སྤྱི་ཡོངས་ཀྱི་ཆ་ནས་བྱས་ན། ད་ལྟ་ཨ་མི་རི་ཀ་ནི་འཛམ་གླིང་ནང་གི་རིམ་འདས་རྒྱལ་ཁབ་གཅིག་པུ་དེ་ཡིན་ཞིང་། འོན་ཀྱང་། འབྱུང་འགྱུར་ལོ་ཤས་ཀྱི་ནང་གནས་བབས་འདིའི་ཐོག་རྒྱ་ནག་བསླེབས་སྲིད་པ་ཡིན་ལུགས་ཉམས་ཞིབ་པ་ཚོས་སྔོན་དཔག་བྱེད་ཀྱི་ཡོད་པས། གལ་ཏེ་ཨ་མི་རི་ཀས་རྒྱ་ནག་དང་འགྲན་བསྡུར་ནུས་པ་ཐོན་པ་ཞིག་བྱ་འདོད་ཡོད་ན། ཡུལ་དེ་དང་རིག་གཞུང་བརྗེ་ལེན་བྱེད་ཤུགས་ཆེ་རུ་གཏོང་རྒྱུ་དེ་ནི་གལ་གནད་ཧ་ཅང་ཆེན་པོ་རེད་ཅེས་དཔྱད་གཏམ་པ་ཚོས་འགྲེལ་བརྗོད་བྱེད་ཀྱི་ཡོད་པའི་སྐོར། གསར་འགྱུར་བརྒྱུད་ལམ་ཁག་གི་ཐོག་ཐོན་པའི་གནས་ཚུལ་རྣམས། དཔལ་མོ་མཁས་གྲུབ་ཀྱིས་ཕྱོགས་བསྒྲིགས་དང་སྙན་སྒྲོན་ཞུ་གི་རེད།།
