ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་རྒྱལ་ཚོགས་ཀྱི་གྲོས་ཆོད་རྐྱེན་ཨ་རི་དང་ཨི་སི་རེལ་གྱི་འབྲེལ་བར་དོ་ཕོག ཨི་སི་རེལ་གྱི་དམག་ཁྲལ་སྲིད་ཇུས་ལ་འགྱུར་བ། ཨུ་རུ་སུའི་གླུ་གར་དགོང་ཚོགས་ལ་གཏོར་རྒོལ་དང་འབྲེལ་བའི་འཕྲིན་གསར། ཨུ་རུ་སུའི་ཉིང་རྡུལ་ནུས་ཤུགས། རྒྱ་དཀར་ནག་གཉིས་ཀྱིས་བལ་ཡུལ་ཤུགས་རྐྱེན་ཇེ་ཆེར་གཏོང་བཞིན་པ་སོགས་ཡོད། ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་སུད་སི་བོད་ཀྱི་སྐུ་ཚབ་དོན་གཅོད་ཁང་གི་རྒྱལ་ཚོགས་འབྲེལ་མཐུད་པ་ཕུན་ཚོགས་སྟོབས་རྒྱལ་ལགས་དང་ལྷན་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་ཐེངས་༥༥་པའི་སྟེང་བོད་དོན་སྙན་སེང་ཞུས་པའི་སྐོར་དང་། རྒན་རྒྱལ་ལོ་ལགས་ཀྱིས་ཚོགས་ཟུར་དུ་བོད་ནང་གི་གནས་སྟངས་འགྲེལ་བརྗོད་བྱས་པའི་བརྙན་ཐུང་ཞིག་གཟིགས་འབུལ་ཞུ་རྒྱུ་ཡིན། དེ་བཞིན་དུ་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གིས་སྤྱི་ལོ་༢༠༢༣་ལོའི་བོད་ནང་གི་གནས་སྟངས་སྤྱིའི་སྐོར་གྱི་ལོ་འཁོར་སྙན་ཐོའི་ཐད་ཚེ་རིང་སྐྱིད་ལགས་ཀྱིས་ལྟེ་གནས་ཁང་དེའི་ཉམས་ཞིབ་པ་ཕུར་བུ་སྒྲོལ་མ་ལགས་དང་ཞིབ་ཕྲ་བགྲོ་གླེང་ཞུ་རྒྱུ་ཡིན།