ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་༧གོང་ས་༧སྐྱབས་མགོན་ཆེན་པོ་མཆོག་བཀྲ་ཤིས་ལྷུན་པོར་ཞབས་སོར་འཁོད་པ་དང་། མེག་ཇོན་སོན་སླར་ཡང་ཨ་རིའི་གྲོས་ཚོགས་འོག་མའི་ཚོགས་གཙོར་བདམས་ཐོན་བྱུང་བ། ཨ་རིའི་སྲིད་འཛིན་ཟུར་པ་ཇཱེ་མི་ཁར་ཊར་གྱི་གཞུང་འབྲེལ་འདས་མཆོད། བོད་མིའི་སྒྲིག་འཛུགས་ཤེས་རིག་ལས་ཁུངས་ཀྱི་ཚོགས་ཆེན་ཚོགས་སོགས་ཡོད། ཀུན་གླེང་ལས་རིམ་དུ་འཇམ་དབྱངས་རྒྱ་མཚོ་ལགས་ཀྱིས་མི་ལོ་སུམ་ཅུ་ཙམ་རིང་དང་ཞབས་དམག་སྒར་དུ་དམག་ཞབས་བསྒྲུབས་གནང་མཁན་ཟླ་བ་ཤཱོརྱ་ཅཀྲ་ལགས་དང་ལྷན་དུ་དམག་སྒར་ཨང་ ༢༢ པ་གསར་འཛུགས་ཀྱི་རྒྱབ་ལྗོངས་དང་དམིགས་ཡུལ། དེ་བཞིན་དམག་སྡེ་དེ་ཡིས་རྒྱ་གར་གཞུང་དམངས་ལ་ཞབས་འདེགས་ཇི་བསྒྲུབས་སོགས་ཀྱི་སྐོར་ལ་གླེང་མོལ་ཞུས་པ་ཡིན།