ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་ཨ་རིའི་ཕྱི་སྲིད་ལས་ཁུངས་ཀྱིས་༧གོང་ས་མཆོག་མྱུར་དུ་དྲག་སྐྱེད་ཡོང་བའི་སྨོན་འདུན་ཞུས་པ་དང་། ཨི་སི་རེལ་དང་ཧ་མ་སིའི་དམག་འཁྲུག་གི་ད་ལྟའི་གནས་སྟངས། ཨུ་རུ་སུའི་རྒྱལ་ཕྲན་ཌ་གྷི་སི་ཐན་ནང་དྲག་རྒོལ། ཨ་རིའི་སྲིད་འཛིན་འོས་མི་གཉིས་ཀྱི་རྩོད་བསྡུར་ཐོག་མའི་སྟ་གོན་སོགས་ཡོད། ཐེངས་འདིའི་གསར་འགྱུར་ཞིབ་འགྲེལ་ལེ་ཚན་ནང་ཚེ་རིང་དབང་མོ་ལགས་ཀྱིས་འདི་གའི་གསར་འགོད་པ་ཚེ་བརྟན་དབང་ཕྱུག་ལགས་དང་ལྷན་ལྷོ་ཨ་མེ་རི་ཁའི་རྒྱལ་ཁབ་ཨེ་ཁ་ཏོར་གྱིས་དེ་སྔར་རྒྱ་ནག་དང་ཐོངས་མཆན་ཆག་ཡང་གི་གྲོས་མཐུན་བཞག་ཡོད་པ་དེ་རིང་མིན་སྤྱི་ཟླ་༧ པའི་ཚེས་༡ ཉིན་ནས་མཚམས་འཇོག་བྱ་རྒྱུ་ཡིན་པ་གསལ་བསྒྲགས་བྱས་འདུག་པའི་སྐོར་ལ་བགྲོ་གླེང་ཞུས་ཡོད།