གསོ་བ་རིག་པའི་ལྷན་ཚོགས་ཀྱིས་གོ་སྒྲིག་འོག་འགྲོ་ཕན་སྨན་རྩིས་ཁང་གི་མཐོ་སློབ་ཚོགས་ཁང་དུ་འདི་ཚེས་༡༡ཉིན་གསོ་བ་རིག་པའི་ཉིན་མོ་སྲུང་བརྩི་ཞུས་གནང་སོང་ལ་ཐེངས་དེའི་མཛད་སྒོའི་ཐོག་སྐུ་མགྲོན་གཙོ་བོ་འཕྲོད་བསྟན་དྲུང་ཆེ་ཟླ་བ་ཚུལ་ཁྲིམས་ལགས་དང་། གསོ་བ་རིག་པའི་ལྷན་ཚོགས་ཀྱི་ཚོགས་གཙོ་སྨན་རམ་པ་དྲུང་མཚོ་ཚེ་རིང་ཐག་གཅོད་ལགས།
ད་རེས་ཁ་བའི་མི་སྣའི་ལེ་ཚན་ནང་བཞུགས་སྒར་དུ་རྟེན་གཞི་བྱས་པའི་མཚན་ཉིད་གྲྭ་ཚང་དང་། ས་རཱ་མཐོ་སློབ་གཉིས་གསར་འཛུགས་གནང་མཁན་རྒན་དམ་པ་བློ་བཟང་རྒྱ་མཚོ་ལགས་ཀྱི་སྐུ་ཚེའི་ལོ་རྒྱུས་དང་འབྲེལ་བའི་སྐོར་ལ་མཚན་ཉིད་གྲྭ་ཚང་དང་ས་རཱ་མཐོ་སློབ་གཉིས་ཀྱི་དབུ་འཛིན་དགེ་བཤེས་བསམ་གཏན་རྒྱ་མཚོ་ལགས་དང་ལྷན་དུ་གླེང་མོལ་ཞུས་པ་ཡིན།
བོད་མི་མང་སྤྱི་འཐུས་ཚོགས་གཞོན་སྒྲོལ་མ་ཚེ་རིང་མཆོག་ཅེག་སྤྱི་མཐུན་རྒྱལ་ཁབ་ཀྱི་གྲོས་ཚོགས་གོང་འོག་གཉིས་སུ་རྒྱ་ནག་ཐོག་ལ་རྒྱལ་སྤྱིའི་གྲོས་ཚོགས་འཐུས་མིའི་མནའ་འབྲེལ་ལྷན་ཚོགས་ཐོག་མཉམ་ཞུགས་གནང་བ་བཞིན་ཚོགས་གཞོན་ལ་ལྷན་ཚོགས་དེའི་ཐོག་ཏུ་བོད་དོན་དང་འབྲེལ་བའི་བཀའ་མོལ་གཙོ་བོ་གང་གནང་ཡོད་པའི་སྐོར་བཅར་འདྲི་ཞུས་པ་ཡིན།
བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་ལ་ལྷོ་ཤར་ཨེ་ཤི་ཡའི་དད་ལྡན་ཆོས་ཞུ་བ་ཁག་ཅིག་ནས་ཇི་ལྟར་གསོལ་འདེབས་ཞུས་པ་བཞིན་མགོན་པོ་མཆོག་ནས་འདི་ཚེས་༥ ནས་ཉིན་གཉིས་རིང་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་སློབ་དཔོན་ཟླ་བ་གྲགས་པས་མཛད་པའི་དབུ་མ་འཇུག་པའི་རང་འགྲེལ་གྱི་ཆོས་འབྲེལ་སྩལ།
བོད་ཀྱི་མང་གཙོ་དབུ་བརྙེས་ནས་ལོ་ངོ་༦༣ འཁོར་བའི་གཞུང་འབྲེལ་གྱི་མཛད་སྒོ་དེ་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་སྲུང་བརྩི་ཞུས་གནང་། མཛད་སྒོའི་ཐོག་སྐུ་མགྲོན་གཙོ་བོར་སུད་ཝི་ཌན་གྲོས་ཚོགས་འཐུས་མིའི་སྐུ་ཚབ་ཚོགས་ཆུང་གི་སྣེ་ཁྲིད་པ་ལྕམ་མ་གྷེ་རིས་ཌ Margareta མཆོག་གཙོས་པས་གྲོས་ཚོགས་ཀྱི་འཐུས་མི་སོགས་ཕེབས་ཡོད།
ཨ་མྱེས་རྨ་ཆེན་བོད་ཀྱི་རིག་གཞུང་ཞིབ་འཇུག་ཁང་གི་འགན་འཛིན་མཁན་པོ་འཇུ་བསྟན་སྐྱོང་གིས་བརྩམས་པའི་ཀཿཐོག་དམ་པ་བདེ་གཤེགས་ཀྱི་རྣམ་ཐར་ལས་འཕྲོས་ཏེ་སངས་རྒྱས་ཀྱི་བསྟན་པ་སྤྱིའི་བབ་དང་སྒྲུབ་བརྒྱུད་ཤིང་རྟ་བརྒྱད། རྒྱལ་བ་ཀཿཐོག་པའི་ཆོས་འབྱུང་དང་ཀཿཐོག་དམ་པ་བདེ་གཤེགས་ཀྱི་རྣམ་ཐར་སོགས་ལ་རྩོམ་པ་པོར་བཅར་འདྲི་ཞུ་རྒྱུ་ཡིན།
ཚེས་ ༡༨ ཉིན་༸གོང་ས་མཆོག་ལ་དྭགས་ལ་གཤམ་ལྗོངས་མཁར་རྩེ་རུ་ཆིབས་བསྒྱུར་གནང་བའི་སྐོར་བསྟན་འཛིན་དབང་འདུས་ཀྱིས་གནས་ཚུལ་སྙན་སྒྲོན་ཞུས་ཡོད།
བོད་མིའི་སྒྲིག་འཛུགས་ཆོས་རིག་ལས་ཁུངས་དང་བོད་ཀྱི་བཙུན་མའི་ལས་འཆར་ཁང་གཉིས་ཀྱིས་གོ་སྒྲིག་འོག བོད་བརྒྱུད་ནང་བསྟན་བཙུན་མའི་སློབ་གཉེར་ཁང་གི་དགེ་བཤེས་མའི་ལོ་འཁོར་རྒྱུགས་སྤྲོད་ཆེན་མོ་སྐབས་དགུ་པ་དེ་བཙུན་དགོན་འཇམ་དབྱངས་ཆོས་གླིང་དུ་འཚོག་བཞིན་ཡོད་པའི་སྐོར་བསྟན་འཛིན་དབང་འདུས་ལགས་ཀྱིས་སྙན་སྒྲོན་ཞུས་ཡོད།
རྒྱལ་སྤྱིའི་བོད་ཀྱི་གཞོན་སྐྱེས་ཚོགས་ཆེན་དེ་ཚེས་༡༨ཉིན་སྲིད་སྐྱོང་དབུ་བཞུགས་ཐོག་བཞུགས་སྒར་རྡ་རམ་ས་ལའི་ཉེ་འཁྲིས་སུ་འཚོགས་སོང་ལ་སྐབས་དེར་༧གོང་ས་མཆོག་གིས་ལ་དྭགས་ཞི་བ་ཚལ་ནས་ཕྱི་རྒྱལ་དུ་གནས་སྡོད་བོད་མི་མི་རབས་གསར་པ་ཚོས་བོད་ཀྱི་ཡུལ་སྲོལ་གོམས་གཤིས་བཟང་པོ་དེ་དག་མི་ཉམས་རྒྱུན་འཛིན་གནང་དགོས་པའི་གསུང་འཕྲིན་སྩལ།
བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་གོང་ས་སྐྱབས་མགོན་ཆེན་པོ་མཆོག་ཕྱི་ལུགས་ལྟར་དགུང་གྲངས་༨༨ཕེབས་པའི་སྐུའི་འཁྲུངས་སྐར་ཉིན་མོ་འདི་བཞིན་༧གོང་ས་སྐྱབས་མགོན་ཆེན་པོ་མཆོག་དང་ཧི་མ་ཅལ་མངའ་སྡེའི་སྤྱི་ཁྱབ་བློན་ཆེན་རྣམ་གཉིས་དབུ་བཞུགས་ཐོག་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་གཞུང་འབྲེལ་གྱིས་སྲུང་བརྩི་ཞུས།
རྒྱ་གར་གཞོན་སྐྱེས་ནང་བསྟན་ཚོགས་པས་ཇི་ལྟར་གསོལ་འདེབས་ཞུས་པ་བཞིན་འདི་ཚེས་༡༣ ཉིན་༧གོང་ས་མཆོག་གིས་རྒྱལ་བའི་ཕོ་བྲང་དུ་རྒྱ་གར་གྱི་གཞོན་སྐྱེས་ནང་པ་མང་པོར་མཇལ་ཁ་དང་བཀའ་སློབ་སྩལ། ༧གོང་ས་མཆོག་གིས་ང་ཚོས་ཤེས་དགོས་པ་ཞིག་ལ་འཕྲུལ་ཆས་ཀྱི་ལམ་ནས་བྱམས་ཆུབ་ཀྱི་སེམས་དང་སྟོང་ཉིད་ལྟ་བ་སྒོམ་རྒྱུ་མེད་པ་སོགས་བཀའ་སློབ་སྩལ།
རྡ་རམ་ས་ལ་མཉམ་འབྲེལ་རྐང་རྩེད་སྤོ་ལོའི་རུ་ཁག་ལ་ལོ་ ༢༥ རྗེས་རྒྱལ་ཡུམ་ཆེན་མའི་དྲན་རྟེན་གསེར་གྱི་གཟེངས་རྟགས་རྐང་རྩེད་སྤོ་ལོའི་འགྲན་བསྡུར་གྱི་མཐའ་མའི་འགྲན་སྡུར་ནང་དོན་གྲུབ་གླིང་རྐང་རྩེད་སྤོ་ལོའི་རུ་ཁག་གཉིས་ལ་ཕམ་ཉེས་བཏང་སྟེ་གསར་གྱི་རྟགས་མ་ཐོབ་འདུག་པའི་སྐོར།
དཔེ་ཀློག་ལེ་ཚན་ལ་ཝ་ཎ་བོད་ཀྱི་གཙུག་ལག་སློབ་གཉེར་ཁང་གི་ལོ་རྒྱུས་སློབ་དཔོན་དང་ཉམས་ཞིབ་པ་ཤ་བོ་རྟ་མགྲིན་གྱིས་བརྩམས་པའི་ཏུང་ཧོང་གི་ལོ་རྒྱུས་ལ་དཔྱད་པ་ཞེས་པའི་བརྗོད་བྱ་དང་ཏུན་ཧོང་གི་ས་ཁུལ་ངོ་སྤྲོད། ཏུན་ཧོང་ཕུག་པའི་བོད་བཙན་པོའི་དུས་ཀྱི་ལྡེབས་རིས། ཆབ་སྲིད་དང་ཆོས་ལུགས་སོགས་ལ་རྩོམ་པ་པོར་བཅར་འདྲི་ཞུ་རྒྱུ་ཡིན།།
བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ས་ག་ཟླ་བའི་ཚེས་༡༥དུས་ཆེན་གསུམ་འཛོམས་ཀྱི་ཉིན་མོར་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་མགོན་པོ་མཆོག་ནས་དགེ་བཤེས་གླང་རི་ཐང་པས་མཛད་པའི་བློ་སྦྱོང་ཚིགས་བརྒྱད་མ་དང་། སེམས་བསྐྱེད་ཀྱི་ཆོས་འབྲེལ་བཀའ་དྲིན་སྩལ་གནང་མཛད་ཡོད་པ།
༧གོང་ས་སྐྱབས་མགོན་ཆེན་མོ་མཆོག་གིས་ཉེ་ཆར་ཉི་ཧོང་གི་གྲོང་ཁྱེར་ཧི་རོ་ཤི་མར་འཚོགས་པའི་ཡར་ཐོན་ཅན་གྱི་རྒྱལ་ཁབ་བདུན་ (G7) གྱི་ཚོགས་འདུའི་བསྒྲགས་གཏམ་ནང་རྡུལ་ཕྲན་མཚོན་ཆ་མེད་པའི་འཛམ་གླིང་ཞིག་བསྐྲུན་རྒྱུའི་འབོད་སྐུལ་གནང་ཡོད་པ་དེར་འདི་ཚེས་༢༣ཉིན་དགའ་བསུའི་བསྔགས་བརྗོད་ཀྱི་གསུང་འཕྲིན་ཞིག་སྩལ་གནང་མཛད་ཡོད་པ་རེད།
དབུས་བོད་མིའི་སྒྲིག་འཛུགས་སྲིད་སྐྱོང་སྤེན་པ་ཚེ་རིང་མཆོག་གིས་རྒྱ་གར་བྱང་ཕྱོགས་ཧི་མ་ཅལ་ཁུལ་གྱི་བོད་མི་གནས་སྡོད་ས་གནས་ཁག་ཅིག་ལ་གཞུང་འབྲེལ་འཚམས་གཟིགས་དང་སྦྲགས། ཧི་ཅལ་མངའ་སྡེའི་རྒྱལ་ས་སིམ་ལར་མངའ་སྡེའི་སྤྱི་ཁྱབ་བློན་ཆེན་མཆོག་དང་མཇལ་འཕྲད་གནང་ཡོད་པའི་སྐོར་བསྟན་འཛིན་དབང་འདུས་ལཊ་ཀྱིས་སྙན་སྒྲོན་ཞུས་ཡོད།
བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་གོང་ས་སྐྱབས་མགོན་ཆེན་མོ་མཆོག་གིས་དེ་རིང་དབྱིན་ཇིའི་རྒྱལ་པོ་ཆའར་ལེ་སི་གསུམ་པའི་རྒྱལ་སྲིད་ཁྲི་འདོན་མཛད་སྒོར་འཚམས་འདྲིའི་གསུང་འཕྲིན་བསྩལ་གནང་མཛད་ཡོད་པ་རེད། དགའ་ལྡན་ཕོ་བྲང་གི་དྲུང་ཆེ་འཆི་མེད་རིག་འཛིན་ལགས་ཀྱིས་གསུང་འཕྲིན་གྱི་ནང་དོན་ངོ་སྤྲོད་གནང་ཡོད།།
བོད་ཀྱི་བླ་ན་མེད་པའི་དབུ་ཁྲིད་སྤྱིར་ནོར་༧གོང་ས་སྐྱབས་མགོན་ཆེན་པོ་མཆོག་ལ་རྒྱ་གར་གྱི་ཆོས་ལུགས་འདྲ་མིན་གྱི་སྐུ་ཚབ་འཐུས་མི་གསུམ་གྱིས་ཇི་ལྟར་གསོལ་འདེབས་ཞུས་པ་བཞིན། འདི་ཚེས་༤ ཉིན་བཞུགས་སྒར་རྒྱལ་བའི་ཕོ་བྲང་དུ་མགོན་པོ་མཆོག་ནས་མཇལ་ཁ་དང་བཀའ་སློབ་སྩལ་གནང་མཛད་ཡོད་པ་རེད།
༧གོང་ས་༧སྐྱབས་མགོན་ཆེན་པོ་མཆོག་གིས་ཧྥ་རན་སིའི་གྲོས་ཚོགས་གོང་མའི་འཐུས་མིའི་བོད་དོན་རྒྱབ་སྐྱོར་ཚོགས་པའི་ཚོགས་གཙོ་ཇེ་ཁེ་ལིན་གྱིས་སྣེ་ཁྲིད་པའི་ཕྷི་རཱན་སིའི་གྲོས་ཚོགས་གོང་མའི་འཐུས་མིའི་སྐུ་ཚབ་ཚོགས་ཆུང་ལ་མཇལ་ཁ་དང་བཀའ་སློབ་གནང་འདུག་པའི་སྐོར། བསྟན་འཛིན་དབང་འདུས་ལགས་ཀྱིས་བཏང་བའི་གནས་ཚུལ།
༧གོང་ས་༧རྒྱལ་བ་རིན་པོ་ཆེ་མཆོག་ལ་ཨ་རིའི་ཧ་ཝར་ཌིའི་གཙུག་ལག་སློབ་གྲྭ་ཆེན་མོའི་དགེ་རྒན་ཆེན་མོ་ཨར་ཐུར་བྷུ་རུག་ལཊ་ཀྱིས་སྣེ་ཁྲིད་པའི་འགོ་ཁྲིད་ཁག་ཅིག་གིས་ཇི་ལྟར་གསོལ་འདེབས་ཞུས་པ་བཞིན་མགོན་པོ་མཆོག་བདེ་སྐྱིད་ཀྱི་ཚོར་བ་ཞེས་པའི་ཚོགས་འདུར་དབུ་ཞུཊ་གནང་ཡོད་པའི་སྐོར་བསྟན་འཛིན་དབང་འདུས་ལཊ་ཀྱིས་སྙན་སྒྲོན་ཞུས་ཡོད།
མང་སྣོན།
