ད་རིང་ཚེས་༡༣དང་རེས་གཟའ་ལྷག་པའི་ཉིན་ཨ་རིའི་སྲིད་འཛིན་བྷའེ་ཌན་དང་གདམ་ཐོན་སྲིད་འཛིན་ཁྲམ་རྣམ་གཉིས་ཕོ་བྲང་དཀར་པོར་མཇལ་ནས་སྲིད་དབང་རྩིས་སྤྲོད་སྐོར་ལ་བཀའ་མོལ་གནང་ཡོད་ཅིང་། དེ་ཡང་སྲིད་འཛིན་ཟུར་པ་ཁྲོམ་ལོ་ངོ་བཞིའི་རྗེས་སུ་སླར་ཡང་ཕོ་བྲང་དཀར་པོའི་ནང་ཕེབས་པ་ཞིག་ཆགས་ཡོད་འདུག
ད་རེས་སྲིད་འཛིན་བྷའེ་ཌན་ནས་ཕོ་བྲང་དཀར་པོའི་ནང་གདམ་ཐོན་སྲིད་འཛིན་ཁྲོམ་གདན་ཞུས་གནང་པ་དེ་ནི་ཨ་རིའི་དམངས་གཙོའི་ལམ་ལུགས་ནང་གི་ལམ་སྲོལ་ཞིག་དང་། ཟླ་༡ཚེས་༢༠ཉིན་ནི་སྲིད་འཛིན་དང་གདམ་ཐོན་སྲིད་འཛིན་རྣམ་གཉིས་ཕན་ཚུན་དངོས་སུ་དབང་ཆ་རྩིས་སྤྲོད་གནང་གི་ཡོད།
ད་རེས་ཕོ་བྲང་དཀར་པོའི་ནང་ཁོང་རྣམ་གཉིས་མཇལ་འཕྲད་གནང་སྐབས་ཕན་ཚུན་འཚམས་འདྲི་གནང་བ་དང་། སྲིད་འཛིན་བྷའེ་ཌན་ནས་བར་ཆད་མེད་པའི་ཐོག་ནས་དབང་ཆ་རྩིས་སྤྲོད་ལམ་ལྷོང་ཡོང་བའི་རེ་བ་གནང་བཞིན་ཡོད་པ་དང་ང་ཚོའི་ངོས་ནས་གང་ཐུབ་ངང་ཁྱེད་རྣམ་པའི་རེ་བ་སྐོར་ཐུབ་པ་ཞུ་རྒྱུ་དང་། ད་རིང་དེའི་ཐད་ཀྱི་འབྲེལ་ཡོད་སྐོར་ལ་བཀའ་མོལ་ཞུ་རྒྱུ་ཡིན་པ་གསུངས་ཡོད། ཡང་གདམ་ཐོན་སྲིད་འཛིན་ཁྲོམ་ནས་ཆབ་སྲིད་ནི་དཀའ་ཚེགས་ཆེ་བ་ཞིག་ཡིན་པ་དང་གནས་སྟངས་མང་པོའི་འོག་འཛམ་གླིང་འདི་ཧ་ཅང་གི་ཕུན་སུམ་ཚོགས་པ་ཞིག་མིན་ན་ཡང་། ད་རིང་ནི་མཛེས་སྡུག་ལྡན་པའི་འཛམ་གླིང་ཞིག་ཆགས་ཡོད། བར་ཆད་མེད་པར་སྐྱོད་ཐུབ་པ་འདིར་ངས་ཐུགས་རྗེ་ཆེ་ཞུ་རྒྱུ་དང་ལམ་ལྷོང་ཡོང་རྒྱུ་རེད། ཐུགས་རྗེ་ཆེ་ཞེས་གསུངས་ཡོད།
གླེང་སྟེགས།