ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་ཨི་སི་རལ་དང་ཧ་མ་སི་ཡིས་ཉིན་བཞིར་དམག་མཚམས་འཇོག་རྒྱུའི་མོས་མཐུན་བྱས་པ་དང་། རྒྱལ་སྲུང་དྲུང་ཆེས་ཡུག་ཀེ་རན་ལ་འཚམས་གཟིགས། ༧གོང་ས་མཆོག་ཡུ་རོབ་གྲོས་ཚོགས་ཀྱི་ཚོགས་གཙོ་ཟུར་པར་མཇལ་འཕྲད། ཐེ་ཝན་གྱི་འོས་བསྡུ་སོགས་ཡོད།
ཉེ་ཆར་གསར་ཤོག་གནས་ཚུལ་ཞིག་གི་ནང་གྷ་ཛ་ས་ཁུལ་དུ་བཀག་ཉར་བྱས་པའི་མི་གཏའ་འགའ་ཞིག་གློད་གྲོལ་གཏོང་རྒྱུར་ཨི་སི་རལ་དང་ཧ་མ་སི་དབར་གྲོས་མཐུན་ཞིག་འབྱུང་སྲིད་པའི་སྐོར་འཁོད་ཡོད། འོན་ཀྱང་ཨ་རི་དང་ཨི་སི་རལ་གྱི་གཞུང་འབྲེལ་མི་སྣས་དེ་འདྲའི་གྲོས་མཐུན་ཞིག་གི་ཐད་མཐའ་མའི་ཐག་གཅོད་བྱུང་ཡོད་མ་རེད་ཅེས་གསུངས་ཡོད།
ཁ་ཆེའི་མི་འབོར་ཆེ་ཤོས་རྒྱལ་ཁབ་ཨིན་རྡུ་ནེ་ཤི་ཡའི་སྲིད་འཛིན་ནི་རེས་གཟའ་ཟླ་བའི་ཉིན་ཕོ་བྲང་དཀར་པོ་རུ་སྲིད་འཛིན་བྷ་ཌན་ལ་མཇལ་འཕྲད་གནང་སྟེ། ཉེ་ཆར་ཁ་ཆེའི་རྒྱལ་ཁབ་༥༧ གྱིས་གྷ་ཛའི་ནང་མེ་འཕེན་མཚམས་འཇོག་འཕྲལ་དུ་བྱེད་རྒྱུར་རེ་སྐུལ་ཞིག་བྱས་པ་དེ་སྲིད་འཛིན་བྷ་ཌན་ལ་སྙན་སེང་གནང་ཡོད་པའི་སྐོར་ནོར་བུ་བསམ་འཕེལ་གྱིས་བསྒྱུར།
དེ་རིང་གི་གསར་འགྱུར་ནང་ཨེ་ཤི་ཡ་དང་ཞི་བདེ་རྒྱ་མཚོའི་ཁུལ་གྱི་དཔལ་འབྱོར་མཉམ་འབྲེལ་ཚོགས་ཆེན་དང་ངོ་རྒོལ་སྐད་འབོད་ཀྱི་ལས་འགུལ། ཁ་ཆེའི་རྒྱལ་ཁབ་མང་པོས་གྷ་ཛའི་ནང་གི་མེ་འཕེན་མཚམས་འཇོག་དགོས་པའི་འབོད་སྐུལ། བོད་དོན་ཞུ་གཏུག་ལས་འགུལ་གྱི་ཟབ་སྦྱོང་། དབྱིན་ཇིའི་སྲིད་བློན་ཟུར་པ་ཞིག་ཕྱི་སྲིད་དྲུང་ཆེ་ཆགས་པ་སོགས་ཡོད།
ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་༸གོང་ས་མཆོག་གིས་ས་གནས་འགོ་འཛིན་རྣམས་ལ་མཇལ་ཁ་དང་བཀའ་སློབ། བལ་ཡུལ་ལ་ས་ཡོམ་རྐྱེན་གྱིས་གོད་ཆག་བྱུང་ཡོད་པ། ཡུ་རོབ་ཁུལ་དུ་དང་བླངས་བོད་དོན་ཞུ་གཏུག་ལས་འགུལ་སྤེལ་ཕྱོགས་ཀྱི་ཐབས་བྱུས་ཚོགས་འདུ་དང་ཟབ་སྦྱོང་།
དཀྱིལ་ཤར་དམག་འཁྲུག རྒྱ་གར་དུ་ཞག་འཁྲིགས། འཇིག་རྟེན་དང་རྣམ་ཤེས། ཧི་མ་ལ་ཡའི་འཁྱག་རོམ། སྒོ་ཤེས་རབ་རྒྱ་མཚོ་གློད་གྲོལ་གཏོང་དགོས་ཞེས་ཨ་རིས་འབོད་སྐུལ།
ཨི་སི་རལ་དང་ཧ་མ་སི་དབར་དམག་འཁྲུག་ཇེ་ཆེར་འགྲོ་བཞིན་པའི་སྐབས་འདིར། ཨ་མི་རི་ཀས་དཀྱིལ་ཤར་མངའ་ཁུལ་གྱི་ནང་ད་ལྟའི་འཆར་འགོག་སྲུང་གི་ཆེད་དུ་དྲག་པོའི་དཔུང་ཤུགས་ཇེ་ཆེར་གཏོང་རྒྱུ་ཡིན་ཞེས་དང་། གལ་སྲིད་སྡིགས་སྐུལ་གྱི་ཛ་དྲག་ཉེན་ཁ་བྱུང་ཚེ་འཕྲལ་མྱུར་བརྡ་ལན་བྱེད་རྒྱུའི་ཉེན་བརྡ་བཏང་ཡོད་པ་ནོར་བུ་བསམ་འཕེལ་གྱིས་བསྒྱུར།
ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་སྲིད་འཛིན་བྷ་ཌན་གྱིས་ཨི་སི་རལ་ལ་འཚམས་གཟིགས་གནང་བཞིན་པ་དང་། ཨ་རིའི་གྲོས་ཚོགས་ཚོགས་ཁང་དུ་གསེར་གྱི་རྟགས་མའི་གཟེངས་རྟགས་ཕུལ་ནས་ལོ་༡༦ འཁོར་བའི་དུས་དྲན་སྲུང་བརྩི་བྱས་པ། སྲིད་སྐྱོང་གིས་ཨ་རིའི་རྒྱལ་སར་གྲོས་ཚོགས་འཐུས་མི་ཁག་ཅིག་དང་མཇལ་འཕྲད་གནང་བ་སོགས་ཡོད།
ལ་ཊིན་ཨ་མི་རི་ཀའི་རྒྱལ་ཁབ་༢༠ ལྷག་རྒྱ་ནག་གི་རྒྱུད་གཅིག་ལམ་གཅིག་ཟེར་བའི་ལས་གཞིའི་ནང་ཚོང་འབྲེལ་དང་རྨང་གཞིའི་འཛུགས་སྐྲུན་སོགས་ཀྱི་ལས་གཞི་ཁག་གི་ནང་མཉམ་ཞུགས་བྱས་ཏེ་མངའ་ཁུལ་ལ་ཁེ་ཕན་ཡོང་གི་ཡོད་ཀྱང་། གནས་སྟངས་འདིའི་ཐོག་ཨ་རིས་བློ་འཚབ་གནང་དགོས་རྐྱེན་ཅི་ཡིན་གྱི་སྐོར་གྱི་གནས་ཚུལ་ནོར་བུ་བསམ་འཕེལ་གྱིས་ངོ་སྤྲོད་ཞུ།
ཉེ་ཆར་ཧ་མ་སི་དྲག་དམག་གིས་ཨི་སི་རལ་གྱི་ནང་དྲག་རྒོལ་བྱས་ཏེ་མི་༡༤༠༠ ལྷག་ཙམ་ལ་སྲོག་སྐྱོན་བྱུང་བ་དང་། ད་བར་པ་ལི་སི་ཐན་གྱི་ཞི་བའི་མི་སེར་སྟོང་ཕྲག་༣ མིན་ཙམ་ལ་སྲོག་སྐྱོན་བྱུང་སྟེ་གྲངས་འབོར་དེ་ད་དུང་ཇེ་མཐོར་འགྲོ་བཞིན་པའི་སྐབས་འདིར། ཡུ་རོབ་མནའ་འབྲེལ་གྱིས་གནས་སྟངས་འདི་ལ་བརྡ་ལན་བྱེད་ཕྱོགས་ཀྱི་ཐད་གྲོས་བསྡུར་བྱས།
ཨ་རིས་ཨེ་ཛི་རལ་དང་ཧ་མ་སི་དབར་དམག་འཁྲུག་འདིའི་འོག་ནས་བྲོས་བྱོལ་དུ་འགྲོ་བཞིན་པའི་ཉེས་མེད་ཞི་བའི་མི་སེར་རྣམས་སྲུང་སྐྱོབ་དང་ཁོང་ཚོར་ཉེར་མཁོའི་མཐུན་རྐྱེན་ཁག་མཁོ་སྤྲོད་བྱེད་དགོས་པའི་འབོད་སྐུལ་བསྐྱར་དུ་གནང་པ་དང་། ཨ་རིའི་གྲོས་ཚོགས་འཐུས་མི་ཞིག་གིས་ཨི་རན་དང་ལེ་བྷ་ནན་གྱི་ནང་གི་དྲག་དམག་ཚོར་ཉེན་བརྡ་ཞིག་བཏང་ཡོད།
ཀུན་གླེང་གསར་འགྱུར་ནང་ཨེ་སི་རལ་ལ་གློ་བུར་དྲག་རྒོལ་བྱེད་མཁན་ཧ་མ་སིའི་རྒྱབ་རྩར་གང་ཞིག་ཡོད་པ་དང་། ༧གོང་ས་མཆོག་གིས་བོད་མི་ཁྲིམས་ཀྱི་དབང་སྒྱུར་འོག་ཁྲིད་རིམ། སྲིད་སྐྱོང་གིས་མེག་སི་ཀོའི་ནང་བོད་དོན་དྲིལ་བསྒྲགས། རྒྱ་ནག་གི་སྤྱི་ཚོགས་དྲ་རྒྱའི་སྟེང་བོད་ཀྱི་སྐད་དང་ཡི་གེར་བཀག་སྡོམ་སོགས་ཡོད།
ཉེ་ཆར་རེས་གཟའ་སྤེན་པའི་ཉིན་ཧ་མ་སི་དྲག་དམག་གིས་ཨེ་སི་རལ་གྱི་ལྷོ་ཕྱོགས་མངའ་ཁུལ་དུ་ཞི་བའི་མི་སེར་དང་དམག་མིའི་ཐོག་དྲག་རྒོལ་བྱས་པའི་གནས་ཚུལ་རྗེས་སུ་ཨི་རན་གྱིས་པ་ལི་སི་ཐན་གྱི་ཡུལ་དམག་ཧ་མ་སིའི་སྒྲིག་འཛུགས་འདིར་རྒྱབ་སྐྱོར་བྱས་དང་བྱེད་བཞིན་པའི་་གནད་དོན་འདི་རྒྱལ་སྤྱིའི་དོ་སྣང་ཆེན་པོ་བྱེད་དགོས་རྐྱེན་ཆགས་ཡོད།
འདི་ལོ་༢༠༢༣ གྱི་ནོ་བྷེལ་གསོ་བ་རིག་པའི་བྱ་དགའ་དེ་ཏོག་དབྱིབས་ནད་རིམས་སྔོན་འགོག་གི་སྨན་ཁབ་ཕན་ནུས་ལྡན་པ་དེ་བཟོ་སྒྲུབ་ཀྱི་འཕྲུལ་ལས་རིག་རྩལ་གྱི་ཐོག་ཟུང་འབྲེལ་ལས་དོན་བྱེད་མཁན་ཨ་མི་རི་ཀ་དང་ཧང་གྷེ་རི་ཡུལ་གྱི་སྨན་པ་གཉིས་ལ་ཕུལ་ཡོད་པ་དང་། དངོས་ཁམས་དང་རྫས་འགྱུར་གྱི་གཟེངས་རྟགས་ཐོབ་མཁན་ཀྱང་གསལ་བསྒྲགས་བྱས་པ་རེད།
ཨ་རིའི་དྲག་པོའི་དམག་སྤྱི་མར་ཀི མཱི་ལེར་གྱིས་ཁོང་རང་གི་རྗེས་འཛིན་དམག་སྤྱི་ཆར་ལོ་སི བྷི་རོན་ལ་འགན་དབང་རྩིས་སྤྲོད་གནང་སྐབས། ཨ་མི་རི་ཀའི་དམངས་གཙོ་དང་རྒྱལ་ཁབ་ཀྱི་རྩ་ཁྲིམས་སྲུང་སྐྱོབ་བྱེད་དགོས་པའི་འབོད་སྐུལ་ནན་ཆེ་ཞིག་གནང་ཡོད་པའི་སྐོར་ལ་ནོར་བུ་་བསམ་འཕེལ་གྱིས་གནས་ཚུལ་ངོ་སྤྲོད་བྱས་ཡོད།
ཨ་རིའི་གཞུང་སྒོ་བརྒྱབ་རྒྱུའི་གནས་སྟངས་སྔོན་འགོག་བྱེད་ཐུབ་ཡོད་ཀྱང་གྲོས་ཚོགས་ནང་རྙོག་ཟིང་གི་དུས་རིམ་གཉིས་པ་ཞིག་འགོ་ཚུགས་པའི་ཁྲོད། སྤྱི་མཐུན་ཚོགས་པའི་ནང་ཁོངས་སུ་མི་མཐུན་པའི་འགལ་ཟླ་ཡོད་མུས་རྐྱེན་སྤྱི་མཐུན་ཚོགས་པའི་འཐུས་མི་ཞིག་གིས་གྲོས་ཚོགས་ཀྱི་ཚོགས་གཙོ་གནས་དབྱུང་གཏོང་རྒྱུའི་གསལ་བསྒྲགས་བྱས་ཡོད།
ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་༧གོང་ས་མཆོག་གིས་དྷརྨ་ཀཱ་རའི་གཙུག་ལག་སློབ་གཉེར་ཁང་དབུ་འབྱེད་གནང་བ་དང་། ཨུ་རུ་སུ་དང་ཡུག་ཀེ་རན་གྱི་དམག་འཁྲུག ཨ་རི་དང་ཞི་བདེ་རྒྱ་མཚོའི་མཚོ་གླིང་རྒྱལ་ཕྲན་ཁག ལྷོ་ཀོ་རི་ཡའི་དམག་སྦྱོང་་སོགས་ཡོད།
ཡུག་ཀེ་རན་གྱིས་གཟའ་ཟླ་བའི་ཉིན་རྒྱ་མཚོ་ནག་པོའི་གྲུ་ཁ་རུ་ཨུ་རུ་སུའི་མཚོ་དམག་གི་རྟེན་གཞིའི་ཐོག་གཏོར་རྒོལ་བྱས་པའི་ནང་ཨུ་རུ་སུའི་དམག་སྤྱི་ཞིག་བསད་ཡོད་ལུགས་བརྗོད་ཡོད་ཀྱང་། ཁ་སང་ཨུ་རུ་སུའི་རྒྱལ་སྲུང་བློན་ཆེན་གྱི་ཚོགས་འདུ་ཞིག་གི་ནང་དམག་སྤྱི་དེ་མཐོང་རྒྱུ་ཡོད་པའི་སྐོར་ནོར་བུ་བསམ་འཕེལ་ལགས་ཀྱིས་ངོ་སྤྲོད་བྱས།
ཨ་རིའི་གྲོས་ཚོགས་ནང་མེ་མདའ་སྟངས་འཛིན་གྱི་ཁྲིམས་འཆར་ལ་འགོག་རྐྱེན་འཕྲད་བཞིན་པའི་སྐབས་འདིར། སྲིད་འཛིན་བྷ་ཌན་གྱིས་མེ་མདའི་དྲག་ཟིང་སྔོན་འགོག་གི་ཆེད་དུ་དབུས་གཞུང་གི་ལས་ཁུངས་གསར་པ་ཞིག་འཛུག་རྒྱུ་དང་། སྲིད་འཛིན་གཞོན་པ་ཀ་མ་ལཱ ཧེ་རི་སི་ཡིས་ལས་ཁུངས་གསར་པ་འདིའི་འགོ་འཛིན་གནང་རྒྱུ་ཡིན་པའི་གསལ་བསྒྲགས་བྱས་པ་རེད།
ཨ་རིའི་དམངས་གཙོ་ཚོགས་པའི་གྲོས་ཚོགས་གོང་མའི་འཐུས་མི་བྷོབ་ མེ་ནེན་ཌེ་ཛི་ལ་ལྐོག་ཟ་རུལ་སུངས་ཀྱི་ཁྲིམས་འགལ་ཉེས་འཛུགས་བྱས་པ་འདིས་ཨ་རིའི་དབང་ཤུགས་ཅན་གྱི་གྲོས་ཚོགས་འཐུས་མི་ཁོང་གི་སྲིད་དོན་མདུན་ལམ་ལ་གནོད་སྐྱོན་བྱེད་སྲིད་པའི་ཉེན་ཁ་ཡོད་པའི་སྐོར་གྱི་གནས་ཚུལ་དེ་ནོར་བུ་བསམ་འཕེལ་གྱིས་སྙན་སྒྲོན་ཞུ་གི་ཡིན།།
མང་སྣོན།
