སྤྱི་ཟླ་༢་ཚེས་༢༢་ཉིན་གྱི་ཞོགས་པ། དཀར་མཛེས་ཁུལ་སྡེ་དགེ་རྫོང་དབོན་སྟོད་དགོན་པ་དང་ཡེ་ན་དགོན་པའི་དགེ་འདུན་པ་དང་མང་ཚོགས་ཚོ་ཉེན་རྟོག་པས་ཆུ་ཁ་ཚ་དང་གློག་ཤུགས་མེ་མདའ་སྤྱད་ནས་སྡེབས་འཛིན་བྱས་འདུག ལྷག་པར་དུ་དགེ་འདུན་པ་དང་མི་མང་པོར་རྨས་སྐྱོན་ཕོག་ནས་སྡེ་དགེ་རྫོང་སྨན་ཁང་དུ་ཛ་དྲག་མྱུར་སྐྱོབ་བྱེད་བཞིན་པ་རེད།
ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་རྒྱལ་སྤྱིའི་ཆབ་སྲིད་སློབ་གཉེར་བ་དང་དཔྱད་བརྗོད་པ་བསྟན་འཛིན་དབང་ཕྱུག་ལགས་གདན་འདྲེན་ཞུས་ནས་ཨུ་རུ་སུའི་སྲིད་འཛིན་གྱི་ཁ་གཏད་ཨ་ལེ་ཀི་སི ཎ་ཝལ་ཎི་ཡི་འཐབ་རྩོད་དང་འཆི་རྐྱེན་སོགས་ཀྱི་ཐད་བགྲོ་གླེང་ཞུས་ཡོད།
ཨ་རིའི་གྲོས་ཚོགས་སུ་ཨ་རིའི་ནང་གི་མི་ཚོར་རྒྱ་ནག་གཙོས་པའི་རྒྱལ་ཁབ་གཞན་པས་སྨྲ་བརྗོད་འགོག་ཐབས་དང་བདེ་འཇགས་ལ་གནོད་པ་སྐྱེལ་བཞིན་པ་སོགས་ཀྱི་དྲག་གནོན་སྲིད་ཇུས་སྤེལ་བཞིན་པར་རྒྱལ་མཚམས་བརྒལ་བའི་གཉའ་གནོན་དང་ཨ་རིའི་ཡ་ལན་ཞེས་པའི་ཉན་ཞིབ་ཅིག་འཚོགས་སོང་། ཞིབ་ཕྲ་ཚེ་རིང་སྐྱིད་ཀྱིས་སྙན་སྒྲོན་ཞུ་རྒྱུ་རེད།
བོད་ཀྱི་ལོ་གསར་ཚེས་ལྔ་ཉིན་སྡེ་དགེ་རྫོང་སྲིད་གཞུང་གི་སྒོ་མདུན་དུ་དབོན་པོ་སྟོད་ཡུལ་ཚོའི་སྡེ་མི་ཚོ་འཛོམས་ཏེ། འབྲུ་ཆུའི་གཞུར་རྒྱུན་དུ་སྐམ་ཐོག་ཆུ་གློག་ས་ཚིགས་ཞེས་པ་འཛུགས་བསྐྲུན་བྱེད་བཞིན་པ་དེ་མཚམས་འཇོག་དང་། དེ་ལ་བརྟེན་ནས་དེའི་མཐའ་སྐོར་གྱི་སྡེ་མི་ཚོ་གནས་སྤོར་དགོས་པའི་བཀོད་ཁྱབ་ཕྱིར་བསྡུ་བྱེད་དགོས་པ།
ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་བོད་ཀྱི་འགྲོ་བ་མིའི་ཐོབ་ཐང་དང་དམངས་གཙོ་འཕེལ་རྒྱས་ལྟེ་གནས་ཁང་གི་འགན་འཛིན་བསྟན་འཛིན་ཟླ་བ་ལགས་གདན་འདྲེན་ཞུས་ཏེ་བཙན་བྱོལ་བོད་མིས་མྱོང་བཞིན་པའི་རྒྱ་ནག་གི་རྒྱལ་མཚམས་ལས་བརྒལ་བའི་གཉའ་གནོན་ཞེས་པའི་སྙན་ཐོའི་བགྲོ་གླེང་ཞུས་ཡོད།
ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་བོད་གནས་ལྟ་ཞིབ་ཁང་གི་ཉམས་ཞིབ་པ་བསྟན་འཛིན་ཆོས་སྐྱིད་ལགས་དང་མཉམ་དུ་རྒྱ་ནག་གིས་དྲ་ལམ་གྱི་བོད་མི་ཚོའི་འགྲོ་འདུག་སྤྱོད་གསུམ་དང་སྨྲ་བརྗོད་བཅས་ལ་ཚོད་འཛིན་དང་ལྟ་རྟོག་བྱེད་པར་བེད་སྤྱོད་གཏོང་གི་ཡོད་པའི་སྐོར་སྙན་ཐོ་ཞིག་ཐོན་ཡོད་པའི་ཐད་བགྲོ་གླེང་ཞུས་ཡོད།
བོད་འབྲེལ་སྙན་ཐོ་གཉིས། རྒྱལ་མཚམས་བརྒལ་བའི་དྲག་གནོན། བོད་མིའི་དོ་དམ་བྱེད་བྱད་ལ་གྲངས་མཛོད་བསྡུ་བའི་སྙན་ཐོ། སྲིད་འཛིན་ཌམ་སྲིད་འཛིན་འོས་མི་ལ་འོས་མིན། ཨ་རིའི་ཕྱི་སྲིད་དྲུང་ཆེའི་བར་འདུམ་འབད་བརྩོན། པ་ཀི་སི་ཐན་གྱི་འོས་བསྡུ། ཨ་རིའི་རོགས་དངུལ་གཏོང་ཕྱོགས་ཀྱི་གྲོས་ཚོགས་བགྲོ་གླེང་།
༧རྒྱལ་བ་རིན་པོ་ཆེ་ནི་འཛམ་གླིང་ནང་པ་ཡོངས་ཀྱི་བླ་ན་མེད་པའི་ཀུན་ཁྱབ་དབུ་ཁྲིད་ཡིན་ཞེས་ཐག་གཅོད་གནང་བ་དང་། ཡང་༧རྒྱལ་དབང་སྐུ་ཕྲེང་༡༤་བའི་འཁྲུངས་སྐར་ཉིན་མོ་ནི་འཛམ་གླིང་སྙིང་རྗེ་ཉིན་མོར་སྲུང་བརྩི་ཞུ་རྒྱུ་ཡིན་ཞེས་སྤྱི་མོས་གྲོས་ཆོད་བཞག་ཡོད་་འདུག
ཞིན་ཅང་དུ་ཁ་ཆེ་ཆོས་ལུགས་ཀྱི་རྗེས་འབྲངས་པ་ཡུ་གུར་བ་གཙོས་པའི་མི་རིགས་ཡོངས་ཀྱིས་གྱོན་པ་དང་གཉེན་སྟོན། དུར་མཆོད་སོགས་ཆོས་ལུགས་དང་མ་འབྲེལ་བ་དགོས་པ། ལྷ་ཁང་གི་བཟོ་བཀོད་འཛུགས་བསྐྲུན་དང་མཆོད་གཤམ། སྐུ་འདྲ་སོགས་རྒྱ་ནག་ཅན་དུ་བསྒྱུར་དགོས་ཞེས་ཁྲིམས་གསར་བ་ཞིག་ཕྱི་བསྒྲགས་བྱས་འདུག
ཞི་ཅེན་པིང་གིས་ལྐོག་ཟའི་ཁ་གཡང་འོག་རྒྱ་ནག་གི་དཔོན་རིགས་མང་པོར་ཁྲིམས་བཤེར་བྱེད་བཞིན་པ་ལས། ལོ་སར་སླེབས་ལ་ཡོད་པའི་སྐབས་འདིར་བོད་རང་སྐྱོང་ལྗོངས་དང་མཚོ་སྔོན་ཞིང་ཆེན་གྱི་དམར་ཤོག་དཔོན་རིགས་ཁག་ཅིག་གིས་ལྐོག་བརྔན་བླངས་པ་དང་དམར་ཤོག་ཚོགས་མིའི་སྒྲིག་འགལ་བྱེད་སོང་ཞེས་ཞིབ་བཤེར་བྱེད་བཞིན་ཡོད།
ཚེ་རིང་སྐྱིད་ལགས་ཀྱིས་བོད་ཀྱི་ལོ་རྒྱུས་ཉམས་ཞིབ་པ་དང་རྩོམ་པ་པོ་ཧོར་གཙང་འཇིགས་མེད་ལགས་གདན་འདྲེན་ཞུས་ནས་བཙན་བྱོལ་བའི་བོད་ཀྱི་ལོ་སར་དང་དོན་སྙིང་ཐད་བགྲོ་གླེང་ཞུས་ཡོད།
ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་ཨེ་ཤ་ཡ་ནང་པའི་ཞི་བདེ་ལྷན་ཚོགས་ཀྱི་དྲུང་ཆེ་གཞོན་པ་བསོད་ནམས་དབང་ཕྱུག་ལགས་གདན་འདྲེན་ཞུས་ནས་༧གོང་ས་མཆོག་འཛམ་གླིང་ནང་བའི་དབུ་ཁྲིད་དུ་ངོས་འཛིན་གྱི་སྤྱི་མོས་གྲོས་ཆོད་བཞག་པའི་ཐད་བགྲོ་གླེང་ཞུས་ཡོད།
སྤྱི་ཟླ་༡་ཚེས་༢༣་ཉིན་ལ་ཡོ་རོབ་ཇི་ནཱི་ཝ་རུ་མཉམ་འབྲེལ་རྒྱལ་ཚོགས་ཀྱིས་ལོ་བཞི་རེ་ལ་རྒྱ་ནག་གི་འགྲོ་བ་མིའི་ཐོབ་ཐང་གནས་སྟངས་ལ་བསྐྱར་ཞིབ་ཅིག་འཚོགས་སྲོལ་ཡོད་པ་དེའི་ཐོག་ཏུ་རྒྱལ་ཁབ་ཁག་གིས་རྒྱ་ནག་གི་འགྲོ་བ་མིའི་ཐོབ་ཐང་དང་དེའི་ཐད་ཀྱི་སྲིད་ཇུས་ཁག་ལ་འདྲི་རྩད་དང་ལམ་སྟོན་གནང་ཡོད།
དེ་རིང་གི་དྲ་སྣང་གི་བོད་དུ་བོད་མིས་ཀུ་ཤུ་ཁ་པར་སྤྱད་པར་རྒྱ་མིས་ཁ་རྡུང་བཏང་བ་དང་། ཨ་རིའི་གཞུང་གིས་བོད་ཡིག་ཏུ་བསྒྲགས་གཏམ་སྤེལ་བ། རྒྱ་ནག་ཁྲིམས་ལུགས་འཆད་ཁྲིད་འཛིན་གྲྭ། ཨ་རིའི་སློབ་ཆེན་དུ་ཁེ་ལས་ཟབ་སྦྱོང་ལ་ཞུགས་སྟངས་སོགས་ཡོད།
ཚེ་རིང་སྐྱིད་ལགས་ཀྱིས་བྱང་ཨ་རིའི་བོད་མི་མང་སྤྱི་ཟུར་དང་ཨ་རིའི་ཆབ་སྲིད་ལ་དོ་སྣང་ཅན་ཕྱག་མཛོད་ཚང་པདྨ་ལགས་གདན་འདྲེན་ཞུས་ཏེ་ཨ་རིའི་སྲིད་འཛིན་འོས་མི་ལ་བཞེངས་མཁན་བུད་མེད་ཆབ་སྲིད་པ་ནེ་ཀི་ཧེ་ལི་ཡི་སྐོར་ལ་བགྲོ་གླེང་ཞུ་རྒྱུ་ཡིན།
ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་སུད་སི་བོད་ཀྱི་སྐུ་ཚབ་དོན་གཅོད་འཕྲིན་ལས་ཆོས་སྐྱིད་ལགས་གདན་འདྲེན་ཞུས་ནས་རྒྱ་ནག་ནང་གི་འགྲོ་བ་མིའི་ཐོབ་ཐང་གནས་སྟངས་ལ་བསྐྱར་ཞིབ་བྱས་ཡོད་པའི་ཐད་བགྲོ་གླེང་ཞུ་རྒྱུ།
རྒྱལ་སྤྱིའི་སྲིད་གཞུང་དང་ཚོགས་པ། གསར་ཁང་ཁག་བཅས་ཀྱིས་བོད་དོན་ལ་དོ་སྣང་ཡོང་བར་རྒྱུ་ཆ་མཁོ་སྤྲོད་གནང་མཁན་གལ་ཆེ་ཤོས་ཁོངས་སུ་བཙན་བྱོལ་བོད་ཀྱི་གསར་ཁང་ཁག་དང་གསར་འགོད་པ་ཡོད་ཅེས་བཙན་བྱོལ་དུ་ལོ་ངོ་༢༠་ལྷག་ལ་གསར་འགྱུར་དང་ཞིབ་འཇུག་གི་ཕྱག་ལས་གནང་མཁན་ཞིག་གིས་གསུང་སོང་།
ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་ཨ་རིའི་རླུང་འཕྲིན་ཁང་གི་དྷ་སའི་ལས་ཁུངས་འགན་འཛིན་ཨུ་རྒྱན་བསྟན་འཛིན་ལགས་འཕྲིན་གཏོང་ཁང་དུ་གདན་འདྲེན་ཞུས་ནས་འདི་ག་ཨ་རིའི་རླུང་འཕྲིན་ཁང་གི་དྷ་སའི་ལས་ཁུངས་ངོ་སྤྲོད་དང་བཙན་བྱོལ་བོད་ཀྱི་གསར་འགོད་པའི་དཀའ་གནད་ཐད་བགྲོ་གླེང་ཞུས་ཡོད།།
དེ་རིང་གི་དྲ་སྣང་གི་བོད་དུ་ཡ་ཧོ་ཝཱའི་དཔང་པོའི་གཞུང་ཕྱོགས་དྲྭ་ཚིགས་ངོ་སྤྲོད། སྤྱི་ལོ་གསར་ཚེས་འདིར་བོད་མི་གཉིས་ལ་མྱ་ངན་ཞུས་པ། བསྟན་འཛིན་དཔལ་སྒྲོན་གྱིས་གོ་ལའི་མཛེས་མའི་འགྲན་སྡུར་ནས་ཕྱིར་འཐེན། རྒྱའི་གནོན་ཤུགས་དང་བོད་ཀྱི་མཛངས་མ་དང་། རྒྱལ་སྤྱིའི་ཡུལ་སྐོར་མཛེས་མའི་འགྲན་སྡུར་ནས་ཕྱིར་འཐེན་བྱས་པ་སོགས་ཡོད།
ཀུན་གླེང་ལས་རིམ་དུ་ཚེ་རིང་སྐྱིད་ཀྱིས་སྨོན་ལམ་བརྡ་འཕྲིན་ཞིབ་འཇུག་ཁང་གི་འགན་འཛིན་འབུམ་རམས་པ་དགེ་བཤེས་བློ་བཟང་སྨོན་ལམ་དང་། སྨོན་ལམ་བརྡ་འཕྲིན་ཞིབ་འཇུག་ཁང་གི་སྤྱི་ཁྱབ་འབྲེལ་མཐུད་པ་བསྟན་འཛིན་ནོར་བཟང་གཉིས་དང་མཉམ་དུ་བོད་ཀྱི་མིས་བཟོས་རིག་ནུས་དང་དེའི་འབྱུང་འགྱུར་སྐོར་ལ་བགྲོ་གླེང་ཞུས་ཡོད།
མང་སྣོན།
