ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་༸གོང་ས་མཆོག་གིས་ཕྱི་ལོ་གསར་ཚེས་ཉིན་དད་ལྡན་རྣམས་ལ་མཇལ་ཁ་སྩལ་སྐོར་དང་། ཨུ་རུ་སུས་ཡུ་རོབ་ལ་རང་བྱུང་སོལ་རླངས་སྤྲོད་མཚམས་བཞག་པ། སློབ་གྲྭ་ཁག་གི་སློབ་སྤྱི་དང་དགེ་བྱེད་རྣམས་ཀྱི་ཚོགས་འདུ། ཨ་རིའི་ནང་ཕྱི་ལོ་གསར་ཚེས་ཉིན་མི་གསོད་ཁྲག་སྦྱོར་བྱུང་བ། གསར་འགྱུར་གཞན་ཁག་ཅིག་གི་གནད་བསྡུས་སོགས་ཡོད། ཐེངས་འདིའི་ཁ་བའི་མི་སྣའི་ལེ་ཚན་ནང་རང་བཙན་གཞོན་ནུའི་གཞས་པ་ཚེ་རིང་དཔལ་འབྱོར་དང་ཁོང་གི་རོལ་དབྱངས་ཐད་གཞས་པ་ཁོང་དང་ལྷན་བགྲོ་གླེང་ཞུ་རྒྱུ་ཡིན། དེ་རིང་གི་དྲ་སྣང་གི་བོད་དུ་ཚེ་རིང་སྐྱིད་ལགས་ཀྱིས་༢༠༢༤ ལོའི་བོད་དང་འབྲེལ་བའི་བརྡ་འཕྲིན་འཕེལ་རྒྱས་སྐོར་དང་། ༢༠༢༤་ལོར་དྲ་བརྙན་དང་འབྲེལ་ནས་བོད་གླེང་བ། ༢༠༢༤་ལོའི་བརྡ་འཕྲིན་རྒྱུད་ལམ་གྱི་བོད་སྐད་ཡིག ༢༠༢༤་ལོའི་རྒྱལ་སྤྱིའི་རྒྱུད་ལམ་གྱི་བོད། ༢༠༢༤་ལོར་དྲ་མང་གིས་མྱ་ངན་ཞུ་ས། ༢༠༢༤་ལོར་དྲ་མང་གིས་གླེང་སློང་བྱུང་བའི་བརྗོད་བྱ་ཁག་སོགས་ཡོད།