ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་ཨ་རིའི་མང་གཙོའི་རྒྱལ་ཡོངས་ཚོགས་ཆེན་སྟེང་དུ་སྲིད་འཛིན་ཟུར་པ་ཨོ་བྷ་མ་སོགས་ཀྱིས་ལྕམ་ཧེ་རི་སི་ལ་རྒྱབ་སྐྱོར་ཡོད་པའི་གཏམ་བཤད་གནང་བ་དང་། བྷི་ལིན་ཁེན་གྱིས་མུ་མཐུད་དཀྱིལ་ཤར་ཁུལ་གྱི་མེ་འཕེན་མཚམས་འཇོག་ལ་འབད་བཞིན་པ། ཐེ་ཝན་གྱི་དམག་སྦྱོང་སོགས་ཡོད། ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་ཀྲོ་རོན་ཊོ་བོད་རིགས་སྤྱི་མཐུན་ཚོགས་པའི་ཚོགས་གཙོ་བསོད་ནམས་གླང་དཀར་དང་། ནེའུ་ཡོག་དང་ནེའུ་ཇར་སི་བོད་རིགས་སྤྱི་མཐུན་ཚོགས་པའི་ཚོགས་གཙོ་ཆོས་རྫོང་ནོར་བུ་ཚེ་རིང་ལགས་རྣམ་གཉིས་དང་ལྷན་བྱང་ཨ་རིའི་བརྟན་བཞུགས་ཀྱི་སྟ་གོན་དང་རེ་ལྟོས་སོགས་ཀྱི་ཐད་བགྲོ་གླེང་ཞུ་རྒྱུ་ཡིན།