ཨ་རིའི་རླུང་འཕྲིན་ཁང་གི་གཟའ་མིག་དམར་ཉིན་གྱི་ཀུན་གླེང་གསར་འགྱུར་ནང་ཨ་རིའི་སྲིད་འཛིན་ཟུར་པ་ཀར་ཊར་ལ་མྱ་ངན་དང་། སེ་རི་ཡའི་རྒྱལ་ཡོངས་འོས་བསྡུ་བྱེད་པར་ལོ་ཤས་འགོར་སྲིད་པ། ལྷོ་ཀོ་རི་ཡའི་གནམ་གྲུའི་ཆག་སྒོའི་དོན་རྐྱེན་ལ་ཞིབ་འཇུག གསར་འགྱུར་གཞན་ཁག་ཅིག་གི་གནད་བསྡུས་བཅས་ཡོད། ཐེངས་འདིའི་གསར་འགྱུར་ཞིབ་འགྲེལ་གྱི་ལེ་ཚན་ནང་ཚེ་རིང་དབང་མོ་ལགས་ཀྱིས་འདི་གའི་ཨ་རིའི་རླུང་འཕྲིན་ཁང་བོད་སྐད་སྡེ་ཚན་གྱི་རྩོམ་སྒྲིག་འགན་འཛིན་ཚེ་བརྟན་དབང་ཕྱུག་ལགས་དང་ལྷན་དུ་རྒྱ་ནག་གི་དཔལ་འབྱོར་དང་མི་འབོར་གྱིས་བོད་ལ་ཐེབས་སྲིད་པའི་ཤུཊ་རྐྱེན་སོགས་ཀྱི་ཐད་ནས་བགྲོ་གླེང་ཞུ་རྒྱུ་ཡིན།