ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་འཛམ་གླིང་གང་སར་ཡོད་པའི་བོད་མི་རྣམས་ཀྱིས་༧གོང་ས་མཆོག་གི་ཞབས་པུས་སྨན་བཅོས་ཀྱི་སྔོན་འདིར་ཞབས་བརྟན་བསྒྲུབ་བཞིན་པ་དང་། ཨ་རིས་༢༠༢༣ ལོའི་འཛམ་གླིང་ཆོས་དད་རང་མོས་སྙན་ཐོ་སྤེལ་བ། དོ་དགོང་གི་ཨ་རིའི་སྲིད་འཛིན་འོས་མི་གཉིས་ཀྱི་རྩོད་བསྡུར་དང་འབྲེལ་བའི་གནས་ཚུལ་སོགས་ཡོད། ཐེངས་འདིའི་ཁ་བའི་མི་སྣའི་ལེ་ཚན་ནང་ཚུལ་ཁྲིམས་རྒྱ་མཚོ་ལགས་ཀྱིས་རྒྱན་འགྲེལ་སྦས་དོན་གསལ་བའི་ཉིན་བྱེད་རྩོམ་པ་པོ་དགེ་བཤེས་ལྷ་རམས་པ་བློ་བཟང་ཕུན་ཚོགས་ལགས་གདན་འདྲེན་ཞུས་ནས་རྔོག་ལོ་ཙཱ་བ་བློ་ལྡན་ཤེས་རབ་ངོ་སྤྲོད་ཞུས་ཡོད།། དེ་རིང་གི་དྲ་སྣང་གི་བོད་དུ་ཆབ་སྲིད་བཙོན་ཟུར་ཞིག་ལ་མྱ་ངན་ཞུ་བཞིན་པ་དང་། ཏུ་ཡེན་གྱིས་བོད་སྐད་བཀག་སྡོམ་བྱེད་བཞིན་པ་ཐེར་འདོན། ཡུ་ལི་ཁཱ་ཡི་བོད་སྐད་སློབ་ཁྲིད་རྒྱུད་ལམ་ངོ་སྤྲོད་སོགས་ཡོད།