གནས་བརྟན་སྡེ་བའི་ཆོས་འཁོར་དུས་ཆེན་སྟེང་༧གོང་ས་མཆོག་གི་གསུང་བཤད།

ཕྱི་ལོ་༢༠༢༠ ཕྱི་ཟླ་ ༧་ཚེས་༤ ཡི་ཉིན་མོ་འདི་ནི་འཕགས་པ་གནས་བརྟན་པའི་ལུགས་ཀྱི་ཆོས་འཁོར་དུས་ཆེན་འཁེལ་ཡོད་པ་ལྟར། རྒྱལ་སྤྱིའི་ནང་པའི་ལྷན་ཚོགས་ནས་རྒྱ་གར་གྱི་སྲིད་འཛིན་སྐུ་ཞབས་ Ram Nath Kovind མཆོག་སྐུ་མགྲོན་གཙོ་བོར་གདན་ཞུས་ཀྱིས་ཆོས་འཁོར་དུས་ཆེན་སྲུང་བརྩི་ཞུས། དྲ་རྒྱ་བརྒྱུད་ནས་ཐད་སྲིང་གནང་པའི་མཛད་རིམ་དེའི་ཁྲོད་སྤྱི་ནོར་གོང་ས་སྐྱབས་མགོན་ཆེན་པོ་མཆོག་དང་དབུ་ཁྲིད་གཞན་དག་གིས་སྟོན་པ་བཅོམ་ལྡན་འདས་ཀྱི་དགོངས་སྤྱོད་ལ་ཆེ་བསྟོད་རྗེས་དྲན་གྱི་གསུང་འཕྲིན་བསྩལ།