ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་ཨ་རིའི་སྲིད་འཛིན་ཟུར་པ་ཊམ་ནི་བསྐྱར་དུ་ཁྲིམས་ཁང་ལ་འབོད་འགུག་བྱས་པ་དང་། ༧གོང་ས་མཆོག་གིས་ལ་དྭགས་སུ་ལྷ་སའི་ཁ་ཆེ་དང་། ཏོག་ས་ཁུལ་གྱི་མི་དམངས་ལ་མཇལ་ཁ་བཀའ་སློབ་སྩལ་བ། མཉན་ཡོད་དུ་བཙུན་མའི་དབྱར་གནས་འཚོག་བཞིན་པ། ཨུ་རུ་སུ་དང་ཡུག་ཀེ་རན་གྱི་དམག་འཁྲུག་སོགས་ཡོད། ཀུན་གླེང་ལས་རིམ་དུ་ཚེ་རིང་དབང་མོ་ལགས་ཀྱིས་ལོ་རྒྱུས་ཉམས་ཞིབ་པ་དང་རྩོམ་པ་པོ་སངས་རྒྱས་སྐྱབས་ལགས་གདན་འདྲེན་ཞུས་ནས་རྒྱ་ནག་གི་བོད་རིགས་རང་སྐྱོང་ཁུལ་མང་པོ་ཚུགས་ནས་ལོ་༧༠ འཁོར་བའི་དུས་དྲན་སྲུང་བརྩི་བྱེད་བཞིན་པ་དང་བསྟུན་མི་རིགས་ས་གནས་རང་སྐྱོང་ཞེས་པའི་འདས་མ་ད་གསུམ་ཐད་བགྲོ་གླེང་ཞུ་རྒྱུ་ཡིན། དེ་བཞིན་དུ་བསྟན་འཛིན་ནོར་བཟང་ལགས་ཀྱིས་ལ་དྭགས་དགོན་པ་ཚོགས་འདུའི་ཚོགས་གཙོ་རྒན་ཚེ་རིང་དབང་འདུས་ལགས་དང་། འཇམ་དབྱངས་སློབ་གྲྭའི་ངེས་སྟོན་པ་དགེ་བཤེས་བློ་བཟང་བསམ་གཏན་ལགས་ལ་༧གོང་ས་མཆོག་གི་ལ་དྭགས་ཀྱི་མཛད་འཕྲིན་དང་དབྱར་ཆོས་ཆེན་མོའི་ཐད་བཅར་འདྲི་ཞུས་ཡོད་པས་དུས་ཐོག་གསན་གཟིགས་གནང་བར་ཞུ།།