ཏེ་ལོ་རིན་པོ་ཆེའི་ཆོས་ཚོགས་དང་རུ་སོག་དོན་གཅོད་ལས་ཁུངས་ཀྱིས་གཙོ་འགན་བཞེས་པའི་ཐོག་བོད་མིའི་སྒྲིག་འཛུགས་ཕྱི་དྲིལ་བོད་ཀྱི་སྲིད་བྱུས་ཉམས་ཞིབ་ཁང་གསུམ་ཟུང་འབྲེལ་གྱི་ཐོག་ནས་༼བོད་སོག་འབྲེལ་ལམ་༽ ཞེས། ཉིན་གྲངས་གཉིས་རིང་གི་བགྲོ་གླེང་ཚོགས་འདུ་ཞིག་གངས་སྐྱིད་དཔེ་མཛོད་ཁང་གི་ཚོགས་ཁང་དུ་དབུ་འཛུགས་གནང་སོང་།
དེ་རིང་གི་ཀུན་གླེང་ལས་རིམ་དུ་སྐབས་༡༧ པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་བདུན་པའི་ཐོག་གི་ཁྲིམས་སྒྲིག་བསྐྱར་བཅོས་དང་འབྲེལ་ནས་མ་འོངས་བོད་མིའི་སྒྲིག་འཛུགས་ཀྱི་མང་གཙོའི་ཀ་བ་གསུམ་གྱི་གནས་སྟངས་ཇི་ཆགས་ཐད་བགྲོ་གླེང་ཞུ་རྒྱུ་ཡིན་པས་དུས་ཐོག་གསན་གཟིགས་གནང་བར་ཞུ།།
སྐབས་ ༡༧ པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་བདུན་པ་གཙོ་བོ་སྔོན་རྩིས་གྲོས་ཚོགས་དེ་རིང་ཕྱི་ཟླ་ ༣ ཚེས་ ༡༨ ཉིན་ཚོགས་གཙོ་དབུ་བཞུགས་ཀྱི་ཐོག་ནས་འཚོགས་གནང་ཡོད་པ། ཚོགས་གཙོས་དབུ་འཛུགས་གསུང་བཤད་ནང་རྒྱ་ནག་གཞུང་གིས་བོད་རྒྱའི་དཀའ་རྙོག་སེལ་ཐབས་ལ་བསམ་གཞིགས་བྱེད་དགོས་པའི་རེ་འདུན་བཏོན་གནང་སོང་།
སྐབས་བཅུ་བདུན་པའི་བོད་མི་མང་སྤྱི་འཐུས་ལྷན་ཚོགས་གྲོས་ཚོགས་ཚོགས་དུས་དྲུག་པ་དེ་བཞིན་སྔ་ལོའི་ཟླ་བ་དགུ་པའི་ནང་དབུ་འཛུགས་སྐབས་མཇུག་སྐྱོང་མ་ཐུབ་པའི་ལས་རིམ་ལྷག་མ་དེ་ཟླ་འདིའི་ཚེས་ ༡༣ ནས་ལས་ཉིན་བཞིའི་རིང་ཚོགས་ཏེ། དེ་རིང་ཕྱི་ཟླ་༣ ཚེས་༡༦ ཉིན་མཇུག་སྒྲིལ་གནང་སོང་། སྐབས་དེར་ཚོགས་གཙོས་མཇུག་བསྡོམས་ཀྱི་གསུང་བཤད་གནང་།
བོད་མིའི་སྒྲིག་འཛུགས་ཀྱི་སྲིད་སྐྱོང་དང་ནང་སྲིད་བཀའ་བློན་གཅིག་ལྕོགས་སྤེན་པ་ཚེ་རིང་མཆོག་གིས་ནང་སྲིད་ལས་ཁུངས་ཀྱི་ཕྱི་ལོ་ ༢༠༢༢ དང་ ༢༣ ལོའི་ལས་དོན་སྙིང་བསྡུས་སྙན་སྒྲོན་གྲུབ་མཚམས་ནང་སྲིད་ལས་ཁུངས་དང་བཅས་པའི་ལས་བསྡོམས་ཐོག་སྤྱི་ཡོངས་ཀྱི་བགྲོ་གླེང་སྐབས་སྤྱི་འཐུས་རྣམ་པས་བཀའ་འདྲི་གནང་བའི་ནང་།
སྐབས་བཅུ་བདུན་པའི་བོད་མི་མང་སྤྱི་འཐུས་ལྷན་ཚོགས་གྲོས་ཚོགས་ཚོགས་དུས་དྲུག་པའི་མཇུག་སྐྱོང་གི་ལས་དོན་ཚོགས་འདུ་དེ་བཞིན་དེ་རིང་ཕྱི་ཟླ་༣ཚེས་ ༡༣ ཉིན་ཚོགས་གཙོ་སྦྲེལ་པོ་དབུ་བཞུགས་ཐོག་དབུ་འཛུགས་གནང་སོང་། ཚེས་ ༡༨ ནས་སྐབས་བཅུ་བདུན་པའི་གྲོས་ཚོགས་ཚོགས་དུས་བདུན་པ་སྔོན་རྩིས་གྲོས་ཚོགས་དབུ་འཛུགས་གནང་གཏན་འཁེལ་ཡོད་པ་རེད།
དེ་རིང་ནི་བོད་ཀྱི་རྒྱལ་ས་ལྷ་སར་བོད་མི་ཚང་མས་རྒྱ་ནག་གིས་བཙན་འཛུལ་ལ་ཞི་བའི་སྒེར་ལངས་བྱས་ཏེ་མི་ལོ་༦༥ཕྱིན་པའི་ཉིན་མོ་ཡིན་སྟབས། བཙན་བྱོལ་བོད་ཀྱི་བཀའ་སྤྱི་གཉིས་ཀྱིས་དཔའ་བོ་དཔའ་མོ་རྣམས་ལ་རྗེས་དྲན་དང་། དཀའ་སྡུག་མྱོང་བཞིན་པ་རྣམས་ལ་གདུང་སེམས་མཉམ་བསྐྱེད་ཀྱིས་སྒེར་ལངས་ཉིན་མོ་སྲུང་བརྩི་ཞུས་སོང་།
བོད་མིའི་རང་དབང་སྒེར་ལངས་གསུམ་བཅུའི་དུས་དྲན་ཐེངས་༦༥ པ་བལ་ཡུལ་རྒྱལ་ཁབ་ནང་གཞུང་འབྲེལ་སྲུང་བརྩི་བྱ་རྒྱུར་བཀའ་འཁྲོལ་ཐོབ་མེད་པར་མ་ཟད། བོད་མི་འདུས་སྡོད་ཀྱི་ས་གནས་ཡོངས་སུ་དམག་མི་ཕོན་ཆེན་འགྲེམས་འཇོག་བྱས་ཡོད་པའི་སྐོར་ཀུན་བཟང་བསྟན་འཛིན་ལགས་ཀྱི་སྙན་སྒྲོན་ཞུས་ཡོད།
སྤྱི་ཟླ་༣ པའི་ཚེས་༨ ཉིན། ༧གོང་ས་སྐྱབས་མགོན་ཆེན་པོ་མཆོག་གིས་ནོ་སྦེལ་ཞི་བདེའི་གཟེངས་རྟགས་བཞེས་མཁན་རྒྱ་གར་བ་སྐུ་ཞབས་ཀེ་ལ་ཤ་སཱ་ཏི་ཡར་ཐི་དང་། ཨ་རི་བ་ལྕམ་སྐུ་ཇོ་ཌི་ཝེ་ལེམ་སི་རྣམ་གཉིས་ལ་བཞུགས་སྒར་རྒྱལ་བའི་ཕོ་བྲང་དུ་མཇལ་ཁ་གནང་ཡོད་པའི་སྐོར་འདི་གའི་གསར་འགོད་པ་འཇམ་དབྱངས་རྒྱ་མཚོ་ལགས་ཀྱིས་སྙན་སྒྲོན་ཞུས་ཡོད།
༧གོང་ས་༧སྐྱབས་མགོན་ཆེན་པོ་མཆོག་ནས་བཞུགས་སྒར་རྒྱལ་བའི་ཕོ་བྲང་དུ་དེ་རིང་ཕྱི་ཟླ་ ༣ ཚེས་ ༦ ཉིན། ཕྱི་ལོ་ ༢༠༢༣ ལོར་ཐོན་པའི་དགེ་བཤེས་མ་སྔགས་རམས་བསླབ་པ་མཐར་སོན་བཅུ་ལ་མཇལ་ཁ་སྩལ་གནང་མཛད་ཡོད་ཅིང་། མཇལ་ཁ་དང་འབྲེལ་བའི་སྐོར་ལ་བཙུན་མའི་ལས་འཆར་གྱི་འགན་འཛིན་སྣང་ས་ཆོས་སྒྲོན་ལགས་སུ་བཅར་འདྲི་ཞུས།
བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་ནས་ཆོ་འཕྲུལ་ཟླ་བའི་སྐྱེས་རབས་གསུང་ཆོས་སྔ་རོལ་དུ་རྒྱུད་གྲྭ་སྟོད་སྨད་གཉིས་ཀྱིས་གཙོས་ཕྱོགས་མཐའ་ཁག་གི་དོན་གཉེར་ཅན་ ༥༠༠ ཙམ་ལ་དགེ་ཚུལ་སློང་གི་བསླབ་སྡོམ་འབོགས་སྩོལ་གནང་བཞིན་པའི་སྐོར་བཞུགས་སྒར་ནས་འཇམ་དབྱངས་རྒྱ་མཚོ་ལགས་ཀྱིས་སྙན་སྒྲོན་ཞུ།
བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་དེ་རིང་བོད་ཟླ་དང་པོའི་ཚེས་བཅུ་ཉིན་བཞུགས་སྒར་རྒྱལ་བའི་ཕོ་བྲང་དུ་༧གོང་ས་༧སྐྱབས་མགོན་ཆེན་པོ་མཆོག་དབུ་བཞུགས་ཀྱི་སྔར་སྲོལ་གཞུང་འབྲེལ་ཚེས་བཅུ་གཟབ་གསོལ་མཛད་སྒོར་ལྷན་བཞུགས་དང་སྦྲགས། བཀའ་ཤག་གི་ལས་དོན་སྙན་སྒྲོན་ཆེད་༸གོང་ས་མཆོག་གི་གཟིམས་ཆུང་མཇལ་བཅར་ཞུས་ཡོད
ཐེངས་འདིའི་དཔེ་ཀློག་ནང་གཞིས་བཞུགས་རྩོམ་པ་པོ་གདམ་བུ་བསྟན་འཛིན་ལགས་ཀྱིས་རྩོམ་སྒྲིག་གནང་ཞིང་། བོད་ལྗོངས་བོད་ཡིག་དཔེ་རྙིང་དཔེ་སྐྲུན་ཁང་ནས་དཔར་སྐྲུན་གནང་བའི་སྔོན་འགྲོ་ཡིག་ངག་སྦྱོར་བ་དང་ལ་སྟོད་གཞས་རྙིང་ཕྱོགས་བསྒྲིགས་སྒྲ་ལྡན་འཕྲུལ་གྱི་མེ་ལོང་ཞེས་པའི་ནང་དོན་དང་ཁྱད་ཆོས། རིན་ཐང་སོགས་ཀྱི་སྐོར་གླེང་མོལ་ཞུས།
བཙན་བྱོལ་བོད་མིའི་སྤྱི་ཚོགས་ནང་འབྲས་ནད་རྐྱེན་པས་འདས་གྲོངས་སུ་ཕྱིན་པ་མང་ཤོས་ཡིན་པ་འབྲས་ནད་ཚོགས་པའི་འགན་འཛིན་ཚུལ་ཁྲིམས་ལགས་ཀྱིས་གསུངས་ཡོད་པའི་སྐོར་འཇམ་དབྱངས་རྒྱ་མཚོ་ལགས་ཀྱིས་སྙན་སྒྲོན་ཞུས་ཡོད།
བཞུགས་སྒར་རྡ་ས་ལར་རྟེན་གཞི་བྱས་པའི་སྨན་རྩིས་ཁང་གི་སྐར་རྩིས་སྡེ་ཚན་གྱི་རྒན་སྙན་གྲགས་ལགས་ཀྱིས་ ལྷག་ན་སྔ་མ་དང་ཆད་ན་ཕྱི་མ་ཞུ་བ་ལྟར་འདི་ལོའི་དགུ་ཐུག་གནམ་གང་ལ་ངེས་དགོས་པ་གསུངས་པ་ལྟར་ འདི་ལོའི་བོད་ཟླ་བཅུ་གཉིས་པའི་ཚེས་ཉེར་དགུ་ཆད་ཡོད་པས་ཉེར་དགུའི་བྱེད་སྒོ་དེ་དག་གནམ་གང་ཉིན་བྱེད་དགོས་པ་གསུངས་ཀྱི་ཡོད་པའི་སྐོར།
བོད་མགོ་ལོག་དགའ་བདེ་ནས་ཡིན་པ་ཁོར་ཡུག་ལས་འགུལ་བ་དང་ལྐོག་ཟ་རུལ་སུངས་ལ་ཐེར་འདོན་གནང་མཁན་ཨ་ཉ་སེང་སྒྲ་ལགས་ཀྱི་གྱོད་དོན་བསྐྱར་ཞིབ་དགོས་པའི་ཞུ་གཏུག་ལ་ཤི་ཨན་ཆེས་མཐོའི་མི་དམངས་ཁྲིམས་ཁང་ནས་ད་དུང་ཡང་ཞིབ་འཇུག་མེད་པར་ལུས་ཡོད་པ་ཨ་ཉ་སེང་སྒྲ་ལགས་སྒེར་གྱི་ཁྲིམས་རྩོད་ ལིན་ ཆི་ལའེ་ལགས་ཀྱིས་བརྗོད་ཡོད་འདུག་ཅིང་།
བལ་ཡུལ་གཞུང་དང་། རྒྱ་ནག་གཞུང་། དེ་བཞིན་རྒྱལ་སྤྱིའི་འབྲེལ་ཡོད་ཚོར་འབོད་སྐུལ་དང་གནོན་ཤུགས་སྤྲོད་ཕྱིར། བཞུགས་སྒར་དུ་རྟེན་གཞི་བྱས་ཡོད་པའི་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གིས་བལ་ཡུལ་གྱི་བོད་མིའི་བཙན་བྱོལ་བའི་དོན་དུ་མཚན་རྟགས་བསྡུ་རབ་ཀྱི་ལས་འགུལ་ཞིག་སྤེལ་ཡོད་པའི་སྐོར་འདིར་གསལ།
བལ་ཡུལ་ནང་གི་བོད་མི་སྐྱབས་བཅོལ་བའི་ཐོབ་ཐང་སྲུང་སྐྱོབ་ཆེད་བལ་ཡུལ་གཞུང་དང་རྒྱ་ནག་གཞུང་། དེ་བཞིན་རྒྱལ་སྤྱིའི་སྤྱི་ཚོགས་དང་བཅས་པའི་འབྲེལ་ཡོད་གཞུང་དང་ཚོགས་པ་ཁག་ལ་འབོད་སྐུལ་
བོད་ཀྱི་འགྲེམས་སྟོན་ཁང་གི་གོ་སྒྲིག་འོག་བོད་ཀྱི་བོད་དངུལ་གྱི་བྱུང་རིམ་དང་སྤྱོད་གོ སྒྱུ་རྩལ་གྱི་མཚོན་དོན། ལོ་རྒྱུས་ཀྱི་བདེན་དཔང་སོགས་མཚོན་པའི་བོད་དངུལ་གྱི་དུས་ཐུང་འགྲེམས་སྟོན་ཞིག་ཕྱི་ཟླ་ ༡ ཚེས་ ༦ ཉིན་ཕྱི་དྲིལ་བཀའ་བློན་ནོར་འཛིན་སྒྲོལ་མ་མཆོག་གིས་འགྲེམས་སྟོན་ཁང་དེར་དབུ་འབྱེད་གནང་སོང་།
སྤྱི་དང་པོའི་ཚེས་༦ ཉིན། ཕྱི་དྲིལ་བོད་ཀྱི་འགྲེམས་སྟོན་ཁང་གི་གོ་སྒྲིག་འོག་བོད་ཀྱི་དངུལ་གྱི་བྱུང་རིམ་དང་། སྤྱོད་སྒོ། སྒྱུ་རྩལ་གྱི་མཚོན་དོན། ལོ་རྒྱུས་ཀྱི་བདེན་དཔང་སོགས་མཚོན་པའི་བོད་དངུལ་གྱི་དུས་ཐུང་འགྲེམས་སྟོན་ཞིག་སྤེལ་ཡོད་པའི་སྐོར་འཇམ་དབྱངས་རྒྱ་མཚོ་ལགས་ཀྱིས་སྙན་སྒྲོན་ཞུས་ཡོད།
མང་སྣོན།
