ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་༧གོང་ས་མཆོག་གིས་ཨ་རིའི་བདམས་ཐོན་སྲིད་འཛིན་ཊམ་ལ་འཚམས་འདྲི་ཞུས་པ་དང་། སྲིད་འཛིན་གཞོན་པ་ཧེ་རེ་སི་ཡིས་འོས་བསྡུའི་ཕམ་ཁ་ངོས་ལེན་གནང་བ། ཨ་རིའི་གྲོས་ཚོགས་གོང་འོག་གཉིས་ཀའི་སྟངས་འཛིན་ཐད་ཀྱི་འགྱུར་བ། ཡུ་རོབ་འགོ་ཁྲིད་རྣམས་ཀྱིས་མ་འོངས་འབྲེལ་ལམ་ལ་བློ་འཚབ་བྱེད་བཞིན་པ་སོགས་ཡོད། ཐེངས་འདིའི་ཀུན་གླེང་ལེ་ཚན་ནང་ཚེ་རིང་སྐྱིད་ལགས་ཀྱིས་ཨ་རིའི་ལས་བཟོ་ཚོགས་པ་SEIU ས་གནས་མི་ནི་སོ་ཌའི་ཚོགས་གཞོན་འཇིགས་མེད་ཨུ་རྒྱན་ལགས་དང་ལྷན་ཨ་རིའི་གྲུབ་མ་ཐག་པའི་༢༠༢༤ ལོའི་འོས་བསྡུ་དང་བསྟུན་ཆབ་སྲིད་འགྱུར་བ་ཆེན་པོ་ཞིག་འབྱུང་བཞིན་པའི་སྐབས་འདིར་བོད་དོན་གོ་རྟོགས་སྤེལ་བའི་གོ་སྐབས་གསར་པ་ག་རེ་འབྱུང་སྲིད་པ་དང་། གོ་སྐབས་དེ་དག་དམ་འཛིན་བྱེད་ཕྱོགས་ཐད་བགྲོ་གླེང་ཞུ་རྒྱུ་ཡིན།