༄༅།། སྲིད་བློན་ནེ་ཐན་ཡ་ཧུས་དམག་འཁྲུག་གི་སྔོན་དེར་ཨི་སི་རལ་གྱི་ཟུར་འཇོག་དམག་དཔུང་གིས་སྲི་ཞུ་བསྒྲུབ་རྒྱུ་མིན་ཞེས་ངོ་རྒོལ་བྱས་པ་རེད། ཧ་མ་སི་ཤོག་ཁག་གི་གོ་སྐབས་དེ་བཟུང་ནས་ཨི་སི་རལ་གཏོར་རྒོལ་བྱས་པ་ཡིན་སྲིད་ཅེས་བཤད་པ་རེད་ཟེར་བའི་གནས་ཚུལ་ཞིག་ཐོན།
ནེ་ཇི་རི་ཡའི་ས་གནས་ཁེ་ལས་པ་ཚོར་མཚོན་ན་རྒྱ་ནག་གི་ཐོན་རྫས་ནང་འདྲེན་བྱས་པའི་རྐྱེན་གྱིས་ནེ་ཇི་རི་ཡའི་ནང་ལ་ལས་མེད་དང་དབུལ་ཕོངས། རིན་གོང་འཕར་བ་སོགས་ཀྱི་རྐྱེན་རྩ་ཆགས་ཀྱི་ཡོད་པའི་སྐོར་ཚེ་རིང་སྐྱིད་ལགས་ཀྱིས་སྙན་སྒྲོན་ཞུས་ཡོད།
རྒྱལ་ཚོགས་ཀྱི་སྤྱི་ཁྱབ་དྲུང་ཆེའི་ཉིན་བཞིའི་རིང་ལ་བལ་ཡུལ་དུ་ཞུང་འབྲེལ་སྐོར་སྐྱོད་གནང་བའི་རིང་ལ་རི་བོ་ཇོ་མོ་གླང་མའི་གཤམ་དང་། སངས་རྒྱས་བཅོམ་ལྡན་འདས་ཀྱི་སྐུ་འཁྲུངས་ཡུལ་ལུམ་བི་ནི་རུ་བལ་ཡུལ་གྱི་སྲིད་བློན་དང་ལྷན་དུ་ཕེབས་ཏེ་བསྐོར་སྐྱོད་མཇུག་སྒྲིལ་ཡོད་པའི་སྐོར་བསོད་ནམས་དབྱངས་འཛོམས་ཀྱིས་སྙན་སྒྲོན་ཞུས་ཡོད།
༄༅།། དེ་རིང་གཟའ་ཕུར་བུའི་ཉིན་རྒྱ་ནག་གཞུང་གིས་སྲིད་བློན་ཟུར་པ་ལི་ཁེ་ཆང་གི་ཕུང་པོ་ཞུགས་འབུལ་བྱས་ཏེ་སྲིད་འཛིན་ཞིས་ཅིན་ཕིང་དང་བཟའ་ཟླ་ཕེང་ལི་ཡོན། སྲིད་བློན་ལི་ཆང་སོགས་རྒྱ་ནག་གི་མཐོ་རིམ་འགོ་ཁྲིད་ཚོ་ཞུགས་འབུལ་མཛད་སྒོར་ཞུགས། ཁོ་ཚོས་ལི་ཁེ་ཆང་གི་ཆུང་མ་དང་ཤུལ་ལུས་བཟའ་མི་ཚོར་སེམས་གསོ་བྱས་པའི་གསར་འགྱུར་ཐོན།
ཕ་ཀི་སི་ཐན་དུ་ཨ་ཧྥུ་གྷན་ན་སི་ཐན་གྱི་སྐྱབས་བཅོལ་བ་ཁྲི་སྟོང་མང་པོ་ཡོད་ནའང་། ཕ་ཀི་སི་ཐན་འཛིན་སྐྱོང་གཞུང་གིས་སྤྱི་ཟླ་བཅུ་བའི་ཚེས་སོ་གཅིག་གི་ཉིན་བར་གྱི་དུས་ཡུན་ཟླ་བ་གཅིག་གི་རིང་ལ་སྐྱབས་བཅོལ་བ་དེ་དག་ཕྱིར་ལོག་དགོས་པའི་བཀའ་རྒྱ་བཏང་ཡོད་པའི་གནས་ཚུལ་དཀོན་མཆོག་དོན་གྲུབ་ཀྱིས་སྙན་སྒྲོན་ཞུ་གི་རེད།
བལ་ཡུལ་གྱི་ཕྱོགས་སུ་ཁེལ་བའི་རི་བོ་ཇོ་མོ་གླང་མའི་ལྷོ་འདབས་ནས་མཉམ་འབྲེལ་རྒྱལ་ཚོགས་ཀྱི་སྤྱི་ཁྱབ་དྲུང་ཆེ་གུ་ཊེ་རི་སིས་ཧི་མ་ལ་ཡའི་ཁྱག་རོམ་ཞུ་ཚད་ཇེ་མགྱོགས་སུ་འགྲོ་བཞིན་འདུག ཧི་མ་ལ་ཡའི་གངས་རི་ནས་མཆེད་པའི་ཆུ་བོ་རྣམས་ནི་མི་ཐེར་འབུམ་གཅིག་གི་འཐུང་ཆུའི་འབྱུང་ཁུངས་ཡིན་ཞིང་།
ཨི་སི་རལ་གྱིས་གྷ་ཟར་དཔུང་རྒོལ་བྱ་རྒྱུ་ཤུགས་ཆེ་རུ་གཏོང་བཞིན་པའི་སྐབས་འདིར་ཨ་རིས་གྷ་ཟ་ཐང་གཤོང་གི་པ་ལི་སི་ཐན་བ་ཉེས་མེད་ཞི་བའི་མི་མང་དཀྱུས་མའི་ཚེ་སྲོག་སྐྱོབ་གལ་འགངས་ཆེན་པོ་ཡིན་ཞེས་ནན་བརྗོད་བྱས་འདུག་ཅིང་། འཐབ་ཇུས་པ་ཞིག་གིས་ཨི་སི་རལ་གྱིས་ཧ་མ་སི་ཤོག་ཁག་རྩ་མེད་གཏོང་ཐུབ་རྒྱུ་ཧ་ཅང་ཁག་པོ་རེད་ཅེས་ཉེན་བརྡ་བཏང་།
རྒྱ་གར་གྱི་རྒྱལ་ས་ལྡི་ལི་གཙོས་གྲོང་ཁྱེར་ཆེ་ཁག་ཏུ་མཁའ་རླུང་འབག་བཙོག་ཆེ་རུ་ཕྱིན་ཡོད་ཅིང་། དེ་ནི་མིའི་འཕྲོད་བསྟེན་ལ་ཉེན་ཁ་ཧ་ཅང་ཆེན་པོ་ཡོད་པའི་སྐོར། བསོད་ནམས་དབྱངས་འཛོམས་ཀྱིས་གནས་ཚུལ་སྙན་སྒྲོན་ཞུ་ཡི་རེད།
༄༅།། ཡུག་ཀེ་རེན་གྱི་དམག་འཁྲུག་ལངས་ནས་ལོ་༡་དང་ཟླ་བ་༨་ལྷག་འགྲོ་བཞིན་ཡོད་ཅིང་། ད་ལྟའི་བར་དུ་ཡུཀ་རེན་གྱི་དམག་ས་ཁག་ཏུ་ཨུ་རུ་སུའི་དམག་མི་འབུམ་༣་ལྷག་ལ་སྲོག་སྐྱོན་ཕོག་ཡོད་པའི་གནས་ཚུལ་ཐོན་འདུག
༄༅།། གཟའ་འཁོར་སྔོན་མར་འབྲུག་ཡུལ་དང་རྒྱ་ནག་གི་སྐུ་ཚབ་ཚོས་པེ་ཅིང་དུ་འབྲུག་བོད་ས་མཚམས་ཀྱི་རྩོད་གཞི་སེལ་ཐབས་དང་ཕྱི་འབྲེལ་འཛུགས་རྒྱུའི་གྲོས་མོལ་བྱས།
སྲིད་བློན་ནེ་ཐན་ཡ་ཧུས་ཨི་སི་རལ་གྱི་གསང་བའི་ལས་ཁུངས་ཁག་གི་འགོ་ཁྲིད་ཚོས་ལས་འགན་འཐུས་ཤོར་བཏང་སྟེ་ཧ་མ་སི་ཤོག་ཁག་གིས་གཏོར་རྒོལ་བྱས་པ་རེད་ཅེས་སྐྱོན་བཙུགས། ཡིན་ནའང་ཆུ་ཚོད་འགའ་ཤས་ཀྱི་རྗེས་སུ་སྲིད་བློན་ནེ་ཐན་ཡ་ཧུས་གསང་བའི་ལས་ཁུངས་ཁག་ལ་སྐྱོན་འཛུགས་བྱས་པ་འགྲིག་མི་འདུག་ཅེས་བཟོད་གསོལ་ཞུས། ཕྱི
རྒྱ་ནག་དམར་ཤོག་ཚོགས་པས་བོད་ལ་བཙན་འཛུལ་བྱེད་སྐབས། ཨ་རིའི་གསང་བའི་ལས་ཁུངས་ཀྱིས་བོད་མི་ཁག་ཅིག་ལ་དམག་སྦྱོང་སྤྲད་དེ་བོད་པའི་བཙན་རྒོལ་ལ་རྒྱབ་སྐྱོར་བྱས་ཡོད་པའི་དངོས་བྱུང་གློག་བརྙན། འཇབ་དམག་ཅེས་པ་དེ་སྤྱན་འབུལ་ཞུ་གི་ཡིན།
པ་ལི་སི་ཐན་དང་ཨི་སི་རལ་ནང་གི་སྤྱི་ཚོགས་འབྲེལ་མཐུད་དྲ་རྒྱའི་ནང་མི་རིགས་དེ་གཉིས་ཀྱིས་ཕན་ཚུན་ལ་འཚེ་བ་བྱས་དང་བྱེད་བཞིན་པའི་བརྙན་པར་ཁྱབ་གདལ་དང་། དམར་གསོད་རྒྱུན་མ་ཆད་པས་མི་རིགས་གཉིས་པོའི་དབར་ལ་ཞེ་འཁོན་སྡང་འཛིན་དང་འགལ་ཟླ་གཏིང་ཟབ་ལ་འགྲོ་བཞིན་པ་ཇེ་རུ་ས་ལེམ་ནས་ཨ་རིའི་རླུང་འཕྲིན་ཁང་གི་གསར་འགོད་པས་གནས་ཚུལ་སྤེལ།
ཉིན་༢༢ རིང་ལ་རྩོད་གླེང་བརྒྱུད་རེས་གཟའ་ལྷག་པའི་ཉིན་སྤྱི་མཐུན་ཚོཊ་པའི་གྲོས་ཚོཊ་འཐུས་མི་མའེ་ཁི་ཇོན་སན་ལཊ་གྲོས་ཚོཊ་འོག་མའི་ཚོཊ་གཙོར་འོས་འདེབས་བྱུང་ཡོད་པའི་སྐོར་ཨ་རིའི་རླུང་འཕྲིན་ཁང་གི་གསར་འགོད་པ་ཁཱ་ཐེར་རིན་ཇེ་ཕུ་སོན་ལཊ་ཀྱིས་ཨ་རིའི་གྲོས་ཚོཊ་ནས་བཏང་བའི་གནས་ཚུལ་དེ་ཕུན་ཚོཊ་ལྷུན་གྲུབ་ལཊ་ཀྱིས་སྙན་སྒྲོན་ཞུས།
ཨི་སི་རལ་དང་ཧ་མ་སའི་དམག་འཁྲུག་ལ་རྐྱེན་བྱས་ནས་དབུས་ཤར་གྱི་གནད་དོན་ཚབས་ཆེ་རུ་ཕྱིན་ལ། ནུབ་ཕྱོགས་རྒྱལ་ཁབ་དག་གིས་ཨི་རན་ནི་ཧ་མ་སའི་རྒྱབ་སྐྱོར་བར་ངོས་འཛིན་བཞིན་པ་དང་བསྟུན། ཨི་རན་གྱི་ཉིང་རྡུལ་གནད་དོན་ཐག་གཅོད་བྱ་རྒྱུ་ཡང་དཀའ་ངལ་གསར་བ་ཞིག་ཏུ་གྱུར་ཡོད་པ་སོགས་ཀྱི་གནས་ཚུལ་དཀོན་མཆོག་དོན་གྲུབ་ཀྱིས་སྙན་སྒྲོན་ཞུས།
ཨ་རིས་དཀྱིལ་ཤར་ཁུལ་དུ་དམག་མི་ཕོར་ཆེན་མངགས་གཏོང་བྱེད་ཞོར་ཁུལ་དེའི་ཨ་རིའི་མི་སེར་དང་ཨ་རིའི་དམག་གི་རྟེན་གཞི་དང་སྒྲིག་ཆས་སོགས་ལ་དོ་ཕོག་ཐེབས་པའི་ཉེན་ཁ་ཆེ་རུ་འགྲོ་བཞིན་པའི་ཉེན་བརྡ་བཏང་ཡོད་སྟབས། དཀྱིལ་ཤར་ཁུལ་གྱི་དམག་འཐབ་རྒྱ་བསྐྱེད་འགྲོ་སྲིད་པའི་བློ་འཚབ་ཇེ་ཆེར་འགྲོ་བཞིན་པའི་སྐོར་ཚེ་རིང་དབང་མོས་སྙན་སྒྲོན་ཞུས
ཕྱི་ཟླ་བཅུ་པའི་ཚེས་བདུན་ཉིན་ཧ་མ་སི་ཡིས་ཨི་སི་རལ་གྱི་ཐོག་གཏོར་རྒོལ་བྱས་པའི་སྐབས་མི་༢༠༠ ལྷག་ཙམ་བཙན་ཁྲིད་བྱས་པའི་འཕྲོ་ནས་རེས་གཟའ་ཟླ་བའི་ཉིན་ཨི་སི་རལ་གྱི་བུད་མེད་གཉིས་གློད་བཀྲོལ་བཏང་ཡོད་པ་དང་། དེ་བཞིན་ཨ་རིས་ཨི་སི་རལ་ལ་གྷ་ཛ་ལུང་གཤོངས་ཀྱི་ཐོག་ས་ཐོག་ནས་དྲག་རྒོལ་དེ་རེ་ཞིག་ངང་འཐེན་བྱ་རྒྱུའི་སློབ་སྟོན་གནང་ཡོད།
ཐེངས་འདིའི་གསར་འགྱུར་གལ་ཆེན་གཞན་ཁག་གི་ནང་དོན་གནད་བསྡུས་ནང་། ཏུར་ཀིའི་སྲིད་འཛིན་གྱིས་སེ་ཝེ་ཌན་ནུབ་ཆིངས་སྒྲིག་འཛུགས་སུ་ཞུགས་པར་རྒྱབ་སྐྱོར་དང་། ཨོ་གླིང་གི་སྲིད་བློན་ལ་ཕོ་བྲང་དཀར་པོ་རུ་སྣེ་ལེན། རྒྱ་ནག་དང་ཧྥེ་ལེ་པིན་གྱི་གྲུ་གཟིངས་ལ་ལྷོ་རྒྱ་ནག་རྒྱ་མཚོའི་ནང་བརྡབ་སྐྱོན་བྱུང་བ་བཅས་ཡོད།
བདུན་ཕྲག་འདིར་རྒྱ་ནག་ཕྱི་སྲིད་བློན་ཆེན་ཝང་དབྱི་ཨ་རིར་འཚམས་འདྲིར་ཕེབས་ནས་དཀྱིལ་ཤར་ཁུལ་གྱི་དམག་འཐབ་དང་ཨུ་ཡུག་དམག་འཁྲུག དེ་བཞིན་ཉལ་ཐ་ཧྥེན་ཐ་ནོལ་ལ་སོགས་པའི་བརྗོད་གཞིའི་ཐོག་ཨ་རིའི་འབྲེལ་ཡོད་དཔོན་རིགས་ཚོར་བགྲོ་གླེང་བྱ་འཆར་ཡོད་པ་དང་། རྒྱལ་ཁབ་འགོ་ཁྲིད་གཉིས་ཀྱི་མཇལ་མོལ་ལ་གྲ་སྒྲིག་བྱེད་པ་ཞིག་ལ་ངོས་འཛིན་བྱེད།
