ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་ལོ་ཙཱ་བ་དང་རྒྱ་ནག་གི་གནད་དོན་དབྱེ་ཞིབ་པ་སངས་རྒྱས་སྐྱབས་ལགས་དང་ལྷན་ཕྱི་རྒྱལ་དུ་ཡོད་པའི་རྒྱ་མི་ཚོས་བོད་ཀྱི་ལོ་རྒྱུས་དང་བོད་ཀྱི་ཆབ་སྲིད་ལ་འབྲེལ་བ་ཡོད་པའི་དཔེ་དེབ་སྣ་ཚོགས་པ་རྒྱ་ཡིག་ཏུ་དཔར་བསྐྲུན་བྱས་ཡོད་པའི་ནང་དོན་དང་གནད་འགག་ཐད་བགྲོ་གླེང་ཞུས་ཡོད།
ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་ཐེ་ཝན་གནས་བཞུགས་བཀྲ་ཤིས་ཚེ་རིང་ལགས་དང་མཉམ་དུ་ཐེ་ཝན་གྱི་སྲིད་འཛིན་འོས་བསྡུའི་དྲིལ་བསྒྲགས་ལས་འགུལ་དང་སྲིད་འཛིན་འོས་བསྡུ་དང་བོད་ཀྱི་འབྲེལ་ལམ་བཅས་ཀྱི་ཐད་ལ་བགྲོ་གླེང་ཞུས་ཡོད།
དེ་རིང་གི་དྲ་སྣང་གི་བོད་དུ་ཨ་རིའི་ནང་སྐད་འཕྲིན་ཁྲིམས་ལ་གཏུག་པ་དང་། ཨེ་ཤི་ཡ་དང་ཞི་བདེ་རྒྱ་མཚོའི་ཁུལ་གྱི་དཔལ་འབྱོར་མཉམ་འབྲེལ་ཚོགས་ཆེན་རིང་གི་བོད་མི་ཚོའི་མཉམ་འབྲེལ་བོད་དོན་ལས་འགུལ། རྫོགས་སངས་ཚེ་ལྷ་ལགས་ངོ་སྤྲོད་སོགས་ཡོད།
ཚེ་རིང་སྐྱིད་ལགས་ཀྱིས་ཡུ་རོབ་ཕྱོགས་བཞུགས་བོད་མི་མང་སྤྱི་འཐུས་ཐུབ་བསྟན་རྒྱ་མཚོ་ལགས་གདན་འདྲེན་ཞུས་ནས་རྒྱ་ནག་གཞུང་གིས་དོམ་ཁྲའི་ཕྱི་འབྲེལ་སྲིད་ཇུས་ཞེས་རྒྱལ་ཁབ་གཞན་ལ་བོད་ཀྱི་དོམ་ཁྲ་སྤྲད་དེ་ཕྱི་འབྲེལ་འཛུགས་པའི་ལུགས་སྲོལ་ཞིག་ཡོད་པའི་ཐད་བགྲོ་གླེང་ཞུ་རྒྱུ་ཡིན་པས་དུས་ཐོག་གསན་གཟིགས་གནང་བར་ཞུ།།
ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་རྟའུ་བསྟན་འཛིན་དམ་ཆོས་ལགས་དང་མཉམ་དུ་ཨེ་ཤི་ཡ་དང་ཞི་བདེ་རྒྱ་མཚོའི་ཁུལ་གྱི་དཔལ་འབྱོར་ཚོགས་ཆེན་APEC དང་། དེའི་སྟེང་སྲིད་འཛིན་བྷ་ཌན་དང་ཞི་ཅིན་ཕིང་གཉིས་ཟུར་དུ་མཇལ་འཕྲད་གནང་བའི་སྐོར་ལ་བགྲོ་གླེང་ཞུ་རྒྱུ་རེད།
ཨ་རིས་ནག་ནས་གཡར་བའི་དོམ་ཁྲ་གསུམ་ཕྱིར་སློག་བྱས་ཟིན་པ་དང་། རྒྱ་ནག་གིས་དོམ་ཁྲའི་ཕྱི་འབྲེལ་སྲིད་ཇུས་ཤིག་བཟུང་ཡང་མུ་མཐུད་དུ་ཨ་རི་ལ་དོམ་ཁྲ་གཡར་རྒྱུའི་གྲོས་མཐུན་བྱུང་མེད་པ་ནི་རྒྱལ་ཁབ་གཉིས་ཀྱི་འབྲེལ་ལམ་ཡག་པོ་མེད་པའི་མཚོན་རྟགས་ཤིག་ཡིན་པའི་སྐོར་ཚེ་རིང་སྐྱིད་ཀྱིས་སྙན་སྒྲོན་ཞུས་ཡོད།
བོད་ཀྱི་བུད་མེད་ལྷན་ཚོགས་ཀྱི་དབུས་སྤྱི་ཁྱབ་རྒྱུན་ལས་ཁང་གི་ཚོགས་གཙོ་བསྟན་འཛིན་སྒྲོལ་མ་ལགས་སོགས་ཨ་རིར་ཆེད་ཕེབས་ཀྱིས་ཨ་རིའི་ནེའུ་ཡོག་དང་ནེའུ་ཇར་སི་ས་གནས་བོད་ཀྱི་བུད་མེད་ཚོགས་པར་ལོ་བཞི་ལ་འཕྲད་པའི་དཀའ་རྙོག་མཇུག་སྒྲིལ་ཏེ་ས་གནས་རྒྱུན་ལས་གསར་བ་འདེམས་ཐོན་བྱུང་བ་ཚོའི་དམ་འབུལ་མཛད་སྒོ་འཚོགས་འདུག
ཐེངས་འདིའི་ཀུན་གླེང་དུ་བོད་ཀྱི་བུད་མེད་ལྷན་ཚོགས་ཀྱི་དང་ཐོག་གི་དམིགས་ཡུལ་དང་ལངས་ཕྱོགས། ད་ལྟའི་གནས་བབ་བཅས་ཀྱི་ཐོག་ལ་བགྲོ་གླེང་ཞུས་ཡོད། བརྗོད་གཞི་འདིའི་ཐོག་ལ་དབུས་བོད་ཀྱི་བུད་མེད་ལྷན་ཚོགས་ཀྱི་ཚོགས་གཙོ་བསྟན་འཛིན་སྒྲོལ་མ་དང་ཚོགས་གཞོན་ཚེ་རིང་སྒྲོལ་མ། དྲུང་ཆེ་སྐལ་བཟང་སྒྲོལ་མ་བཅས་གདན་འདྲེན་ཞུས་ཡོད།
ཉི་ཧོང་དུ་པདྨ་ཚེ་བརྟན་གྱི་གློག་བརྙན་ལ་གཟེངས་རྟགས་ཐོབ། ཡུལ་སྐོར་བས་པོ་ཏ་ལའི་ཉེ་འགྲམ་དུ་རྒོལ་འཛིང་། རྒྱལ་སྤྱིའི་དྲ་དམངས་ཀྱིས་བོད་དོན་བགྲོ་གླེང་། བོད་ཕྲུག་བཙན་ཉར་ལ་རྒྱ་ནག་གི་ལན་འདེབས། བོད་ནང་གི་བོད་མིས་སྒོ་ཤེས་རབ་རྒྱ་མཚོ་དྲན་གསོ། ཁེ་ན་ཌའི་གཞུང་ཚབ་ལ་རྒྱའི་དྲ་མང་གིས་རུབ་རྒོལ།་བྱུང་བ་སོགས་ཡོད།
རྒྱ་ནག་མི་མང་གིས་སྲིད་བློན་ལི་ཁེ་ཆང་ལ་རྗེས་དྲན་ཞུ་བཞིན་པ་དེ་རྒྱ་ནག་གིས་ཉེན་ཁ་ཞིག་ལ་རྩིས་ཏེ་རྗེས་དྲན་བཀག་སྡོམ་བྱེད་མགོ་བཙུགས་པ་མ་ཟད། རྒྱ་ནག་གཞུང་གིས་ལི་ཁེ་ཆང་ལ་གཞུང་འབྲེལ་གྱི་རྗེས་དྲན་འཚོགས་རྒྱུ་མིན་པ་གསལ་བསྒྲགས་བསྐྱངས་འདུག
རྒྱ་ནག་གཞུང་གིས་བོད་མི་ཚོའི་འགྲོ་བསྐྱོད་ལ་དོ་དམ་བྱེད་བཞིན་པ་དང་ཕྱིར་བསྐྱོད་ལག་ཁྱེར་སྤྲོད་ཀི་མེད་པ་སོགས་ནི་གནས་ཚུལ་གསར་བ་གང་མ་རེད་དེ། ༢༠༡༢་ལོར་རྒྱ་ནག་གི་མགོ་ཁྲིད་ཞི་ཅིན་ཕིང་གིས་སྲིད་དབང་བཟུང་བ་ནས་རྒྱ་ནག་རྒྱལ་ཡོངས་སུ་ཕྱིར་བསྐྱོད་ལག་ཁྱེར་ལ་དོ་དམ་བྱེད་ཤུགས་ཆེ་རུ་བཏང་ཡོད་པ་རྒྱ་རིགས་ཚོས་བརྗོད་བཞིན་འདུག
བོད་ཀྱི་གནས་བབ་ལས་འཕྲོས་པའི་གནད་དོན་གལ་ཆེ་ཤོས་གཉིས་ཀྱི་ཐོག་ལ་བོད་ཀྱི་གཞུང་འབྲེལ་མིན་པའི་ཚོགས་པ་ཚོས་བཏོན་པའི་སྙན་ཐོ་གཉིས་ཉི་ཧོང་སྐད་དུ་དཔར་བསྐྲུན་གྱིས་ཉི་ཧོང་བཅའ་བཞུགས་བོད་ཀྱི་སྐུ་ཚབ་དོན་གཅོད་ཀྱིས་དབུ་འབྱེད་དཔར་འགྲེམས་གནང་འདུག་ལ་དེར་ཉི་ཧོང་གི་བོད་དོན་རྒྱབ་སྐྱོར་བ་ཚོས་བསྔགས་བརྗོད་གནང་ཡོད་པ་རེད།
ཚེ་རིང་སྐྱིད་ལགས་ཀྱིས་འཇབ་དམག་གློག་བརྙན་དེ་བཟོ་མཁན་བོད་ཀྱི་གློག་བརྙན་བཟོ་བསྐྲུན་པ་བསྟན་འཛིན་བསོད་ནམས་ལགས་གདན་འདྲེན་ཞུས་ནས་ཨ་རིའི་དབུས་གསང་བའི་ལས་ཁུངས་ཀྱིས་བོད་མི་ཚོར་བཙན་རྒོལ་རྒྱལ་སྐྱོབ་ལ་མཐུན་འགྱུར་གནང་བ་དང་བོད་པའི་བཙན་རྒོལ་རྒྱལ་སྐྱོབ་ཀྱི་གློག་བརྙན་དང་འགྲེམས་སྟོན་གྱི་སྐོར་ནས་བགྲོ་གླེང་ཞུས་ཡོད།
ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་ཉི་ཧོང་སྐུ་ཚབ་དོན་གཅོད་འབུམ་རམས་པ་ཨརྱ་ཚེ་དབང་རྒྱལ་བོ་ལགས་དང་ལྷན་ཉི་ཧོང་སྐད་དུ་དཔར་བསྐྲུན་བྱས་པའི་༸གོང་ས་ཏཱ་ལའི་བླ་མའི་ཡང་སྲིད་དང་། རྒྱ་ནག་གིས་བོད་དུ་མི་སེར་སྤེལ་བའི་བཅའ་སྡོད་སློབ་གྲྭ་བཙུགས་ཡོད་པའི་སྐོར་གྱི་སྙན་ཐོ་གཉིས་ཀྱི་ཐད་བགྲོ་གླེང་ཞུ་རྒྱུས་ཡོད།
དེ་རིང་གི་དྲ་སྣང་གི་བོད་དུ་རྒྱ་ནག་གཞུང་གིས་བོད་ཀྱི་སྐད་དོད་Tibet ཡི་ཚབ་ཏུ་Xizang ཞེས་པ་བཀོལ་སྤྱོད་གཏོང་དགོས་པའི་ལས་འགུལ་སྤེལ་བཞིན་པའི་ཐད་དཔྱད་བརྗོད་བྱས་ཡོད།
ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་བོད་མིའི་སྒྲིག་འཛུགས་ཤེས་རིག་ལས་ཁུངས་ཀྱི་ཤེས་ཡོན་ཚན་པའི་འགན་འཛིན་བསྟན་འཛིན་རྡོ་རྗེ་ལགས་དང་མཉམ་དུ་བཙན་བྱོལ་སློབ་གྲྭ་ཁག་གི་སློབ་མ་ཚོའི་དབར་གྱི་རྩོམ་རིག་དང་རིག་གནས་འདུ་འཛོམས་སྐོར་ནས་བགྲོ་གླེང་ཞུས་ཡོད།
ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་འདི་ག་ཨ་རིའི་རླུང་འཕྲིན་ཁང་གི་བོད་སྐད་སྡེ་ཚན་གྱི་རྩོམ་སྒྲིག་འགན་འཛིན་ཚེ་བརྟན་དབང་ཕྱུག་ལགས་དང་ལྷན་འདས་པའི་ལོ་ངོ་བཅུར་སྤེལ་བའི་རྒྱ་ནག་གི་རྒྱུད་གཅིག་ལམ་གཅིག་ཅེས་པ་དེའི་གནས་སྟངས་གང་འདྲ་བྱུང་ཡོད་པའི་ཐོག་བགྲོ་གླེང་ཞུས་ཡོད།
བོད་ཀྱི་རྩོམ་པ་པོ་དང་ཆབ་སྲིད་བཙོན་ཟུར་ཞིག་གིས་སྐད་དང་ཡི་གེ་རང་གི་བླ་སྲོག་ཡིན་ཞེས་པའི་རྩོམ་ཡིག་ཅིག་བྲིས་ཏེ་སྐད་ཡིག་ནི་ལག་ཆ་ཙམ་རེད་ཅེས་པའི་ནོར་འཁྲུལ་ཅན་གྱི་བསམ་བློ་འདི་དོར་ནས་སྐད་ཡིག་ནི་མི་རིགས་རིག་གནས་ཀྱི་སྲོག་ཤིང་དང་རྩིས་ཐང་།རང་དབང་སོགས་ལ་འབྲེལ་ཡོད་པས་སྐད་ཡིག་ནི་མི་རིགས་ཀྱི་བླ་སྲོག་ཡིན་ཞེས་བྲིས་འདུག
རྒྱ་ནག་གི་དྲ་ལམ་དུ་ཨི་སི་རལ་ལ་སྐྱོན་བརྗོད་དང་ཇེའུ་མི་རིགས་ལ་ངོ་རྒོལ། ཧ་མ་སི་ལ་རྒྱབ་སྐྱོར་བྱེད་བཞིན་པའི་གཏམ་བརྗོད་ཚ་འུར་བྱེད་བཞིན་པའི་སྐབས་སུ་པེ་ཅིན་དུ་བཅའ་སྡོད་ཨི་སི་རལ་གཞུང་ཚབ་ཀྱི་ལས་བྱེད་ཅིག་ལ་པེ་ཅིན་གྱི་སྲང་ལམ་དུ་མི་ཞིག་གིས་གྲིས་བཙུགས་ཡོད་འདུག
ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་ཀུན་གླེང་གསར་འགྱུར་སྙན་སྒྲོན་པ་ནོར་བུ་བསམ་འཕེལ་ལགས་དང་ལྷན་པ་ལི་སི་ཐན་གྱི་ཧ་མ་སི་ཡུལ་དམག་གིས་ཨེ་སི་རལ་ལ་གློ་བུར་འཇབ་རྒོལ་བྱས་ཏེ་ད་ལྟ་ཨེ་སི་རལ་གྱིས་རྒོལ་ལན་སློག་བཞིན་པ་སོགས་ཀྱི་ཐད་བགྲོ་གླེང་ཞུས་ཡོད།
མང་སྣོན།
