབ་འཇུག་དང་འཐུས་ཇུས་ལྟེ་གནས་ཁང་གི་ཉམས་ཞིབ་པ་བོད་ཀྱི་བུད་མེད་འབུམ་རམས་པ་ཨ་དཔལ་ལྷ་མོ་ལགས་དང་ལྷན་རྒྱ་ནག་གཞུང་གིས་སྤྱི་འབངས་ལ་དོགས་སོན་བྱ་ར་བྱེད་པའི་གནས་སྟངས་ལས་འཕྲོས་ཏེ་བོད་མི་ནི་དུས་རབས་གསར་བའི་འཕྲུལ་རིག་གིས་དོགས་སོན་བྱ་ར་བྱེད་ཡུལ་གྱི་སྤྱི་ཚོགས་ཆེན་པོ་ཞིག་གྱུར་ཡོད་པའི་སྐོར་ལ་བགྲོ་གླེང་ཞུས་ཡོད།
ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་བོད་ཀྱི་སྲིད་བྱུས་ཉམས་ཞིབ་ཁང་གི་ཁོར་ཡུག་ཉམས་ཞིབ་པ་བདེ་ཆེན་དཔལ་མོ་ལགས་དང་ལྷན་ཐེ་ཝན་ཌིའི་ནང་འཚོགས་པའི་བོད་ཀྱི་ཁོར་ཡུག་གནས་སྟངས་ཇེ་སྡུག་དང་གཙང་ོཔོ་ཁག་ལ་གནོད་སྐྱོན་ཆེན་པོ་ཐེབས་བཞིན་པའི་ཐད་བགྲོ་གླེང་བྱས་ཡོད།
རྒྱ་རིགས་ཚོས་རྒྱ་ཡིག་ཏུ་བོད་དོན་སྐོར་བྲིས་པའི་དེབ་གལ་ཆེན་པོ་ལྔ་ངོ་སྤྲོད་དང་ཆབས་ཅིག་དེབ་དེ་ཚོའི་ནང་གི་བོད་ཀྱི་གནད་དོན་དང་བོད་ཀྱི་གནས་ཚུལ་ལ་བོད་པ་རང་ཉིད་ཀྱིས་སྐད་ཆའི་བདག་དབང་འཛིན་དགོས་ཞེས་ཉམས་ཞིབ་པ་ཞིག་གིས་བརྗོད་སོང་།
མང་སྣོན།
