བཞུགས་སྒར་དུ་ཆོ་འཕྲུལ་སྨོན་ལམ་ཕར་འགྱངས།

རྒྱ་གར་ལ་ཏོག་དབྱིབས་རིམས་ནད་ཁྱབ་གདལ་འགྲོ་བཞིན་ཡོད་པར་བརྟེན་བཞུགས་སྒར་ཁུལ་དུ་ཆོ་འཕྲུལ་སྨོན་ལམ་ཆེན་མོ་སོགས་རིང་མིན་གྱི་ཆོས་ཕྱོགས་ཀྱི་མཛད་རིམ་ཁག་ཅིག་བསྐྱང་འཆར་ཡོད་པ་རྣམས་ཕར་འགྱངས་བྱ་རྒྱུའི་གསལ་བསྒྲགས་སྤེལ། འོན་ཀྱང་གསུམ་བཅུའི་དུས་དྲན་ཐེངས་༦༡་པ་སྔར་བཞིན་ས་གནས་ཀྱི་གནས་བབ་ལ་གཞིགས་ནས་སྲུང་བརྩི་ཞུ་རྒྱུ་ཡིན་པར་མ་ཟད། བོད་མི་དམངས་སྤྱི་འཐུས་གྲོས་ཚོགས་ཀྱང་དུས་ཐོག་ཏུ་བསྐྱང་རྒྱུ་ཡིན་པ་འཁོད་འདུག