ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་༩།༡༡ གི་དུས་དྲན་དང་། ཧོང་ཀོང་གི་ཚོང་འབྲེལ་དོན་གཅོད་ཕྱིར་འཐེན་སྐོར་གྱི་ཁྲིམས་འཆར། གོང་ས་མཆོག་གི་ཆོས་འབྲེལ། བོད་དོན་ལས་འགུལ་བས་སྦ་ར་ཛིལ་དུ་སྐོར་སྐྱོད་སོགས་ཡོད་པས་གསན་གཟིགས་གནང་རོགས། ཐེངས་འདིའི་དཔེ་ཀློག་ལེ་ཚན་ལ་ཉི་ཧོང་དུ་སློབ་གཉེར་གྱི་གོ་སྐབས་ཐོབ་པའི་བོད་ཕྲུག་དང་པོའི་གྲས་ཏེ། འགྱུར་མེད་དབང་གྲགས་ཀྱིས་བརྩམས་པའི་རང་གི་མི་ཚེའི་མྱོང་བ་རང་བཞིན་ལྷུན་གྲུབ་ཅེས་པའི་དཔེ་དེབ་ཀྱི་བརྗོད་བྱ་སོགས་ལ་རྩོམ་པ་པོ་འགྱུར་མེད་དབང་གྲགས་དང་ལྷན་དུ་གླེང་མོལ་ཞུ་རྒྱུ་ཡིན།