ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་ཨ་རིའི་ནང་རང་བཙན་ཉིན་མོ་སྲུང་བརྩི་དང་། རྒྱ་ནག་གི་ནོར་སྲིད་དྲུང་ཆེ་རྒྱ་ནག་ཏུ་ཕེབས་རྒྱུ། ༧གོང་ས་མཆོག་གིས་བརྐྱངས་ཕྱག་མཇལ་སྐོར་བར་མཇལ་ཁ། ཐེ་ཝན་དུ་འཁྲུངས་སྐར་སྔ་བསྣུར་སྲུང་བརྩི། རྗེ་མི་ལ་རས་པའི་ཐང་ག་འགྲེམས་སྟོན། འཛམ་གླིང་དཀྱིལ་ཤར་ས་ཁུལ་གྱི་དཀའ་རྙོག་སོགས་ཡོད། ཀུན་གླེང་ལས་རིམ་དུ་ཚེ་རིང་དབང་མོ་ལགས་ཀྱིས་བོད་དོན་ལས་འགུལ་བསྟི་གནས་ཁང་གི་འཕྲུལ་ལས་རིག་པའི་འགན་འཛིན་སྲི་ཐར་བློ་བཟང་རྒྱ་མཚོ་ལགས་དང་ལྷན་བོད་ཕྱི་ནང་གཉིས་ལ་འཕྲད་བཞིན་པའི་དྲ་རྒྱའི་བདེ་འཇགས་ཀྱི་དཀའ་ངལ་དང་དེར་གདོང་ལེན་བྱེད་ཕྱོགས་སོགས་ཀྱི་སྐོར་བགྲོ་གླེང་ཞུས་ཡོད། དེ་བཞིན་དུ་ཚེ་རིང་དབང་མོ་ལགས་ཀྱིས་འབྲས་སྤུངས་སྒོ་མང་གྲྭ་ཚང་གི་མཁན་པོ་འཇིགས་མེད་རྒྱ་མཚོ་ལགས་དང་ཕྱག་མཛོད་བགྲེས་པ་སྨོན་ལམ་རྒྱ་མཚོ་ལགས་གཉིས་སུ་དགོན་པའི་སློབ་གཉེར་དང་འཛིན་སྐྱོང་གནང་ཕྱོགས་སོགས་ཀྱི་སྐོར་བགྲོ་གླེང་ཞུ་རྒྱུ་ཡིན་པས་དུས་ཐོག་གསན་གཟིགས་གནང་བར་ཞུ།།