གཞི་རིམ་མི་མང་རེ་འབོད་ཚོགས་པས་བཙན་བྱོལ་བོད་མིའི་ཁྲིམས་ཞིབ་ཁང་གི་ཁྲིམས་ཞིབ་པ་ཆེ་བ་དང་ཁྲིམས་ཞིབ་པ་གཞན་བསྐོ་བཞག་ཐུབ་པའི་བཅའ་ཁྲིམས་ སྐབས་ ༡༧ པའི་གྲོས་ཚོགས་ཚོགས་དུས་བརྒྱད་པའི་ཐོག་ནས་ བསྐྱར་བཅོས་དགོས་པའི་ཞུལ་སྐུལ་གྱི་གསར་འགོད་གསལ་བསྒྲགས་ཤིག
སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་ལ་མོན་ཡུལ་གྱི་དད་ལྡན་མི་མང་རྣམས་ནས་ས་ཇི་ལྟར་གསོལ་བ་བཏབ་པ་ལྟར་ཕྱི་ཟླ་༩ ཚེས་༧ ཉིན་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་གླིང་མཆོག་སྤྲུལ་རིན་པོ་ཆེ་མཆོག་ནས་རྡོ་རྗེ་སློབ་དཔོན་མཛད་གནང་གིས་མགོན་པོ་མཆོག་ལ་བསྟན་བཞུགས་བསྟར་འབུལ་ཞུས་ཡོད་པའི་སྐོར་འདིར་གསལ།
༧གོང་ས་མཆོག་ལ་རེ་མོན་མ་གེ་སེ་སེའི་ཐེབས་རྩའི་འགན་འཛིན་ལྷན་ཚོགས་ནས་ཇི་ལྟར་གསོལ་འདེབས་ཞུས་དོན་ལྟར། འགན་འཛིན་ལྷན་ཚོགས་དེ་གས་སྣེ་འཁྲིད་པའི་རེ་མོན་མ་གེ་སེ་སེའི་གཟེངས་རྟགས་བཞེས་མྱོང་མཁན་དང་གཞན་འབྲེལ་ཡོད་མི་གྲངས་༦༠ ལྷག་ལ་ཕྱི་ཟླ་༩ ཚེས་༤ ཉིན་མཇལ་ཁ་སྩལ་ཡོད་པའི་སྐོར་འཇམ་དབྱངས་རྒྱ་མཚོ་ལགས་ཀྱིས་སྙན་སྒྲོན་ཞུས་ཡོད།
བཙན་བྱོལ་བོད་མིའི་མང་གཙོའི་ལམ་སྲོལ་དབུ་བརྙེས་ནས་མི་ལོ་༦༤ འཁོར་བའི་གཞུང་འབྲེལ་མཛད་སྒོ་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་དེ་རིང་ཕྱི་ཟླ་ ༩ ཚེས་ ༢ ཉིན་སྲུང་བརྩི་ཞུས། ཨེ་སོ་ཐོ་ནི་ཡའི་བོད་དོན་རྒྱབ་སྐྱོར་ཚོགས་པའི་ཚོགས་གཙོས་སྣེ་འཁྲིད་པའི་གྲོས་ཚོགས་འཐུས་མིའི་སྐུ་ཚབ་ཚོགས་ཆུང་ཞིག་ཆེད་ཕེབས་གསུང་བཤད་གནང་།
བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཟླ་བ་གཉིས་ལྷག་གི་རིང་ཨ་རིར་སྐུ་བཞུགས་ཀྱིས་སྐུའི་ཞབས་པུས་སྨན་བཅོས་དང་སྦྲགས་ཨ་རི་དང་ཡུ་རོབ་ཁུལ་གྱི་ཆོས་འབྲེལ་དང་བཅས་པའི་མཛད་འཆར་ཁག་ལེགས་པར་བསྐྱངས་གྲུབ་སྟེ་ཕྱི་ཟླ་༨ ཚེས་༢༨ ཀྱི་ཞོགས་པ་ཕྱིར་བཞུགས་སྒར་དུ་ཞབས་སོར་བདེ་བར་འཁོད་འདུག
ཀུན་གླེང་ལས་རིམ་དུ་འཇམ་དབྱངས་རྒྱ་མཚོ་ལགས་ཀྱིས་ས་རཱ་བོད་ཀྱི་མཐོ་རིམ་སློབ་གཉེར་ཁང་གི་ལོ་རྒྱུས་སློབ་དཔོན་གཙང་ཕྲུག་སྟོབས་ལགས་དང་ལྷན་དུ་ས་རཱ་བོད་རིག་པའི་ཞིབ་འཇུག་ཐབས་ལམ་ཞེས་པའི་བརྗོད་གཞིའི་ཐོག་ཚོགས་པའི་བགྲོ་གླེང་ཚོགས་འདུ་དང་། མ་འོངས་ཚོགས་འདུ་འདི་ཡར་རྒྱས་གཏོང་ཕྱོགས་སོགས་ཀྱི་སྐོར་ལ་བགྲོ་གླེང་བྱས་ཡོད།
ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་ཨ་རིའི་རྒྱལ་ཡོངས་མང་གཙོ་ཚོགས་པའི་ཚོགས་ཆེན་དང་། ཐེ་ལན་ཌིའི་བུད་མེད་སྲིད་བློན། བོད་མི་མང་སྤྱི་འཐུས་ལྷན་ཚོགས་ཀྱི་བོད་དོན་ཞུ་སྐུལ་ལས་འགུལ། ཨ་རིའི་འོས་བསྡུ་ལ་རྒྱལ་ནང་དང་རྒྱལ་སྤྱིའི་ཐོག་བར་ཆད་གཏོང་བཞིན་པ་སོགས་ཀྱི་གསར་འགྱུར་ཡོད།
དེ་རིང་ཕྱི་ཟླ་ ༨ ཚེས་ ༡༥ ཉིན་གངས་སྐྱིད་སྲི་བཟློག་མཆོད་རྟེན་མདུན་དུ་བོད་མིའི་སྒྲིག་འཛུགས་ཀྱི་མཛད་གཙོ་ལས་བྱེད་རྣམ་པ་ལྷན་འཛོམས་ཐོག་རྒྱ་གར་རྒྱལ་ཁབ་ཀྱི་རྒྱལ་གླུ་གཏོང་བ་དང་། སྲིད་སྐྱོང་སྤེན་པ་ཚེ་རིང་མཆོག་ནས་རྒྱ་གར་གྱི་རྒྱལ་དར་མཁའ་དབྱིངས་སུ་བསྒྲེང་བཞིན་རྒྱ་གར་རང་བཙན་ཉིན་མོ་ཐེངས་༧༨ པ་སྲུང་བརྩི་ཞུས་གནང་སོང་།
ཀུན་གླེང་ལས་རིམ་དུ་འཇམ་དབྱངས་རྒྱ་མཚོ་ལགས་ཀྱིས་བོད་གནས་ཉམས་ཞིབ་པ་དང་བོད་ཀྱི་སྲོལ་རྒྱུན་ནང་མའི་རིག་གནས་ལ་དམིགས་བསལ་ཐུགས་སྣང་ཅན་ཟླ་བ་བཀྲ་ཤིས་ལགས་དང་ལྷན་དུ་ནང་མ་སྟོད་གཞས་ཀྱི་བྱུང་རིམ་དང་སྒྱུ་རྩལ་གོ་བབ་ཐད་བགྲོ་གླེང་ཞུས་པ་ཡིན།
ཕྱི་རྒྱལ་ཁག་ཏུ་གནས་སྡོད་བོད་པའི་སློབ་ཕྲུག་ཆེད་བོད་ཀྱི་ཟློས་གར་ཚོགས་པས་གོ་སྒྲིག་གནང་བའི་དབྱར་དུས་བོད་ཀྱི་ཟློས་གར་སྒྱུ་རྩལ་སྦྱོང་བརྡར་ཐེངས་གཉིས་པ་དེ་རིང་ཕྱི་ཟླ་༧ ཚེས་༣༡ ཉིན་མཇུག་སྒྲིལ་གནང་ཡོད་པའི་སྐོར་འཇམ་དབྱངས་རྒྱ་མཚོ་ལགས་ཀྱིས་སྙན་སྒྲོན་ཞུས་ཡོད།
བཞུགས་སྒར་དུ་རྟེན་གཞི་བྱས་པའི་བོད་ཀྱི་དུས་བབ་གསར་ཁང་གིས་བོད་པའི་སློབ་དཔོན་དང་འབུམ་རམས་པ་སོགས་བོད་ཀྱི་རིག་གནས་དང་རིག་གཞུང་སྡེ་ཁག་གི་འགན་ཁུར་མི་སྣ་བརྒྱ་ཡིས་མཚན་རྟགས་བཀོད་པའི “ནུས་པ་མཉམ་སྤུངས་དང་གདུང་སེམས་མཉམ་བསྐྱེད་” ཅེས་པའི་སྙན་ཞུ་ཞིག་འཛམ་གླིང་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ཚན་པར་ཕུལ་ཡོད།
ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་རྭ་རྒྱ་ཤེས་རིག་ནོར་བུའི་སློབ་གླིང་སྒོ་བརྒྱབ་པའི་རྒྱུ་རྐྱེན་དང་ཤུགས་རྐྱེན། ཨ་ཚོགས་བདེ་ཆེན་ཆོས་འཁོར་གླིང་བཤིགས་ཚར་བ། ༢༠༢༤ ལོའི་ཨོ་ལིམ་ཕིག་ལུས་རྩལ་འགྲན་ཚོགས་སོགས་ཡོད།
བོད་མིའི་སྒྲིག་འཛུགས་ཀྱི་བོད་ཀྱི་སྲིད་བྱུས་ཉམས་ཞིབ་ཁང་གིས་ཉེ་ལམ་བོད་ནང་རྭ་རྒྱ་ཤེས་རིག་ནོར་བུའི་སློབ་གླིང་བཙན་དབང་གིས་སྒོ་བརྒྱབ་པའི་རྒྱུ་རྐྱེན་དང་ཤུགས་རྐྱེན་སྐོར། སློབ་གྲྭ་དེའི་ནང་ཤེས་ཡོན་སྤྲོད་ཕྱོགས་དང་འབྲེལ་བའི་ཉམས་མྱོང་བརྗོད་པ་སོགས་ཀྱི་དཔྱད་གླེང་གི་ལེ་ཚན་ཞིག་གོ་སྒྲིག་གནང་སོང་།
བོད་མདོ་སྨད་མགོ་ལོག་རྭ་རྒྱ་གངས་ལྗོངས་ཤེས་རིག་ནོར་བུའི་སློབ་གླིང་སྒོ་བརྒྱབ་པར་གདུང་སེམས་མཉམ་བསྐྱེད་ཆེད་རྡ་རམ་ས་ལར་རྟེན་གཞི་བྱས་པའི་ཆོལ་ཁ་གསུམ་གྱི་སྒྲིག་འཛུགས་དང་གཞུང་འབྲེལ་མ་ཡིན་པའི་ཚོགས་པ་ཆེ་ཁག་ལྔ་ཐུན་མོང་གིས་ཕྱི་ཟླ་༧ ཚེས་༡༧ རྒྱལ་སྤྱིའི་དྲང་བདེན་ཉིན་མོ་དང་སྟབས་བསྟུན་མར་མེའི་ཁྲོམ་སྐོར་ཞིག་གནང་སོང་།
བོད་རང་བཙན་ཚོགས་ཆེན་ཐེངས་བདུན་པ་ཚེས་༣ནས་༡༥ བར་ཉིན་གསུམ་རིང་ཁེ་ན་ཊའི་གྲོང་ཁྱེར་ ཁྲོ་རོན་ཁྲོའི་རྟེན་གཞི་བྱས་པའི་གངས་ལྗོངས་ཆོས་ལྡན་གླིང་དུ་འཚོགས་བཞིན་ཡོད་པ་དང་། ཚོགས་ཆེན་གྱི་སྐུ་མགྲོན་དུ་བོད་མི་མང་སྤྱི་འཐུས་ཁག་ཅིག་དང་། ཁེ་ན་ཊའི་གྲོས་ཚོགས་འཐུས་མི། གཞན་རང་བཙན་ལས་འགུལ་བ་བགྲེས་གྲས་ཁག་ཅིག་བཅས་གདན་ཞུ་གནང་།
ཟླ་བ༧ ཚེས་ ༡༢ ཉིན་གངས་སྐྱིད་བོད་ཀྱི་དཔེ་མཛོད་ཁང་གི་ཚོགས་ཁང་དུ་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་དམ་པ་ཁོང་རྒྱ་ནག་གི་བཙོན་ཁང་དུ་སྐུ་གཤེགས་ནས་མི་ལོ་༩ ཕྱིན་པའི་རྗེས་དྲན་དང་སྦྲགས། ཁོང་གི་ལོ་རྒྱུས་གསལ་བའི་དཔེ་དེབ་ཅིག་དབུ་འབྱེད་གནང་ཡོད་པའི་སྐོར་འཇམ་དབྱངས་རྒྱ་མཚོ་ལགས་ཀྱིས་སྙན་སྒྲོན་ཞུས་ཡོད།
སྲིད་སྐྱོང་སྤེན་པ་ཚེ་རིང་མཆོག་གིས་ཟླ་བ་༧ ཚེས་༡༠ ཡི་ཉིན་ལ་དྭགས་བྱང་ཐང་ཉོ་མའི་བོད་མི་རྣམས་དང་མཇལ་འཕྲད་ཀྱིས་གསུངས་བཤད་གནང་སྐབས། བོད་དོན་ཁྲིམས་འཆར་དེ་བཞིན་ད་ལྟ་ཕོ་བྲང་དཀར་པོར་ཕུལ་གྲུབ་ཡོད་སྐོར་གསུངས་ཡོད་པའི་སྐོར་འཇམ་དབྱངས་རྒྱ་མཚོ་ལགས་ཀྱིས་སྙན་སྒྲོན་ཞུས་ཡོད།
ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་༧གོང་ས་མཆོག་ཕྱི་ལུགས་ལྟར་དགུང་གྲངས་༨༩ ཕེབས་པར་བཞུགས་སྒར་དྷ་རམ་ས་ལ་དང་། རྒྱ་གར་ལྷོ་ཕྱོགས། བལ་ཡུལ། ཨ་རིའི་ནེའུ་ཡོག ཧྥ་རན་སི་སོགས་སུ་འཁྲུངས་སྐར་གཟབ་རྒྱས་ཞུས་པ་དང་། སྲིད་བློན་མོ་དྷི་སོགས་ཀྱིས་༧གོང་ས་མཆོག་ལ་འཚམས་འཕྲིན་གནང་བ་སོགས་ཡོད།
བོད་མིའི་སྒྲིག་འཛུགས་ཕྱི་དྲིལ་ལས་ཁུངས་ཀྱིས་གོ་སྒྲིག་གནང་བའི་རྒྱལ་སྤྱིའི་བོད་ཀྱི་གཞོན་སྐྱེས་ཚོགས་ཆེན་ཐེངས་གཉིས་པ་དེ་བཞུགས་སྒར་རྡ་རམ་ས་ལའི་ཉེ་འདབས་སུ་ཉིན་གྲངས་གསུམ་རིང་ཚོགས་གནང་སྟེ། ཕྱི་ཟླ་ ༧ ཚེས་ ༥ ཉིན་མཇུག་སྒྲིལ་གནང་སོང་ལ། བོད་མི་མང་སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་ནས་གསུང་བཤད་གནང་།
ཐེངས་འདིར་དགེ་སློང་ཐུབ་བསྟན་ངག་དབང་ལགས་ཀྱིས་བསྡུ་སྒྲིག་བྱས་པའི་འཕགས་མཆོག་ཝ་ཏི་བཟང་པོའི་དཔེ་རྙིང་ཕྱོགས་བསྡུས་པད་དཀར་ཆུན་པོའི་བརྗོད་བྱ་དང་ཇོ་བོ་ཝ་ཏི་བཟང་པོའི་བྱུང་རབས། ཇོ་བོ་བོད་གངས་ཅན་པའི་རྟེན་སྐལ་དུ་གྱུར་ཚུལ་དང་སྒོས་སུ་རྒྱལ་དབང་སྐུ་ཕྲེང་རིམ་བྱོན་གྱི་འབྲེལ་བ་སོགས་ཀྱི་ཐད་ལ་བགྲོ་གླེང་ཞུ་རྒྱུ་ཡིན།
མང་སྣོན།
