བྱང་ཀོ་རི་ཡའི་སྡིགས་སྐུལ་ལ་ཁ་གཏད་གཅག་རྒྱུ་དང་ལྷོ་ཀོ་རི་ཡའི་དམག་འཛུགས་དུས་ཆེན་ལ་སྲུང་བརྩི་ཞུ་ཆེད། ལྷོ་ཀོ་རི་ཡའི་རྒྱལ་ས་སོལ་དུ་འདས་པའི་ལོ་བཅུའི་རིང་ལ་སྤེལ་མྱོང་མེད་པའི་དམག་དཔུང་རུ་སྒྲིག་དང་དྲག་ཆས་ངོམ་སྟོན་གྱི་བྱ་འགུལ་གཞི་རྒྱ་ཆེན་པོ་ཞིག་སྤེལ་ཡོད་པའི་སྐོར་ཚེ་རིང་དབང་མོས་སྙན་སྒྲོན་ཞུས་ཡོད།
རེས་གཟའ་ལྷག་པའི་ཉིན་ལ་སྤྱི་མཐུན་ཚོགས་པའི་སྲིད་འཛིན་འོས་མིའི་རྩོད་བསྡུར་ཐེངས་གཉིས་པ་དེ་བཞིན་སྲུང་འཛིན་རིང་ལུགས་པའི་ལྟ་གྲུབ་འཛིན་མཁན་ཚོའི་མིག་དཔེ་རུ་གྱུར་ཡོད་པའི་ཨ་རིའི་སྲིད་འཛིན་ཟུར་པ་Ronald Reagan དམ་པ་མཆོག་གི་དཔེ་མཛོད་ཁང་དུ་སྤེལ་འཆར་ཡོད་པའི་སྐོར་ཚེ་རིང་དབང་མོས་སྙན་སྒྲོན་ཞུས་ཡོད།
བྷ་ཌན་མཆོག་གིས་གཏམ་བཤད་ཁྲོད་དུ་ཕྱོགས་མང་རིང་ལུགས་སྐོར་ལ་བཀའ་མོལ་མང་པོ་གནང་ཡོད་པ་དེ། དོན་དམ་ལ་ཞི་ཅིན་ཕིང་གིས་བཏོན་པའི་རྒྱུད་གཅིག་ལམ་གཅིག་གི་ལས་གཞི་ལ་བརྡ་ལན་སྤྲོད་སྟངས་ཤིག་ཆགས་ཡོད་སྟབས། ཨ་རྒྱ་གཉིས་ཀྱི་དབར་ཕྱོགས་མང་རིང་ལུགས་ཐད་ཀྱི་འགྲན་རྩོད་གསར་པ་ཞིག་འགོ་ཚུགས་ཡོད་པ་རེད་ཅེས་འགྲེལ་བརྗོད་བྱེད་བཞིན་འདུག།
ཡུ་རོབ་ཤར་ཕྱོགས་ཀྱི་རྒྱལ་ཁབ་འགའ་ཤས་ཀྱིས་ཡུག་ཀེ་རན་གྱི་ཟས་རིགས་ནང་འདྲེན་བཀག་སྡོམ་བྱས་པའི་རྗེས་སུ། ཡུག་ཀེ་རན་གྱིས་དེ་དོན་ཐད་འཛམ་གླིང་ཚོང་དོན་རྩ་འཛུགས་ལ་ཞུ་གཏུགས་བྱས་ཡོད་པ་དང་། དེས་ད་ལྟ་ཡུ་རོབ་མནའ་འབྲེལ་ནང་ཁུལ་གྱི་འགལ་ཟླ་ཆེ་རུ་འགྲོ་བཞིན་ཡོད་པ་མཚོན་ཡོད་པའི་སྐོར་ཚེ་རིང་དབང་མོ་ལགས་ཀྱིས་སྙན་སྒྲོན་ཞུས་ཡོད།
ཨ་རིའི་གྲོས་ཚོགས་འོག་མའི་དམག་དོན་ལྷན་ཚོགས་ཀྱིས་པེ་ཅིང་གིས་ཐེ་ཝན་ལ་དམག་གི་སྡིགས་སྐུལ་བྱེད་བཞིན་པའི་ཐད་བྷ་ཌན་འཛིན་སྐྱོང་གིས་གདོང་ལེན་ག་འདྲ་བྱེད་བཞིན་ཡོད་པའི་སྐོར་ལ་ཉན་ཞིབ་ཚོགས་འདུ་ཞིག་སྐོང་འཚོགས་གནང་ཡོད་པ་དང་། ཚོགས་འདུ་དེ་མ་འཚོག་གོང་ཙམ་ལ་རྒྱ་ནག་གིས་ཐེ་ཝན་ཕྱོགས་སུ་དམག་གི་གནམ་གྲུ་༡༠༣ མངགས་གཏོང་བྱས་ཡོད།
རེས་གཟའ་པ་སངས་ཉིན་ལ་འཇར་མན་གྱི་ཕྱི་སྲིད་བློན་ཆེན་ལྕམ་Annalena Baerbock ལགས་ཨ་རིའི་རྒྱལ་ས་ཝ་ཤིང་ཊོན་དུ་ཕེབས་ནས་ཨ་རིའི་ཕྱི་སྲིད་དྲུང་ཆེ་ཨན་ཐོ་ནེ བྷི་ལིན་ཁེན་མཆོག་དང་ལྷན་དུ་ཡུག་ཀེ་རན་ལ་རྒྱང་འཕེན་འཕུར་མདེལ་མཁོ་སྤྲོད་བྱེད་ཕྱོགས་སྐོར་ལ་གླེང་སློང་གནང་ཡོད་པའི་སྐོར་ཚེ་རིང་དབང་མོས་སྙན་སྒྲོན་ཞུས་ཡོད།
ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་ཨ་རིའི་ནང་དགུ་བའི་༡༡ དོན་རྐྱེན་དུས་དྲན་སྲུང་བརྩི་དང་། འཛམ་གླིང་དཀྱིལ་ཤར་ས་ཁུལ་གྱི་ཞི་བདེའི་ཆེད་ཀྱི་ཨོ་སོ་ལོ་གྲོས་མཐུན་དྲན་གསོ། ལྷོ་ཀོ་རི་ཡ་དང་ཨུ་རུ་སུའི་འགོ་ཁྲིད་གཉིས་མཇལ་འཕྲད། མོ་རོ་ཀོ་ས་ཡོམ་དང་རོགས་སྐྱོར། ཡེ་མཱན་གྱི་ཆུ་ལོག་གནོད་འཚེ་སོགས་ཡོད།
དེ་རིང་རེས་གཟའ་ལྷག་པའི་ཉིན་ཨུ་རུ་སུའི་སྲིད་འཛིན་ཕུ་ཊིན་དང་བྱང་ཀོ་རི་ཡའི་འགོ་ཁྲིད་ཀིམ་ཇོང་ཨུན་གཉིས་ཐུག་འཕྲད་གྲོས་མོལ་བྱས་ཡོད་པ་དང་། ཨ་མི་རི་ཀ་དང་ལྷོ་ཀོ་རི་ཡ་གཉིས་ཀྱིས་ཀིམ་ཇོང་ཨུན་གྱིས་ཕུ་ཏིན་ལ་གོ་མཚོན་མཁོ་སྤྲོད་བྱ་མི་ཆོག་པའི་སྐོར་ལ་བསྐྱར་དུ་ཉེས་བརྡ་བཏང་འདུག
ཨ་རིའི་ནང་འཇིགས་སྐུལ་རིང་ལུགས་པའི་གཏོར་རྒོལ་དོན་རྐྱེན་བྱུང་ནས་མི་ལོ་༢༢ ཕྱིན་པ་དང་། ད་ལོའི་༩།༡༡ རྗེས་དྲན་ཉིན་མོར་ཨ་རི་བ་ཚོས་དོན་རྐྱེན་དེའི་ཁྲོད་འདས་གྲོངས་ཕྱིན་པའི་མི་༣༠༠༠ མ་ཟིན་ཙམ་ལ་མྱ་ངན་གུས་འདུད་ཞུས། སྲིད་འཛིན་བྷ་ཌན་གྱིས་འཇིགས་སྐུལ་རིང་ལུགས་པའི་བྱ་སྤྱོད་ཡོད་ཚད་འགོག་རྒོལ་ནན་མོ་བྱ་རྒྱུའི་དམ་བཅའ་བཞག
དབྱིན་སྐད་དུ་G20 ཞེས་པའི་འབྱོར་ལྡན་རྒྱལ་ཁབ་ཉི་ཤུའི་ལྷན་ཚོགས་ནི་༡༩༩༩ ལོར་གསར་འཛུགས་གནང་སྟེ། འཛམ་གླིང་ཐོག་དཔལ་འབྱོར་གྱི་སྟོབས་ཤུགས་ཆེ་ཤོས་གྲས་ཡིན་པའི་རྒྱལ་ཁབ་ཉི་ཤུའི་དབུ་ཁྲིད་ཚོའི་བར་དངོས་གཞི་མིན་པའི་ལྷན་ཚོགས་ཤིག་རེད། རྒྱ་གར་དུ་སྐོང་འཚོག་གནང་རྒྱུའི་ལྷན་ཚོགས་དེའི་ལོ་རྒྱུས་མདོར་བསྡུས་ཤིག་ངོ་སྤྲོད་ཞུ།
ཨ་མེ་རི་ཁའི་སྲིད་འཛིན་གཞོན་པ་ལྕམ་ཀ་མ་ལ་ཧ་རི་སི་མཆོག་ཨི་རྡུལ་ནི་ཞི་ཡའི་རྒྱལ་ས་ཇཱ་ཁ་ཊ་ལ་སྐོང་འཚོགས་བྱས་ཡོད་པའི་ལྷོ་ཤར་ཨེ་ཤེ་ཡའི་ལྷན་ཚོགས་ཐོག་ལ་གཏམ་བཤད་གནང་ཡོད་པ་དང་། ལྷན་ཚོགས་ཐོག་ལ་འབར་མའི་རྒྱལ་དར་བསྒྲེངས་ཡོད་པའི་ཞབས་བཀྱག་སྟོང་པ་ཞིག་བསྒྲིགས་ཡོད་པ་སོགས་ཀྱི་སྐོར་ཚེ་རིང་དབང་མོས་སྙན་སྒྲོན་ཞུས་ཡོད།
རྒྱ་ནག་གཞུང་འབྲེལ་གསར་ཁང་གོ་ལའི་དུས་བབ་ཀྱིས་དབྱིན་ཇིའི་འགྲེམ་སྟོན་ཁང་དུ་ཡོད་པའི་རྒྱ་ནག་གོང་མའི་དུས་སྐབས་ཀྱི་རིག་དངོས་རྣམས་ཕྱིར་རྒྱ་ནག་ལ་རྩིས་སྤྲོད་བྱ་དགོས་ཡོད་ཅེས་པའི་དཔྱད་རྩོམ་ཞིག་སྤེལ་ཏེ། རྒྱ་ནག་གི་སྤྱི་ཚོགས་དྲ་རྒྱའི་ཐོག་ཏུ་རྒྱ་མི་མང་པོ་ཞིག་མི་རིགས་རིང་ལུགས་ཀྱི་ཚོར་ཤུགས་འཕར་ཡོད་པའི་སྐོར།
༢༠༢༣ ལོའི་རྒྱལ་ཁབ་ཉི་ཤུའི་ལྷན་ཚོཊ་དེ་བཞིན་སྤྱི་ཟླ་༩ པའི་ཚེས་༩ ཉིན་ནས་ཉིན་གཉིས་རིང་ལ་རྒྱ་གར་གྱི་རྒྱལ་ས་རྡི་ལིར་སྐོང་འཚོཊ་གནང་འཆར་ཡོད་ཅིང་། རྒྱ་གར་ཕྱོཊ་ནས་ཚོཊ་འཐུས་རྒྱལ་ཁབ་ཀྱི་དབུ་ཁྲིད་ཁག་ལ་སྣེ་ལེན་དང་བདེ་སྲུང་གི་ལས་དོན་ཁག་ལ་གྲ་སྒྲིག་ཨང་གསར་སྦེ་ལེན་བྱེད་བཞིན་པའི་སྐོར་ཚེ་རིང་དབང་མོས་སྙན་སྒྲོན་ཞུས་ཡོད།
ཀུན་གླེང་ལས་རིམ་དུ་ཚེ་རིང་དབང་མོ་ལགས་ཀྱིས་བོད་ཀྱི་སྲིད་ཇུས་ཉམས་ཞིབ་ཁང་གི་འགན་འཛིན་སྐུ་ངོ་ཟླ་བ་ཚེ་རིང་ལགས་ལ་རྒྱ་ནག་དམར་ཤོག་གཞུང་གིས་བོད་པའི་རིག་དངོས་ག་ཚོད་ཙམ་རྐུ་ཁྱེར་དང་གཏོར་བརླག་བཏང་ཡོད་པ་སོགས་ཀྱི་ཐད་བགྲོ་གླེང་ཞུས་ཡོད།
ཀུན་གླེང་ལས་རིམ་དུ་ཚེ་རིང་དབང་མོ་ལགས་ཀྱིས་བོད་ཀྱི་སྲིད་ཇུས་ཉམས་ཞིབ་ཁང་གི་ཉམས་ཞིབ་པ་བསྟན་འཛིན་ཕན་ཐོགས་ལགས་ལ་ཕྱི་ཟླ་དགུ་བའི་ཚེས་༡ ནས་ལག་བསྟར་བྱས་པའི་རྒྱ་ནག་གི་ཆོས་ལུགས་བྱེད་སྒོ་སྤེལ་ཡུལ་ལ་དོ་དམ་བྱེད་ཐབས་ཞེས་པའི་སྒྲིག་སྲོལ་གསར་པ་དེའི་ཐད་བགྲོ་གླེང་ཞུས་ཡོད།
རྒྱ་ནག་དམར་ཤོག་གཞུང་གིས་རྒྱལ་མཚམས་བརྒལ་ནས་འཇིགས་སྐུལ་དང་དྲག་གནོན་བྱེད་པའི་སྲིད་ཇུས་ལག་བསྟར་འོག རང་དབང་ལུང་པའི་ནང་བཙན་བྱོལ་དུ་འབྱོར་ཟིན་པའི་ཁ་ཆེ་ཡུ་གུར་བ་ཚོར་བདེ་འཇགས་ཐད་ནས་བློ་འཚབ་ཡོང་འཇུག་གི་ཡོད་ཅིང་།
ཨ་རིའི་ལྷོ་ཕྱོགས་མངའ་སྡེ་ཧྥུ་ལོ་རི་ཌའི་ནང་མཚོ་རླུང་དྲག་པོ་བྱུང་བ། ལྷོ་ཨ་ཧྥེ་རི་ཀའི་གླིང་ཆེན་ནང་གི་ཇོན་ཧན་ནཱ་གྲོང་ཁྱེར་དུ་ཐོག་ཁང་ཞིག་ལ་མེ་སྐྱོན། བྱང་ཀོ་རི་ཡས་ལྷོ་ཀོ་རི་ཡ་བཙན་བཟུང་བྱ་རྒྱུར་དམིགས་པའི་དམག་སྦྱོང་གཞི་རྒྱ་ཆེན་པོ་ཞིག་སྤེལ་འཆར།
གླེང་གསར་འགྱུར། ༢༠༢༣ ཟླ་༩ ཚེས་༡ ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་བོད་མིའི་སྒྲིག་འཛུགས་ཀྱི་རོགས་ཚོགས་ཚོགས་ཆེན་དབུ་འཛུགས་དང་། ཨུ་རུ་སུའི་དམག་དཔུང་གི་གནས་སྟངས། ཏུར་ཀི་དང་གྷི་རིག་གི་འབྲེལ་ལམ། ཨོ་སི་ཏྲོ་ལི་ཡའི་གདོད་མའི་མི་རིགས། སྲིད་འཛིན་གཞོན་པའི་ཨེ་ཤི་ཡའི་ཕྱོགས་སྐྱོད་སོགས་ཡོད།
ཨ་རིའི་སྲིད་འཛིན་གཞོན་པ་ལྕམ་ཧ་རེ་སི་མཆོག་བདུན་ཕྲག་རྗེས་མར་ལྷོ་ཤར་ཨེ་ཤེ་ཡའི་མནའ་འབྲེལ་རྒྱལ་ཁབ་ཚོའི་ལྷན་ཚོགས་སུ་མཉམ་བཞུགས་ཀྱིས་འབར་མའི་ཉམས་ཉེན་དང་ལྷོ་རྒྱ་ནག་རྒྱ་མཚོའི་རྩོད་རྙོག དེ་བཞིན་ཨུ་རུ་སུ་དང་ཡུག་ཀེ་རན་དབར་གྱི་དམག་འཁྲུག་སོཊ་ཀྱི་སྐོར་ལ་བཀའ་མོལ་གནང་འཆར་ཡོད་པའི་སྐོར་ཚེ་རིང་དབང་མོས་སྙན་སྒྲོན་ཞུས་ཡོད།
ཨུ་རུ་སུའི་དམག་དཔུང་ནི་འཛམ་གླིང་ཐོག་དམག་ཤུཊ་ཆེ་ཤོས་ཨང་ལྔ་པ་ཡིན་པར་གྲགས་ཀྱང་། ད་ཕན་ལོ་གཅིག་དང་ཕྱེད་ཀའི་རིང་ཡུག་ཀེ་རན་ལ་བཙན་འཛུལ་བྱས་པའི་དམིཊ་ཡུལ་འགྲུབ་ཐུབ་མེད་པས། དོན་དམ་ལ་ཨུ་རུ་སུའི་དམག་དཔུང་ལ་སྟོབས་ཤུཊ་ག་ཚོད་ཡོད་མེད་སྐོར་འབྲེལ་ཡོད་ཆེད་མཁས་པས་དབྱེ་ཞིབ་བྱས་པ་ཞིག་ཚེ་རིང་དབང་མོས་ཕྱོགས་བསྒྲིཊ་ཞུས་ཡོད།
མང་སྣོན།
