རྒྱ་ནག་ནང་ས་ཚོང་དང་ཁང་ཚོང་བྱེད་མཁན་ཚོ་བུ་ལེན་ནང་ཚུད་ཡོད་བ་དང་ནུབ་ཕྱོགས་རྒྱལ་ཁབ་ཚོ་དང་ཚོང་འབྲེལ་གྱི་འབྲེལ་བ་ཇེ་སྡུག་འགྲོ་བཞིན་པའི་སྐབས་འདིར་ན་གཞོན་ལས་མེད་ཀྱི་དཀའ་ངལ་སེལ་རྒྱུར་འབད་བརྩོན་བྱེད་བཞིན་པ་པའི་གནས་ཚུལ་ཐོན་འདུག
དེ་ཡང་ཤིན་ཧྭ་གསར་སྤེལ་ལས་ཁང་གིས་རྒྱ་ནག་གི་དཔལ་འབྱོར་གྱི་འཆར་གཞིའི་འགན་གཙོ་བོ་ཡོད་མཁན་རྒྱ་ནག་གི་སྲིད་བློན་ལི་ཅི་ཡང་གིས་རེས་གཟའ་པ་སངས་ཉིན་དཀའ་ངལ་ཡོད་མཁན་བཟོ་ཚོང་ཁང་ཁག་གི་དཀའ་ངལ་ཡོད་པ་དེ་བདག་སྤྲོད་བྱས་ནས་དཀའ་ངལ་སེལ་ཐབས་བྱེད་དགོས་ཀྱི་རེད་ཅེས་བཤད་པ་རེད་ཅེས་ལུང་འདྲེན་བྱས་འདུག
རེས་གཟའ་པ་སངས་ཉིན་རྒྱལ་ཡོངས་འཐབ་ཇུས་ལས་ཁང་གིས་སྤེལ་བའི་སྙན་ཐོའི་ནང་ལོ་༡༦ནས་༢༤ཡིན་བ་ན་གཞོན་ལས་མེད་ཀྱི་གྲངས་འབོར་ཟླ་བ་དྲུག་པ་ནང་བརྒྱ་ཆ་༡༣་༡འཕར་ཡོད་སྐོར་བཤད་འདུག གཞུང་འབྲེལ་ཡིག་ཆ་དེ་ལ་དོ་སྣང་ཆེན་པོ་བྱེད་ཀྱི་ཡོད་པ་དང་། ཕྱི་ལོ་༢༠༢༣་ལོའི་ཟླ་བ་དྲུག་པའི་ནང་ན་གཞོན་ལས་མེད་ཀྱི་གྲངས་འབོར་བརྒྱ་ཆ་༢༡་༣ཡིན་སྐོར་བཤད་པ་དང་། གཞུང་གིས་སྙན་ཐོའི་ནང་སློབ་ཕྲུག་ཡིན་བ་ཚོ་གྲངས་ཐོའི་ནང་མི་འཇོག་རྒྱའི་ཐབས་ཤེས་བྱས་ནས་ལས་མེད་པའི་གྲངས་ཀ་གང་ཐུབ་ཉུས་དུ་གཏང་ཐབས་བྱས་པ་རེད།
ད་ལོ་ཟླ་བ་དྲུག་པའི་ནང་གཙུག་ལག་སློབ་གྲ་ཁག་ནས་སློབ་ཕྲུག་ས་ཡ་༡༢མིན་ཙམ་ཐོན་ཡོད་པར་བརྟེན་ལས་ཀའི་གོ་སྐབས་ཐོབ་རྒྱུར་འགྲན་བསྡུར་ཆེན་པོ་ཡོད་ཅིང་། ཕྱི་ཟླ་ལྔ་པའི་ནང་སྲིད་འཛིན་ཞི་ཅིང་པིང་གིས་ན་གཞོན་ལས་མེད་ཀྱི་གྲངས་འབོར་ཇེ་ཉུང་གཏོང་རྒྱུ་དེ་གནད་འགག་ཆེ་ཤོས་བརྩི་དགོས་ཀྱི་རེད་ཅེས་བཤད་འདུག
རྒྱ་ནག་རྒྱལ་ཡོངས་ནང་ལས་མེད་ཀྱི་གྲངས་བརྒྱ་ཆ་༥་༢་གཉིས་པ་དང་། རྒྱལ་ཡོངས་འཐབ་ཇུས་ལས་དོན་ཁང་གི་སྙན་ཐོའི་ནངརྒྱལ་ཡོངས་ནང་གི་ལས་མེད་ཀྱི་གྲངས་ཁ་གསལ་པོ་བཟོས་མི་འདུག་པ་དང་། གྲངས་ཐོའི་ནང་གྲོང་ཁྱེར་མ་གཏོགས་གྲོང་གསེབ་ནང་ལས་མེད་ཀྱི་གྲངས་ཐོ་གསལ་མེད་པ་རེད།
གཞུང་འབྲེལ་ཡིག་ཆའི་ནང་ལོ་༢༥ནས་༢༩ཡིན་པའི་ཁོངས་ནས་ལས་མེད་ཀྱི་གྲངས་འབོར་ཟླ་བ་དྲུག་པའི་ནང་བརྒྱ་ཆ་༦་༤ཡིན་བ་དེ་འཕར་ཚད་བརྒྱ་ཆ་༦་༥ཟིན་པ་རེད།
སྙན་ཐོ་གསར་པ་དེ་གཞུང་གིས་ཐོན་སྐྱེད་ཇེ་མང་གཏོང་རྒྱུའི་འཆར་གཞི་ཡོད་བ་ལ་མ་ལྟོས་པར་བཟོ་ཚོང་ཁང་ཁག་གིས་ཐོན་སྐྱེད་ཇེ་ཉུངསོང་ཡོད་པ་དེ་རྒྱ་ནག་ལ་དཔལ་འབྱོར་གྱི་དཀའ་ངལ་ཇེ་ཆེ་ཡོད་པ་དང་། ཨ་རི་དང་ཡོ་རབ་མཉམ་འབྲེལ་སྒྲིག་འཛུག་དང་རྒྱ་ནག་དབར་ཚོང་འབྲེལ་ཇི་སྡུག་འགྲོ་བཞིན་ཡོད་པའི་སྐབས་ཀྱི་གནས་ཚུལ་གཅིག་ཡིན་པ་རེད།
རྒྱ་ནག་གི་གཞུང་འབྲེལ་ཡིག་ཆ་ཁག་ནང་འདས་པའི་ལོ་༢༠མིན་ཙམ་ནང་དངུལ་ཁང་ཁག་ནས་བུ་ལེན་ལེན་མཁན་ཇེ་ཉུང་དང་ས་ཚོང་དང་ཁང་ཚོང་གི་ཚོང་ཡག་པོ་བྱུང་མེད་པའི་རྒྱ་ནག་གི་གྲོང་ཁྱེར་ཆེ་བ་ཚོའི་ནང་ཁང་ཚོང་དང་ས་ཚོང་བྱེད་མཁན་བཟོ་ཚོང་ཁང་ཁག་རེད་ཅེས་བཤད་འདུག་
རྒྱལ་སྤྱིའི་ནང་རྒྱ་ནག་གི་དཔལ་འབྱོར་ལ་དཀའ་ངལ་འཕྲད་བཞིན་ཡོད་པ་དང་། ཡོ་རོབ་ལྷན་ཁང་དང་ཨ་རིས་རང་གི་ཁྲོམ་ར་སྲུང་སྐྱོབ་བཟོ་རྒྱུར་དམིགས་ནས་རིན་གོང་ཆུང་པའི་རྒྱ་ནག་གི་ཚོོང་ཟོག་ཁག་ལ་དམ་དྲག་བཟོ་བཞིན་པ་རེད།
ཨ་རིའི་རླུང་འཕྲིན་ཁང་གི་གསར་ཁང་ནས་བཏུས།
གསར་འགོད་པ། རྡོ་རྗེ་ཐོགས་མེད།
ཞུ་དག་རྩོམ་སྒྲིག་པ། རྣམ་རྒྱལ་ཤཱསྟྲཱི།
གླེང་སྟེགས།