༄༅།། རྒྱ་ནག་ལ་ཐན་པ་བྱུང་ནས་འབྲི་ཆུའི་ཆུ་ལག་རྣམས་སྐམ་པ་དང་ཆུ་ཞབས་ཁག་ཅིག་ཕྱི་ལ་ཐོན་ཏེ་གྲམ་པར་གྱུར། རྒྱ་ནག་གི་ས་ཁུལ་ཁག་ལ་གློག་འདང་ངེས་མེད་པར་སྐྱེལ་འདྲེན་དང་བཟོ་ལས་ལ་འགོག་རྐྱེན་འབྱུང་གི་ཡོད་པའི་གནས་ཚུལ་ཐོན་འདུག
པ་ཝེལ་ཧྥི་ལ་ཊི་ཡེབ་ཅེས་པ་ནི་ཨུ་རུ་སུའི་དམག་མི་ཞིག་ཡིན་ཞིང་། ཁོ་པ་ཟླ་བ་གཅིག་ལྷག་ལ་འཐབ་འཁྲུག་ཏུ་ཞུགས་ཏེ་རྨས་སྐྱོན་ཕོག ཧྥི་ལ་ཊི་ཡེབ་ཀྱིས་ཤོག་གྲངས་༡༤༡་ཅན་གྱི་ཉིན་ཐོ་ཞིག་བྲིས་ནས་ ཨུ་རུ་སུའི་དམག་དཔུང་ལ་ཕམ་ཉེས་ཅི་བྱུང་དང་ཨུ་རུ་སུའི་མི་དམངས་ལ་དམག་འཁྲུག་དེ་འགོག་དགོས་པའི་འབོད་སྐུལ་ཞུ་བའི་དཔེ་དེབ་ཅིག་བརྩམས།
ཐེངས་འདིའི་ཀུན་གླེང་ལས་རིམ་ལ་༡༩༣༠་ནས་༡༩༥༠་ཐམ་པའི་བར་དུ་བོད་དང་ཨ་རིའི་བར་དུ་གཞུང་འབྲེལ་གྱི་བལ་ཚོང་ཚུགས་པ་དང་དེའི་ཁེ་ཕན། ༧གོང་ས་སྐུ་ཕྲེང་༡༣་པ་མཆོག་གིས་སྐབས་དེའི་ཨ་རིའི་སྲིད་འཛིན་ཧུ་ཝར་ལ་འབྲེལ་བ་གནང་བ་སོགས་ཀྱི་ཐད། ཉམས་ཞིབ་པ་ཨ་ལགས་རྗེ་སྤྲུལ་བློ་གྲོས་ཆོས་བཟང་གདན་འདྲེན་ཞུས་ནས་བགྲོ་གླེང་ཞུས།
ཨུ་རུ་སུའི་བཙན་བཟུང་འོག་ཏུ་ཡོད་པའི་ཡུཀ་རེན་གྱི་ཁེ་རེ་མཱི་ཡ་གླིང་ཟུར་གྱི་གནམ་ཐང་ཞིག་ཏུ་འབར་མདེལ་བཀད་ནས་གཏོར་སྐྱོན་ཚབས་ཆེན་འཕོག་ཡོད་ཅིང་། ཨུ་རུ་སུའི་དམག་གི་གནམ་གྲུ་དེ་ཚོར་གཏོར་རྒོལ་འཕོག་རྒྱུ་གཡོལ་ཐབས་སུ་ཁེ་རེ་མཱི་ཡ་གླིང་ཟུར་གྱི་གནམ་ཐང་ཁག་ནས་གནམ་གྲུ་མང་པོ་ཞིག་ཕྱིར་འཐེན་བྱ་དགོས་བྱུང་ཡོད་པའི་གནས་ཚུལ་ཐོན།
ཕྱི་ཟླ་༨་པའི་ཚེས་༡༦་ཉིན་ཧོང་ཀོང་གི་རྒྱ་ནག་ལྷོ་ཕྱོགས་སྔ་དྲོའི་ཚགས་པར་ལ་གནས་ཚུལ་ཐོན་པ་ལྟར་ན། རྒྱ་ནག་གི་གཞུང་འབྲེལ་གཞི་གྲངས་སུ་༢༠༢༠་ལོར་ཕ་མ་ཚོས་གྲོང་གསེབ་ཁག་ཏུ་བསྐྱུར་ཡོད་པའི་ཕྲུ་གུ་ས་ཡ་༡༣་འདུག་ཅེས་འཁོད།
ཨ་མི་རི་ཀའི་ཝ་ཡོ་མཱིང་མངའ་སྡེར་སྤྱི་མཐུན་ཚོགས་པའི་གྲོས་ཚོགས་འོག་མའི་འཐུས་མིའི་སྔོན་འགྲོའི་འོས་བསྡུ་བྱས་ཏེ་ལས་ཐོག་ལི་ཛི་ཆེ་ཎི་བསྐྱར་དུ་འདེམས་ཐོན་མ་བྱུང་བར་ཕམ་ཉེས་བྱུང་ཞིང་། ཁོང་གི་ཚབ་ལ་སྲིད་འཛིན་ཟུར་པ་ཌོ་ནལ་ཊམ་གྱིས་རྒྱབ་གཉེར་བྱས་པའི་སྤྱི་མཐུན་ཚོགས་པའི་འོས་མི་ཧེ་རི་ཊི་ཧེ་གྷ་མན་འདེམས་ཐོན་བྱུང་འདུག
དེང་སྐབས་ལོ་ན་༧༠་ཐམ་པར་སོན་པའི་ར་ཏན་མན་ཇཱ་རི་ཞེས་པ་ནི་ཧིན་བོད་ས་མཚམས་ཀྱི་གར་ཞ་དང་སྤི་ཏེ། ཁུ་ནུ་སོགས་ཧི་མ་ལ་ཡའི་ལྗོངས་ཀྱི་ས་གནས་ཁག་ཏུ་དར་སྲོལ་ཆེ་བའི་ཕོ་དབང་རིང་ལུགས་ཀྱི་སྤྱི་ཚོགས་ལམ་སྲོལ་ལ་འཐབ་རྒོལ་དང་བུད་མེད་ཚོར་ཕ་ཤུལ་གྱི་ནོར་སྐལ་ཐེམས་དགོས་པའི་ཐོབ་ཐང་བརྩད་ནས་མི་སྣ་གྲགས་ཅན་ཞིག་ཏུ་གྱུར།
༄༅།། ཨོ་གླིང་གི་བྷ་རེ་སི་བྷེན་གྲོང་ཁྱེར་དུ་སོག་པོའི་ལས་རྩལ་བ་གཉིས་འབྱོར་བ་དང་ས་གནས་དེའི་བཟོ་ཚོང་ལས་ཁང་ཁག་གིས་ཨོ་གླིང་གཞུང་ལ་ངལ་རྩལ་བ་འདང་ངེས་མེད་པའི་དཀའ་ངལ་སེལ་བར་ཕྱི་རྒྱལ་ནས་ལས་རྩོལ་བ་ལེན་དགོས་པའི་ནན་སྐུལ་བྱས་འདུག
༄༅།། ད་ལོའི་ཕྱི་ཟླ་༡༠་པར་བལ་ཡུལ་གྱི་མཐའ་མཚམས་སུ་ཆགས་པའི་ཤར་ཁུམ་བུ་རྫོང་གི་གྲོང་གསེབ་ཅིག་ཏུ་ཤར་པ་དབང་ཕྱུག་འདས་པོའི་རྗེས་དྲན་སྨན་ཁང་སྒོ་འབྱེད་བྱ་རྒྱུའི་གསལ་བསྒྲགས་སྤེལ་འདུག
༄༅།། ཉེ་ཆར་ཨ་རིའི་སྲིད་འཛིན་ཟུར་པ་ཌོ་ནལ་ཊམ་གྱི་མ་རཱ་ལ་གྷོ་གཞིས་ཀར་དབུས་ཞིབ་གཅོད་ལས་ཁུངས་ཀྱི་ལས་སྣེ་ཚོས་སྔོག་བཤེར་བྱས་ཤིང་། གཟའ་མཇུག་དེར་སྲིད་འཛིན་ཟུར་པ་ཌོ་ནལ་ཊམ་གྱིས་དབུས་ཞིབ་གཅོད་ལས་ཁུངས་ཀྱི་ལས་སྣེ་ཚོས་མ་རཱ་ལོ་གྷོ་གཞིས་ཀ་ནས་ཁྱེར་བའི་ཡིག་ཆ་རྣམས་ཕྱིར་སློག་བྱ་དགོས་ཅེས་ནན་བརྗོད་བྱས་འདུག
ཐེངས་འདིའི་ཀུན་གླེང་ལས་རིམ་ལ་རྒྱ་མོ་རྩོམ་པ་པོ་དང་ཉམས་ཞིབ་པ་ལི་ཅང་ལིན་གྱིས་བརྩམས་པའི་ལྕགས་བྱ་གནམ་ནས་འཕུར་དུས་སམ། ༡༩༥༦་ནས་༡༩༦༢་བར་དུ་བོད་ཁམས་སུ་བྱུང་བའི་གསང་བའི་དམག་འཁྲུག་ཅེས་པའི་དཔེ་དེབ་ཀྱི་བརྗོད་བྱ་སོགས་ལ་དཔེ་དེབ་འདིའི་བོད་འགྱུར་གྱི་ལོ་ཙཱ་བ་བོང་སྟག་སྟག་ལྷ་རྒྱལ་གདན་འདྲེན་ཞུས་ནས་བགྲོ་གླེང་ཞུས་ཡོད།།
༄༅།། ཨུ་རུ་སུའི་བཙན་བཟུང་འོག་ཏུ་ཚུད་པའི་ཁེ་རེ་མཱི་ཡ་གླིང་ཟུར་གྱི་གནམ་ཐང་ཞིག་ལ་འབར་གས་ཆེན་པོ་བྱུང་སྟེ་ཨུ་རུ་སུའི་འཐབ་འཛིན་གནམ་གྲུ་བདུན་རྩ་གཏོར་བཏང་ཡོད་པ་འཁོར་སྐར་གྱི་འདྲ་པར་ནང་དུ་གསལ།
བོད་ཀྱི་རྒྱལ་ས་ལྷ་ས་དང་གཞིས་ཀ་རྩེར་མི་༢༡་ལ་ཏོག་དབྱིབས་ནད་དུག་འགོས་པའི་རྗེས་སུ་མང་ཚོགས་ལ་ནད་དུག་འགོས་ཡོད་མེད་བརྟག་དཔྱད་བྱ་རྒྱུ་འགོ་ཚུགས། ཀན་ལྷོ་བོད་རིགས་རང་སྐྱོང་ཁུལ་གི་བསང་ཆུ་རྫོང་ངམ། བླ་བྲང་ཕྱོགས་སུ་ཏོག་དབྱིབས་ནད་དུག་སྔོན་འགོག་ཆེད་དུ་མི་དམངས་རྣམས་རང་ཁྱིམ་དུ་བཀག་ནས་ཟླ་བ་གཅིག་ལྷག་འགྲོ་བཞིན་ཡོད་
ཉེ་ཆར་ཨ་རིའི་གསང་བའི་ལས་ཁུངས་ཁག་གི་མཐོ་རིམ་འགོ་ཁྲིད་ཚོ་དང་འཇིགས་སྐུལ་རིང་ལུགས་ལ་འཐབ་རྒོལ་བྱེད་པའི་ཚན་པ་ཁག་གི་ལས་སྣེ་ཚོ་ནང་མོལ་ཚོགས་འདུ་ཞིག་ཚོགས། ཨ་རིའི་དབུས་གསང་བའི་ལས་ཁུངས་ཀྱི་འགོ་ཁྲིད་ཨང་གཉིས་པས་ཨལ་ཁེ་དྷ་སྒྲིག་འཛུགས་དང་མཐའ་ལྷུང་རིང་ལུགས་པའི་ཕྱོགས་ཁག་ལ་སྔར་བཞིན་འཐབ་རྒོལ་བྱ་དགོས་ཟེར།
༄༅།། ཨུ་རུ་སུའི་དམག་གིས་ཡུཀ་རེན་ལ་བཙན་འཛུལ་བྱས་ནས་རྒྱལ་ཁ་མ་ཐོབ། སྲིད་འཛིན་ཕུ་ཊིན་གྱིས་དམག་སྤྱི་གསུམ་གནས་དབྱུང་བཏང་སྟེ་ཡུཀ་རེན་གྱི་དམག་སའི་བཀོད་འདོམས་པ་ཁག་ཅིག་འཕོ་འགྱུར་བཏང་འདུག
༢༠༢༢་ལོའི་༧གོང་ས་ཏཱ་ལའི་བླ་མའི་དགའ་ལྡན་ཕོ་བྲང་གི་དགེ་རྩའི་སློབ་ཡོན་དང་ཤེས་རིག་ལྷན་ཁང་གི་སློབ་ཡོན་སྤྲོད་ཕྱོགས་བཅས་ལ་དགའ་ལྡན་ཕོ་བྲང་གི་དགེ་རྩའི་དྲུང་ཆེ་སེ་ལྦོ་བསྟན་འཛིན་དམ་ཆོས་དང་ཤེས་རིག་ལྷན་ཁང་གི་མཐོ་སློབ་སློབ་ཡོན་ཚན་པའི་འགན་འཛིན་བསོད་ནམས་བཟང་མོ། འབུམ་རམས་སློབ་གཉེར་བ་བཀྲ་ཤིས་རྣམ་རྒྱལ་ལྷན་བགྲོ་གླེང་།
ལྷོ་ཨེ་ཤི་ཡའི་རྒྱལ་ཁབ་ཁག་ལ་ནད་ཡམས་དང་ཡུཀ་རེན་གྱི་དམག་འཁྲུག རྡོ་སྣུམ་དང་འབྲུ་རིགས་ཀྱི་རིན་གོང་འཕར་ནས་དཀའ་ངལ་འཕྲད་ཀྱི་ཡོད་པ་ཇི་བཞིན་འབྲུག་ཡུལ་ལའང་ལོ་གཉིས་ཀྱི་རིང་ཏོག་དབྱིབས་ནད་ཡམས་ཁྱབ་གདལ་དང་འབྲུག་གཞུང་གིས་ཏོག་དབྱིབས་ནད་པ་གཅིག་ཀྱང་མེད་པར་གཏོང་རྒྱུའི་སྲིད་ཇུས་ལག་ལེན་བསྟར།
༄༅།།བདུན་ཕྲག་འདིའི་གཟའ་མིག་དམར་ཉིན་ཨ་རིའི་མཱི་ཆི་གྷན་དང་ཁེན་ས་སི། ཨ་རི་ཛོ་ན་དང་མཱི་སོ་རི། ཝ་ཤིང་ཊོན་མངའ་སྡེ་བཅས་ལ་སྔོན་འགྲོའི་འོས་བསྡུ་བྱས་ནས་སྲིད་འཛིན་ཟུར་པ་ཌོ་ནལ་ཊམ་གྱི་རྒྱབ་གཉེར་ཐོབ་པའི་སྤྱི་མཐུན་ཚོགས་པའི་འོས་མི་རྣམས་དང་དམངས་གཙོ་ཚོགས་པའི་ལྟ་བ་བཏང་སྙོམས་འཛིན་པ་ཚོར་སྔོན་འགྲོའི་འོས་བསྡུའི་རྒྱལ་ཁ་ཐོབ།
ཨ་རིའི་གྲོས་ཚོགས་ཀྱི་ཚོགས་གཙོ་ནན་སི་ཕེ་ལོ་སི་ཐེ་ཝན་ལ་འཚམས་འདྲིར་ཕེབས་ནས་གཟའ་ལྷག་པའི་ཉིན་སྲིད་འཛིན་ཚེ་དབྱིན་ཝེན་ལ་མཇལ་འཕྲད་གྲོས་མོལ་དང་ཐེ་ཝན་གྲོས་ཚོགས་ལ་གཏམ་བཤད་བྱས། རྒྱ་ནག་གིས་ཨ་རིའི་གྲོས་ཚོགས་ཀྱི་ཚོགས་གཙོ་ཐེ་ཝན་ལ་འཚམས་འདྲིར་ཕེབས་ན་མཇུག་འབྲས་ཚབས་ཆེན་ཞིག་འབྱུང་རྒྱུའི་ཉེན་བརྡ་བཏང་ཡང་དེ་འགོག་མ་ཐུབ།
ཕྱི་ཟླ་༧་པའི་ཚེས་༣༠་ཉིན་རྒྱ་གར་གྱི་ཨེ་ཤི་ཡའི་རྒྱལ་སྤྱིའི་གསར་འགྱུར་ལས་ཁང་གིས་གནས་ཚུལ་སྤེལ་བ་ལྟར་ན། ལ་དྭགས་ས་གནས་གཞུང་གིས་ནུབ་ར་དང་སེ་ཆིན་འཁྱག་རོམ་ས་ཁུལ་གཉིས་རིམ་གྱིས་ཕྱི་ལ་སྒོ་མོ་དབྱེ་རྒྱུའི་འཆར་འགོད་བྱེད་ཀྱི་ཡོད་པར་རྒྱ་གར་དབུས་གཞུང་གིས་མོས་མཐུན་དང་རྒྱབ་སྐྱོར་ཡོད་པའི་རྣམ་འགྱུར་བསྟན།
མང་སྣོན།
