བོད་མི་མང་སྤྱི་འཐུས་ལྷན་ཚོགས་ཀྱི་གོ་སྒྲིག་འོག་མཐོ་རིམ་སློབ་གྲྭ་འགྲིམ་བཞིན་པའི་བོད་པའི་སློབ་མ་ཁག་ཅིག་ལ་རྡ་སའི་ཉེ་འཁྲིས་སུ་གཞོན་སྐྱེས་ནུས་སྟོབས་གོང་འཕེལ་གྱི་ཟབ་སྦྱོང་ཞིག་ཉིན་ལྔའི་རིང་འཚོག་བཞིན་པ་དང་། ཚོགས་གཞོན་སྒྲོལ་མ་ཚེ་རིང་གིས་བོད་མི་རིགས་ཀྱི་བདེན་པའི་འཐབ་རྩོད་རྒྱུན་འཁྱོངས་ཆེད་ཡིན་པ་འགྲེལ་བརྗོད་གནང་
བོད་ཀྱི་ཆབ་སྲིད་བཙོན་ཟུར་ཕུན་ཚོགས་ཉི་སྒྲོན་ལགས་ཀྱིས་རྒྱའི་བཙོན་ཁང་ནང་སྡུག་སྦྱོང་མནར་གཅོད་མྱངས་བའི་མི་ཚེའི་མྱོང་བ་གཞིར་བཞག་པའི་བྱིས་སྒྲུང་། ཕུན་ཚོགས་ཉི་སྒྲོན་ཞེས་པ་བཞུགས་སྒར་དུ་རྟེན་གཞི་བྱས་པའི་འཚེ་མེད་ཞི་བའི་ལྟ་གྲུབ་སྦྱོང་བརྡར་བསྟི་གནས་ཁང་གིས་པར་སྐྲུན་གནང་བ་འཇམ་དབྱངས་རྒྱ་མཚོ་ལགས་ཀྱིས་སྙན་སྒྲོན་ཞུས།
གསར་འགྱུར་ཕྱོགས་བསྡུས། ཨ་ཉག་སེང་སྒྲའི་བསྐྱར་གཏུག་ལ་འགོག་རྐྱེན། ཨ་རུ་ན་ཅལ་ནི་རྒྱ་གར་གྱི་ས་ཡིན་པའི་གྲོས་ཆོད། ཕྱི་དྲིལ་བཀའ་བློན་གྱི་ཉི་ཧོང་འཚམས་གཟིགས། རྒྱལ་སྤྱིའི་བོད་རིགས་གཞོན་སྐྱེས་ཚོགས་འདུ་དབུ་འབྱེད། ཨི་རན་གྱི་བུད་མེད་ཚོར་གདོང་ཁེབས་དགོས་པའི་དམ་དྲག བཅའ་སྒྲིག་བསྐྱར་བཅོས་བསམ་ཚུལ་ཡིག་ཐོག་ཕུལ་དགོས།
དཔེ་ཀློག་ལེ་ཚན་ནང་ཝཱ་ཎཱ་དབུས་བོད་ཀྱི་གཙུག་ལག་སློབ་གཉེར་ཁང་གི་འབུམ་རམས་པའི་སློབ་གཉེར་བ་ནོར་བུ་ལགས་སུ་པད་གཞུང་ཟླ་བ་ཆུང་བདག་གིས་བརྩམས་ཤིང་། བོད་ལྗོངས་མི་དམངས་དཔེ་སྐྲུན་ཁང་ནས་དཔར་དུ་བསྐྲུན་པའི་བོད་བཙན་པོའི་དུས་ཀྱི་དམག་ཁྲིམས་ཡིག་རྙིང་གི་ཚིག་འགྲེལ་དང་ཞིབ་འཇུག་ཅེས་པའི་དཔེ་དེབ་ཐད་གླེང་མོལ་ཞུ་རྒྱུ་ཡིན།།
ཨ་རིའི་ཕྱི་སྲིད་དྲུང་ཆེ་གཞོན་པ་དང་བོད་དོན་དམིགས་བསལ་འབྲེལ་མཐུད་པ་ལྕམ་ཨ་ཛི་ར་ཛི་ཡ་མཆོག་གིས་སྣེ་ཁྲིད་པའི་སྐུ་ཚབ་ཚོགས་ཆུང་ཞིག་ཕྱི་ཟླ་ ༧ ཚེས་ ༨ ནས་ ༡༡ བར་རྒྱ་གར་དང་བྷང་ལ་དྷེ་ཤི་གཉིས་སུ་གཞུང་འབྲེལ་འཚམས་གཟིགས་སུ་ཕེབས་པ་
དེ་རིང་གི་གསར་འགྱུར་ཕྱོགས་བསྡུས་ནང་། ༧གོང་ས་མཆོག་དགུང་གྲངས་༨༨ དུ་ཕེབས་པའི་འཁྲུངས་སྐར་དང་། སྤྱི་འཐུས་ཚོགས་གཙོ་སྦྲེལ་པོ་ཐེ་ཝན་འཐུས་མིར་མཇལ་འཕྲད། སྤྱི་ཟུར་ཚུལ་ཁྲིམས་བསྟན་འཛིན་འདས་གྲོངས། ཧྲང་ཧེ་མཉམ་ལས་ཚོགས་འདུའི་ཐོག་མོ་དྷིས་གསུང་བཤད། ཕྱོགས་དུས་གཉིས་ཀྱི་འཐེན་ཤུགས་རླབས་གསར་པ་སོགས་ཡོད།
༧གོང་ས་མཆོག་ཕྱི་ལུགས་ལྟར་དགུང་གྲངས་༨༨ དུ་ཕེབས་པའི་འཁྲུངས་སྐར་དང་བསྟུན། བཞུགས་སྒར་དུ་རྟེན་གཞི་བྱས་པའི་སྐལ་བཟང་བོད་ཀྱི་སྲོལ་རྒྱུན་ཐང་བྲིས་སྒྱུ་རྩལ་དར་སྤེལ་གླིང་ནས་རྣལ་འབྱོར་མི་ལ་རས་པའི་ངོ་མཚར་མཛད་པ་ཐང་ཀའི་ལམ་ནས་འབྲི་བཞེངས་ལེགས་གྲུབ་བྱུང་བ་དེ་ཚེས་ ༥ ཉིན་བོད་ཀྱི་འགྲེམ་སྟོན་ཁང་རྙིང་པའི་ནང་དབུ་འབྱེད་གནང་།
༧གོང་ས་༧སྐྱབས་མགོན་ཆེན་པོ་མཆོག་ནས་འདི་ལོ་སྦེལ་འཇམ་དུ་འཚོག་འཆར་གྱི་ ཀོ་ནི་ཧྥ་ ཨེ་ཤ་ཡའི་གཟེངས་རྟགས་ཐོག་ཏུ་མཉམ་བཞུགས་གནང་མཁན་བོད་ཀྱི་རྐང་རྩེད་སྤོ་ལོའི་རུ་ཁག་གི་རུ་མི་རྣམས་དང་བོད་རྒྱལ་ཡོངས་རྩེད་རིགས་ཚོགས་པའི་འགན་འཛིན་ལྷན་ཚོགས་ཀྱི་ཚོགས་མི་རྣམས་ལ་ཞུགས་སྒར་རྒྱལ་བའི་ཕོ་བྲང་དུ་མཇལ་ཁ་སྩལ་གནང་མཛད་འདུག
སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་ཕྱི་ལུགས་ལྟར་དགུང་གྲངས་ ༨༨ དུ་ཕེབས་པའི་འཁྲུངས་སྐར་ནི་ཐེ་ཝན་གཙོས་ཨེ་ཤི་ཡའི་རྒྱལ་ཁབ་ཀྱི་དད་ལྡན་མང་པོས་ཕྱི་ཟླ་ ༧ ཚེས་ ༡ ཉིན་སྔ་བསྣུར་གྱིས་སྲུང་བརྩི་ཞུས་གནང་ཞིང་། ༧གོང་ས་མཆོག་ནས་ཐད་གཏོང་བརྒྱུད་འཁྲུངས་སྐར་གོ་སྒྲིག་གནང་མཁན་དང་མཉམ་བཞུགས་པ་ཡོངས་ལ་འཚམས་འདྲི་གནང་།
བོད་ཀྱི་སྲིད་བྱུས་ཉམས་ཞིབ་ཁང་གི་གོ་སྒྲིག་འོག་རྒྱ་ནག་གི་བཙན་གནོན་འོག་ཡོད་པའི་མི་རིགས་ཁག་གི་སྐུ་ཚབ་མཉམ་ཞུགས་ཐོག་རྒྱ་ནག་དང་རྒྱལ་སྤྱིའི་ཆབ་སྲིད་འགྱུར་ལྡོག རེ་བ་དང་གདོང་ལེན་ཞེས་པའི་བརྗོད་གཞིའི་ཐོག་ཉིན་གསུམ་རིང་གི་བགྲོ་གླེང་ཚོགས་འདུ་ཞིག་འདི་ཚེས་༨ ཉིན་བཞུགས་སྒར་གྱི་སྲིད་སྐྱོང་ཚོགས་ཁང་དུ་དབུ་འབྱེད་གནང་།
འཛམ་གླིང་ཁོར་ཡུག་ཉིན་མོ་དང་སྟབས་བསྟུན་ནས་རྒྱལ་སྤྱིའི་བོད་དོན་འབྲེལ་མཐུད་ཁང་དང་ཕྱི་དྲིལ་བོད་ཀྱི་འགྲེམས་སྟོན་ཁང་གཉིས་ཟུང་འབྲེལ་གྱིས། གློག་བརྙན་བཟོ་སྐྲུན་པ་ཡན་ཁྲུན་སུ་ཡིས་བཟོ་སྐྲུན་གནང་བའི་བོད་ཀྱི་འབྲོག་པ་ཞེས་པའི་གློག་བརྙན་དེ་ཚེས་༥ ཉིན་ཕྱི་འབྲེལ་བོད་ཀྱི་འགྲེམས་སྟོན་ཁང་གི་ཚོགས་ཁང་དུ་གཟིགས་འབུལ་གནང་སོང་།
རྒྱལ་ཡུམ་ཆེན་མོ་དྲན་རྟེན་གསེར་གྱི་གཟེངས་རྟགས་རྐང་རྩེད་སྤོ་ལོའི་འགྲན་བསྡུར་ཐེངས་༢༨ པ་དེ་རྡ་ས་བོད་ཕྲུག་ཁྱིམ་སྡེའི་རྩེད་ཐང་དུ་ཕྱི་ཟླ་༦ ཚེས་༡ ཉིན་འགོ་འཛུགས་གནང་སོང་ལ། འགྲན་བསྡུར་གྱི་ཐོག་མར་བོད་ཁྱིམ་རུ་ཁག་དང་ཝཱ་ཎ་རུ་ཁག་གཉིས་ཀྱི་དབར་འགྲན་རྩོད་བྱས་པའི་ཁྲོད་འདི་ལོའི་སྤོ་ལོ་ཐོག་མ་དེ་ཝཱ་ཎ་རུ་ཁག་གིས་བླུགས་པ།
རྡ་ས་ནང་ཆོས་ངོ་སྤྲོད་ཚོགས་ཆུང་དང་བོད་ཁྱིམ་སློབ་གྲྭ་གཉིས་ནས་ཇི་ལྟར་གསོལ་བ་བཏབ་པ་བཞིན། ༧གོང་ས་མཆོག་ནས་ད་ལོར་སྐྱབས་འགྲོ་དང་སེམས་བསྐྱེད་ཀྱི་ཆོས་འབྲེལ་བསྐྱངས་གནང་མཛད་ཡོད་ཅིང་། བོད་རིགས་གཞོན་སྐྱེས་དང་ཕྱི་ནང་གི་དད་ལྡན་རྣམ་པར་རྒྱལ་བ་རིན་པོ་ཆེའི་སློབ་མ་ཡིན་ཕྱིན་སེམས་པ་བཟང་པོ་བྱེད་དགོས་པའི་བཀའ་སློབ་སྩལ་གནང་།
ཆབ་སྲིད་བཙོན་པ་གྲྭ་ཆོས་རྒྱལ་དབང་པོ། ༢༠༡༩ ལོར་བཀྲ་ཤིས་སྟེང་འགྲོ་དགོན་པའི་གྲྭ་ཆོས་རྒྱལ་དབང་པོ་ལགས་ལྷ་སར་ཕྱིན་དུས་རང་ཉིད་ཀྱི་ལག་ཐོག་ཁ་པར་ཇ་ཁང་ཞིག་ཏུ་ལུས་ནས་ཉེན་རྟོག་པའི་ལག་པར་ཤོར་བས། ཉེན་རྟོག་པས་ཁོང་གིས་༢༠༡༥ལོར་བལ་ཡུལ་གྱི་ས་འགུལ་སྐབས་བལ་ཡུལ་ནང་གི་བོད་མི་ཚོར་རོགས་དངུལ་བཏང་ཡོད་པ་ཤེས་ནས་བཟུང་ཡོད་པ་རེད།
རྩོམ་པ་པོ་ཤེས་རབ་དར་རྒྱས་ལགས་ཀྱིས་རྩོམ་སྒྲིག་གནང་བའི་གཟིགས་སྣང་དང་ཉམས་རྟོགས། ཡིད་བཞིན་དབང་གི་རྒྱལ་པོ་ཞེས་པའི་རྒྱལ་བའི་ཐུགས་ཀྱི་ཡོན་ཏན་བརྗོད་པའི་དཔེ་དེབ་དབུ་འབྱེད་དང་འབྲེལ། རྒྱལ་བའི་བཀའ་དྲིན་རྗེས་དྲན་གྱི་མཛད་སྒོ་ཞིག་ཟླ་༥ ཚེས་༢༢ ཉིན་རྡ་ས་བོད་ཀྱི་དཔེ་མཛོད་ཁང་དུ་མདོ་སྨད་ཆོལ་ཁའི་གོ་སྒྲིག་འོག་འཚོགས་གནང་བ།
བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་ Indian Premier League ཞེས་པ་རྒྱ་གར་གྱི་ཀིར་ཀེཊེ་རྩེད་འགྲན་ཁོངས་སུ་མཉམ་ཞུགས་གནང་མཁན་གྱི་རྩེད་འགྲན་པ་ཁག་ཅིག་ལ་བཞུགས་སྒར་རྒྱལ་བའི་ཕོ་བྲང་དུ་འདི་ཚེས་ ༡༦ ཉིན་མཇལ་ཁ་དང་བཀའ་སློབ་སྩལ་གནང་མཛད་ཡོད།
བོད་མིའི་སྒྲིག་འཛུགས་ནང་སྲིད་ལས་ཁུངས་ཀྱི་གོ་སྒྲིག་འོག་རྒྱ་གར་དང་བལ་ཡུལ་གཉིས་ཀྱི་བོད་མིའི་གཞིས་ཆགས་ཁག་འགའ་ཞིག་ནས་སོ་ནམ་སློབ་སྟོན་པ་ ༡༥ ལ་སོ་ནམ་ཞིང་ལས་སྲིད་བྱུས་བསྐྱར་ཞིབ་ཀྱི་ཚོགས་འདུ་ཞིག་ཉིན་གྲངས་གསུམ་རིང་ཚོགས་གནང་སྟེ་ཟླ་བ་ ༥ ཚེས་ ༡༡ ཉིན་མཇུག་སྒྲིལ་གནང་ཡོད་པ་རེད།
ཆབ་སྲིད་བཙོན་པ་ངོ་སྤྲོད། ཐེངས་འདིའི་ཆབ་སྲིད་བཙོན་པ་ངོ་སྤྲོད་ཀྱི་ལེ་ཚན་ནང་དཀར་མཛེས་སེར་ཤུལ་རྫོང་རྫ་སྨད་དབོན་པོ་ཡུལ་ཚོའི་དབོན་པོ་དགོན་པའི་དགེ་འདུན་པ་བསྟན་འཛིན་ཉི་མ་ལགས་ངོ་སྤྲོད་བྱས་ཡོད།
གོ་ལ་སྤྱི་ཡོངས་ཞི་བདེ་མཉམ་གནས་ཡོང་ཐབས་ལས་འཆར་Better we Better World ཡི་གོ་སྒྲིག་འོག་འདི་ལོར་ཡང་བཀའ་བློན་ཁྲི་ཟུར་སློབ་དཔོན་ཟམ་གདོང་རིན་པོ་ཆེ་དབུ་བཞུགས་ཐོག་ཤར་ནུབ་གཉིས་ཀྱི་གནའ་བོའི་ཆོས་ལུགས་དང་རིག་གཞུང་གི་བསླབ་བྱ་ལས་འགྲོ་བ་མིའི་བདེ་ཐབས་ལ་ལེགས་སྐྱེས་འབུལ་ཐབས་འཚོལ་བའི་ཚོགས་འདུ་བཞུགས་དུ་འཚོག་བཞིན་པ་རེད།
སྲོག་ཆགས་ཀྱི་ཚོར་ཤེས་གྱི་སྐོར་གྱི་ཚོགས་འདུ་འམ་དབྱིན་སྐད་དུ་ Animal Consciousness Conference ཞེས་པའི་ཉིན་དང་པོའི་དབུ་འབྱེད་ཀྱི་ཚོགས་འདུ་དེ་བཞིན། བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་དབུ་བཞུགས་ཐོག་ནས་འདི་ཚེས་ ༡ ཉིན་བཞུགས་སྒར་རྒྱལ་བའི་ཕོ་བྲང་དུ་ཚོགས་གནང་ཡོད་པ་རེད།
མང་སྣོན།
