ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་སྲིད་འཛིན་ཟུར་པ་ཊམ་གྱིས་ཁྲིམས་ཁང་དུ་ཉེས་པ་ངོས་ལེན་བྱས་མེད་པ་དང་། རྒྱ་ནག་གིས་ཀུ་བྷའི་ནང་གསང་མྱུལ་ལྟེ་གནས་ཚུགས་པར་ངོ་རྒོལ། ༧གོང་ས་མཆོག་གིས་རྒྱ་ནག་ཉམས་ཞིབ་པ་དང་རྒྱ་གར་གྱི་གཞོན་སྐྱེས་ནང་པ་རྣམས་ལ་མཇལ་མོལ། ཨ་རི་དང་ནུབ་ཆིངས། ཨུ་ཡུག་གམག་འཁྲུག་གི་གནས་སྟངས་སོགས་ཡོད། ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་བོད་ཀྱི་སྲིད་བྱུས་ཉམས་ཞིབ་ཁང་གི་འགན་འཛིན་ཟླ་བ་ཚེ་རིང་ལགས་གདན་འདྲེན་ཞུས་ནས་བཞུགས་སྒར་དུ་ཉིན་གསུམ་རིང་འཚོགས་པའི་མཁས་པ་ལྔ་བཅུ་ལྷག་འདུ་འཛོམས་ཀྱི་རྒྱ་ནག་དང་རྒྱལ་སྤྱིའི་འགྱུར་ལྡོག་ཁྲོད་རེ་བ་གསར་པ་དང་གདོང་ལེན་ཞེས་པའི་ཚོགས་ཆེན་ཐད་བགྲོ་གླེང་ཞུ་རྒྱུ་དང་། དེ་བཞིན་དུ་ཚེ་རིང་སྐྱིད་ལགས་ཀྱིས་དམར་ཤོག་རིང་ལུགས་འོག་ནས་གནོད་འཚེ་ཐེབས་པ་ཚོར་དྲན་གསོའི་ཐེབས་རྩ་ཁང་གི་ Truman-Reaganརང་དབང་གཟེངས་རྟགས་བཞེས་མཁན། རྒྱལ་སྤྱིའི་བོད་དོན་ལས་འགུལ་ཁང་གི་ཉམས་ཞིབ་འགན་འཛིན་བུ་ཆུང་ཚེ་རིང་ལགས་གདན་འདྲེན་ཞུས་ནས་བགྲོ་གླེང་ཞུས་ཡོད་པས་དུས་ཐོག་གསན་གཟིགས་གནང་བར་ཞུ།།