ཚེ་རིང་དབང་མོ།

གྲོས་ཚོགས་གོང་མའི་ནང་གློག་ལམ་ཉིང་འདུས་སྐོར་གྱི་ཁྲིམས་གཞིར་མང་མོས་གྲོས་འཆམ་བྱུང་།

གཟའ་ལྷག་པའི་ཉིན་ཨ་རིའི་གྲོས་ཚོགས་གོང་མར་ཨ་སྒོར་ཐེར་འབུམ་༢༨༠ ཡི་གློག་ལམ་ཉིང་འདུས་སྐོར་གྱི་ཁྲིམས་གཞི་ཞིག་ལ་གྲོས་འཆམ་བྱུང་ཡོད། སྲིད་དོན་ཚོགས་པ་གཉིས་ཀའི་འཐུས་མི་ཚོས་ཁྲིམས་གཞི་དེ་ནི་རྒྱ་ནག་གི་འགྲན་རྩོད་ལ་ཁ་གཏད་བཅག་ཕྱོགས་ཐད་གལ་ཆེ་ཞིག་ལ་ངོས་འཛིན་གནང་གི་ཡོད་པའི་སྐོར། ཚེ་རིང་དབང་མོས་སྙན་སྒྲོན་ཞུ་ཡི་རེད།།

ལྷོ་རྒྱ་ནག་རྒྱ་མཚོ་ཁུལ་དུ་རྒྱ་ནག་གི་འགན་མ་ཁུར་བའི་བྱེད་སྟངས་ལ་མཇུག་འབྲས་ཚབས་ཆེན་འབྱུང་སྲིད་པ།  

ཕྱི་ཟླ་༧ ཚེས་༢༦ ཉིན། ཨ་རིའི་རྒྱལ་སྲུང་ལས་ཁུངས་ཀྱི་ཧིན་རྡུ་ཞི་བདེ་རྒྱ་མཚོའི་ལས་དོན་སྡེ་ཚན་གྱི་འགན་འཛིན་ཨེ་ལི་རཱེ་ཐི་ན་ལགས་ཀྱིས། རྒྱ་ནག་གིས་ལྷོ་རྒྱ་ནག་རྒྱ་མཚོའི་ཁུལ་དུ་བཙན་དབང་བརྙས་བཅོས་དང་འགན་ཁུར་མེད་པའི་བྱེད་སྟངས་དེ་ཚོས་སྔ་ཕྱི་ཙམ་མ་གཏོགས་དོན་རྐྱེན་ཆེན་པོ་དང་ཆག་སྒོ་ཆེན་པོ་བསླང་ངེས་ཡིན་པར་བརྗོད་འདུག

རྒྱ་ནག་རྒྱལ་ཡོངས་སུ་ཁང་བུན་སྤྲོད་མཚམས་བཞག་པའི་དོན་རྐྱེན་འབྱུང་བཞིན་པ། 

རྒྱ་ནག་ནང་ས་ཁང་ཁེ་ལས་པ་ཚོས་མི་དམངས་ཀྱི་ལག་ནས་ཁང་པའི་གཏའ་མ་བླངས་རྗེས། ཁང་པ་བརྒྱབ་འཕྲོ་བཞག་པའི་སྣང་ཚུལ་དེ་ནི་དུས་ཡུན་རིང་པོར་གནས་ཡོད་པ་ཞིག་ཡིན། དེ་སྔོན་པེ་ཅིང་གནམ་བདེ་སྒོ་མོ་ཆེའི་ཐང་ཆེན་དང་སྤྱི་ལེ་གཉིས་ཀྱི་བར་ཐག་ལས་མེད་པའི་ཀྲུང་ཤིན་གོ་ཨན་ཧྥུ་ཞེས་པའི་ཁང་པ་དེ། ལོ་༣༠ཙམ་གྱི་རིང་ལ་བརྒྱབ་ཚར་མེད་པར་ལུས་ཡོད།

ཨ་རིས་ཐེ་ཝན་དང་འབྲེལ་ལམ་འཛིན་ཕྱོགས་ཀྱི་ཁྲིམས་ལུགས་ལ་བསྐྱར་ཞིབ་བྱ་རྒྱུ།

ཨ་རིའི་གྲོས་ཚོགས་ཚོགས་གཙོ་ཐེ་ཝན་དུ་ཕེབས་རྒྱུ།

ཨ་རྒྱ་གཉིས་ཀྱི་འབྲེལ་ལམ་ཛ་དྲག་ཆགས་ཡོད་པའི་གནས་སྟངས་འོག ཨ་མི་རི་ཀའི་གྲོས་ཚོགས་འོག་མའི་ཚོགས་གཙོ་ལྕམ་ནན་སེ་ ཕེ་ལོ་སི་ལགས་རིང་མིན་སྤྱི་ཟླ་བརྒྱད་པའི་ནང་ཐེ་ཝན་དུ་ཕེབས་འཆར་ཡོད་པའི་སྐོར། ཚེ་རིང་དབང་མོས་སྙན་སྒྲོན་ཞུ་ཡི་རེད།།

སིངྒ་ལའི་སྲིད་འཛིན་གསར་པ་འོས་འདེམས་བྱུང་།

སིངྒ་ལའི་ནང་མི་མང་གིས་ངོ་རྒོལ་ཤུགས་ཆེ་བྱས་པའི་རྗེས། དེ་རིང་གཟའ་ལྷག་པའི་ཉིན་གྲོས་ཚོགས་ཀྱིས་ཡུལ་འདིའི་ནང་སྲིད་བློན་ཐེངས་དྲུག་གནང་མྱོང་མཁན་སྐུ་ཞབས་ར་ནིལ་ ཝིཀ་ར་མ་ནི་སིངྒ་ལའི་སྲིད་འཛིན་གསར་པར་འོས་འདེམས་གནང་ཡོད་པའི་སྐོར། ཚེ་རིང་དབང་མོ་ལགས་ཀྱིས་རྒྱབ་ལྗོངས་ཀྱི་གནས་ཚུལ་ངོ་སྤྲོད་གནང་ཡོད།།

བདུན་ཕྲག་འདིའི་ནང་ཞི་ཅིང་ཕིང་ཤིན་ཅང་དུ་འབྱོར་བ།

རྒྱ་ནག་དམར་ཤོག་འགོ་ཁྲིད་ཞི་ཅིང་ཕིང་གཟའ་འཁོར་འདིའི་ནང་ཤིན་ཅང་ནང་རྟོག་ཞིབ་ཏུ་འབྱོར་ཡོད་པ་དང་། དེ་ནི་འདས་པའི་ལོ་ངོ་བརྒྱད་རིང་ལ་ཞི་ཅིང་ཕིང་ཤིན་ཅང་དུ་འབྱོར་བ་ཐེངས་དང་པོ་དེ་ཆགས་འདུག

སྲིད་འཛིན་བྷ་ཌན་མཆོག་དཀྱིལ་ཤར་ཁུལ་དུ་ཕེབས་འབྱོར་དང་མི་ཚོའི་རེ་འབོད།

སྲིད་འཛིན་བྷ་ཌན་གྱིས་དཀྱིལ་ཤར་ས་ཁུལ་དུ་འཚམས་གཟིགས་གནང་སྐབས་འགྲོ་བ་མིའི་ཐོབ་ཐང་ཚོགས་པ་ཁག་གིས་པ་ལི་སི་ཐན་གྱི་རིགས་རྒྱུད་ཡིན་པའི་ཨ་རིའི་གསར་འགོད་པ་ Shireen Abu Aklehདང་། ཝ་ཤིང་ཊོན་ཡིག་ཟམ་གྱི་རྩོམ་པ་པོ་ Jamal Khashoggiགཉིས་དམར་གསོད་བཏང་བའི་གནད་དོན་དེ་ཡང་ཐག་གཅོད་བྱེད་དགོས་པའི་འབོད་སྐུལ་གནང་བཞིན་ཡོད།

སིངྒ་ལའི་སྲིད་འཛིན་གྱིས་དགོངས་པ་ཞུས་སྐད།

སིངྒ་ལའི་སྲིད་འཛིན་Gotabaya Rajapaksa ནི་རེས་གཟའ་ལྷག་པའི་ཉིན་གྱི་སྔ་དྲོ་ཙམ་ལ་ཕོ་བྲང་ནས་ཕྱིར་ཉེན་ཡོལ་དུ་ཕེབས་ཏེ་སིང་ག་ཕོར་ནང་སླེབས་ཡོད་ཅིང་། སྲིད་འཛིན་ཁོང་གིས་དེ་ག་ནས་སིངྒ་ལའི་གྲོས་ཚོགས་ལ་རྩ་དགོངས་ཞུ་ཡིག་ཕུལ་ཡོད་པ་སོགས་ཀྱི་སྐོར་ཚེ་རིང་དབང་མོས་སྙན་སྒྲོན་ཞུ་ཡི་རེད།།

འཛམ་གླིང་མི་འབོར་ཐེར་འབུམ་༨ ལས་བརྒལ་རྒྱུ་དང་རྒྱ་གར་ནི་མི་འབོར་མང་ཤོས་ཀྱི་རྒྱལ་ཁབ་ཆགས་རྒྱུ། 

ཚོགས་ཆེན་ཉི་ཤུའི་སྔོན་ཚུད་དུ་རྒྱ་ནག་དཔོན་རིགས་ཚོས་ཞི་ཅིང་ཕིང་མི་སྒེར་ལ་དད་གུས་བྱེད་པའི་རྒྱུ་མཚན། 

G20 ཡི་ཕྱི་སྲིད་བློན་ཆེན་ཚོགས་ཆེན་སྟེང་ཨུ་རུ་སུ་ལ་སྐྱོན་བརྗོད།

དེ་རིང་གཟའ་པ་སངས་ཉིན་ཨིན་རྡུ་ནེ་ཤེ་ཡའི་Bali གླིང་ཕྲན་ཐོག་འཚོག་བཞིན་པའི་G20 ཞེས་པའི་ལྷན་ཚོགས་ཐོག་ཏུ་ཨུ་རུ་སུས་ཡུག་ཀེ་རན་ལ་དམག་གི་བཙན་འཛུལ་བྱེད་པའི་གནས་སྟངས་སྐོར་ལ་དོ་སྣང་ཤུགས་ཆེ་སླེབས་གི་ཡོད་པ་དང་། ཨ་རི་དང་རྒྱ་ནག ཨུ་རུ་སུའི་ཕྱི་སྲིད་བློན་ཆེན་ཚུད་པའི་རྒྱལ་ཁབ་ཁག་གི་ཕྱི་འབྲེལ་ལས་སྣེ་ཚོ་མཉམ་ཞུགས་བྱས་ཡོད།

ཏུར་ཀི་ལ་ཨུ་རུ་སུའི་་དཔལ་འབྱོར་ཉེས་ཆད་ཐད་གནད་དོན་མང་པོ་འཕྲད་བཞིན་པ།

རེས་གཟའ་ཉི་མའི་ཉིན་ཏུར་ཀིའི་ཕྱོགས་ནས་ཨུ་རུ་སུའི་དངོས་ཟོག་སྐྱེལ་འདྲེན་བྱེད་སའི་གྲུ་གཟིངས་ཤིག་གིས་ཡུག་ཀེ་རན་གྱི་འབྲུ་རིགས་རྐུ་ཁྱེར་བྱས་ཡོད་པའི་དོགས་གཞི་འོག་བཀག་ཉར་བྱས་ཏེ། ད་ལྟ་ཡུག་ཀེ་རན་དང་ཏུར་ཀི་རྒྱལ་ཁབ་གཉིས་ནས་དོན་རྐྱེན་དེ་ལ་ཞིབ་བཤེར་བྱེད་བཞིན་ཡོད་པའི་སྐོར། ཚེ་རིང་དབང་མོས་སྙན་སྒྲོན་ཞུ་ཡི་རེད།།

ཨུ་རུ་སུའི་བུ་ལོན་ཉམས་ཉེན་དང་དེའི་ཤུགས་རྐྱེན།

སྤྱི་ཟླ་༦ པའི་ཚེས་༢༧ ཉིན་ཨུ་རུ་སུ་ལ་དུས་རབས་མང་པོའི་རིང་ལ་བྱུང་མྱོང་མེད་པའི་བུ་ལོན་ཉམས་ཉེས་ཐོག་མ་དེ་བྱུང་། ད་ལྟ་ཨུ་རུ་སུའི་སྲིད་གཞུང་གིས་ཉམས་ཉེས་དེ་ལྡོག་ཐབས་སུ་ཡུག་ཀེ་རན་གྱི་དམག་འཁྲུག་རྐྱེན་ཨུ་རུ་སུའི་ནང་ཚོང་ཟོག་གི་རིན་གོང་འཕར་བ་དང་དང་ཚོང་ཟོག་མཁོ་སྤྲོད་མི་འདང་བའི་དཀའ་ངལ་སེལ་ཐབས་བྱེད་ཀྱིན་ཡོད།

ནད་དུག་གཙང་སེལ་གྱི་སྲིད་ཇུས་ཀྱིས་ཞི་ཅིང་ཕིང་གི་གོ་གནས་ལ་ཤུགས་རྐྱེན་ཐེབས་ཐུབ་མིན། 

ཧོང་ཀོང་རྩིས་ལེན་བྱས་ནས་ལོ་༢༥ འཁོར་བའི་དུས་དྲན་སྲུང་བརྩི།

དེ་རིང་སྤྱི་ཟླ་བདུན་པའི་ཚེས་གཅིག་ཏེ་ཧོང་ཀོང་དེ་བཞིན་རྒྱ་ནག་ལ་རྩིས་སྤྲོད་བྱས་ཏེ་མི་ལོ་༢༥ འཁོར་བའི་དུས་དྲན་གྱི་དབུ་འབྱེད་མཛད་སྒོ་དང་སྐབས་༦ པའི་ཧོང་ཀོང་སྤྱི་ཁྱབ་གསར་པའི་དམ་འབུལ་མཛད་སྒོའི་ཐོག་ཏུ་རྒྱ་ནག་གི་སྲིད་འཛིན་ཞི་ཅིན་ཕིང་མཉམ་ཞུགས་བྱས་ཡོད་པའི་སྐོར། ཚེ་རིང་དབང་མོས་ཕབ་སྒྱུར་དང་སྙན་སྒྲོན་ཞུ་ཡི་རེད།།

རྒྱ་ནག་གིས་ཞིན་ཅང་དུ་བསགས་བའི་ནག་ཉེས་འགེབ་ཐབས་བྱེད་བཞིན་པ།

མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལས་དོན་ལྷན་ཚོགས་ཀྱི་འགན་འཛིན་ལྕམ་མི་ཤཱེལ་ བྷེ་ཆི་ལེ་ལགས་ནས་ཁོ་རང་ད་ལོའི་སྤྱི་ཟླ་བརྒྱད་པའི་ཚེས་༣༡ ཉིན་ལ་ལས་གནས་ནས་རྩ་དགོངས་ཞུ་རྒྱུ་ཡིན་པར་གསུངས་འདུག ཟླ་བ་སྔོན་མར་ཁོ་མོ་རྒྱ་ནག་ལ་གཟིགས་སྐོར་ཕེབས་བའི་ཐད་རྩོད་གླེང་བྱུང་བ་ནི་རྒྱུ་རྐྱེན་གཙོ་བོ་ཞིག་ཡིན་པ་འདྲ་འདུག

ལོ་རྒྱུས་ཐོག་ཨ་རིའི་ཆེས་མཐོའི་ཁྲིམས་ཁང་གི་ཐག་གཅོད་གལ་ཆེ་ཁག་དང་དེའི་ཤུགས་རྐྱེན།

ཨ་མེ་རི་ཁའི་ཆེས་མཐོའི་ཁྲིམས་ཁང་གསར་འཛུགས་གནང་ནས་ད་བར་གྱོད་དོན་ཁྲི་ཕྲག་མང་པོའི་སྐོར་ལ་ཞིབ་བཤེར་དང་ཐག་གཅོད་གནང་ཡོད་ཅིང་། ལྷག་པར་དུ་ཨ་མེ་རི་ཁའི་རྒྱལ་ཁབ་ཀྱི་ཁྲིམས་ལུགས་སྒྲིག་གཞི་གཏན་འབེབས་གནང་སྟེ་ཨ་རིའི་སྤྱི་ཚོགས་ཀྱི་ཕྱོགས་མང་པོ་ཞིག་ལ་ཤུགས་རྐྱེན་ཐེབས་ཡོད་པ་རེད།

སྲིད་འཛིན་བྷ་ཌན་ཡུ་རོབ་ཀྱི་ལྷན་ཚོགས་གཉིས་ལ་ཕེབས་འཆར།

སྲིད་འཛིན་བྷ་ཌན་མཆོག་ཡུ་རོབ་ནང་གི་ལྷན་ཚོགས་ཆེན་པོ་གཉིས་ཏེ་འབྱོར་ལྡན་རྒྱལ་ཁབ་བདུན་གྱི་ལྷན་ཚོགས་དང་ནུབ་ཆིངས་དམག་དོན་སྒྲིག་འཛུགས་ཀྱི་ལྷན་ཚོགས་ཐོག་ཏུ་ཕེབས་ནས་ཨུ་རུ་སུས་ཡུག་ཁེ་རན་ལ་བཙན་འཛུལ་བྱེད་བཞིན་པའི་གནས་སྟངས་དང་། དེ་བཞིན་རྒྱ་ནག་གི་ཤུགས་རྐྱེན་ལ་གདོང་ལེན་བྱེད་ཕྱོགས་སོགས་ཀྱི་ཐོག་བགྲོ་གླེང་གནང་འཆར་ཡོད།།

ཡུ་རོབ་མནའ་འབྲེལ་གྱི་འགོ་ཁྲིད་ཚོགས་འདུས་ཡུག་ཀེ་རན་བགྲོ་གླེང་།

གཟའ་འཁོར་འདིའི་ནང་ཡུ་རོབ་མནའ་འབྲེལ་གྱི་མཐོ་རིམ་དཔོན་པོ་༢༧དང་། གཞན་Moldova་དང་Georgiaགི་འབྲེལ་ཡོད་དཔོན་རིགས་ཚོས་Brussels་ས་གནས་ལ་འདུ་འཛོམས་ཀྱིས་ཡུག་ཁེ་རན་རྒྱལ་ཁབ་དེ་བཞིན་ཡུ་རོབ་མནའ་འབྲེལ་གྱི་ཁོངས་གཏོགས་སུ་འཛུལ་བཞུགས་བྱ་རྒྱུའི་ཐད་ཚོགས་འདུ་འཚོགས་ཡོད།