ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་བོད་མིའི་སྒྲིག་འཛུགས་ཀྱི་གཞུང་ཞབས་ཟུར་པ་ཚོར་ཆེ་བསྟོད་སྣེ་ལེན་དང་། ཁ་ན་ཌའི་གྲོས་ཚོགས་ཀྱིས་བོད་མིའི་རང་ཐག་རང་གཅོད་ལ་སྤྱི་མོས་རྒྱབ་སྐྱོར། སྟོབས་ཆེན་རྒྱལ་ཁབ་བདུན་གྱི་འགོ་ཁྲིད་ཚོགས་ཆེན། རྒྱ་ནག་མཚོ་དམག་གི་གྲུ་དཔོན་ཟུར་པ་ཞིག་ཐེ་ཝན་གྱི་གྲུ་ཁར་ཧམ་འཛུལ་བྱས་པ་སོགས་ཡོད། ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་བརྡ་འཕྲིན་བདེ་འཇགས་ཀྱི་གཙུག་ལག་རབ་འབྱམས་པ་བསམ་གྲུབ་ཆོས་འཕེལ་ལགས་དང་། ཁྲིམས་ལུགས་རིག་པའི་གཙུག་ལག་རབ་འབྱམས་པ་བསྟན་འཛིན་ནོར་སྒྲིན་ལགས་གདན་འདྲེན་ཞུས་ནས་ཨ་རིའི་གཞུང་གིས་བོད་པའི་སློབ་ཕྲུག་ཚོར་སློབ་ཡོན་སྤྲོད་བཞིན་པའི་ནང་ཨ་རིའི་བོད་ཀྱི་ཐེབས་རྩ་ཁང་གི་སློབ་ཡོན་ལས་འཆར་འོག་གཙུག་ལག་རབ་འབྱམས་པའི་སློབ་མཐར་སོན་པ་ཁག་ལས་སློབ་མ་གཉིས་དང་མཉམ་དུ་སློབ་ཡོན་དང་ཆེད་ལས་སྐོར་ལ་བགྲོ་གླེང་ཞུ་རྒྱུ་ཡིན།