ཨ་རིའི་རླུང་འཕྲིན་ཁང་གི་གཟའ་མིག་དམར་ཉིན་གྱི་ཀུན་གླེང་གསར་འགྱུར་ནང་༧གོང་ས་མཆོག་གིས་ནེའུ་ཡོག་གི་མགྲོན་ཁང་ཞིག་ཏུ་སྨན་བཅོས་རྗེས་ཀྱི་སྐུ་ངལ་གསོ་བཞིན་པ་དང་། སྲིད་འཛིན་ཟུར་པ་ཊམ་ལ་ཁྲིམས་ཉེས་ཕོག་ཆོག་མིན་ཐད་ཀྱི་བཅད་ཁྲ། སྲིད་འཛིན་འོས་བསྡུའི་བགྲོ་གླེང་རྩོད་བསྡུར་གྱི་མཇུག་འབྲས། རྒྱ་གར་གྱི་ཁྲིམས་ཡིག་བཟོ་བཅོས། གྷ་ཛ་དམག་འཁྲུག་སོགས་ཡོད། ཐེངས་འདིའི་གསར་འགྱུར་ཞིབ་འགྲེལ་གྱི་ལེ་ཚན་ནང་ཚེ་རིང་དབང་མོ་ལགས་ཀྱིས་རྡོ་རྗེ་ཚེ་བརྟན་ལགས་དང་ལྷན་རྒྱ་ནག་གི་རྒྱལ་སྲུང་བློན་ཆེན་ཟུར་པ་ཝེ་ཧྥེང་ཧེ་(Wei Fenghe)་དང་དེའི་རྗེས་འཛིན་པ་ལི་ཧྲང་ཧྥུ་(Li Shangfu)་གཉིས་དམར་ཤོག་ཚོགས་པའི་ཁོངས་ནས་ཕྱིར་ཕུད་བྱས་པའི་རྒྱུ་རྐྱེན་སོགས་ཞིབ་འགྲེལ་ཁག་ཅིག་ཞུ་རྒྱུ་ཡིན།