ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་ཨི་སི་ཊོ་ནི་ཡའི་བོད་དོན་རྒྱབ་སྐྱོར་ཚོགས་པའི་སྐུ་ཚབ་ལ་མཇལ་ཁ་སྩལ་སྐོར་དང་། རྒྱ་གར་གི་སྲིད་བློན་ཟུར་པ་སྐུ་ཞབས་མཱ་མོ་ཧན་སིན་མཆོག་དགུང་ལོ་༩༢ ཐོག་སྐུ་གཤེགས་པར་༸གོང་ས་༸སྐྱབས་མགོན་ཆེན་པོ་མཆོག་གིས་དེ་དོན་ཐུགས་གསོའི་གསུང་འཕྲིན་བཀའ་ཡིག་སྩལ་གནང་མཛད་པ། ཉི་ཧོང་ཨོ་ཀ་མིག་གི་ཆེད་ལས་སྨན་པར་མཇལ་ཁ་སྩལ་བ། ཀུན་གླེང་ལས་རིམ་དུ་རྡོ་རྗེ་ཚེ་བརྟན་ལགས་ཀྱིས་གསར་འགོད་པ་ཚེ་བརྟན་དབང་ཕྱུག་ལགས་དང་ལྷན་དུ་ད་ལོ་༢༠༢༤ ལོའི་ལོ་གཅིག་རིང་གི་གསར་འགྱུར་གལ་ཆེ་ཁག་ཅིག་གི་ཐད་བགྲོ་གླེང་ཞུ་རྒྱུ་ཡིན།