སྲིད་འཛིན་ཊམ་མཆོག་གིས་ཡུག་ཀེ་རན་གྱི་སྲིད་འཛིན་ཛེ་ལེན་སི་ཀི་གཟའ་པ་སངས་ཉིན་ཝ་ཤིན་ཊོན་དུ་ཕེབས་ནས། ཨ་རིར་ཁེ་བཟང་ཆེ་བའི་གཏེར་རྫས་གན་རྒྱ་ཞིག་ལ་མིང་རྟགས་འགོད་རྒྱུ་རེད་ཅེས་གསུངས་ཡོད་ཀྱང་། ཡུག་ཀེ་རན་ཕྱོགས་ནས་གནད་དོན་འགའ་ཤས་ད་དུང་གསལ་པོ་ཐག་ཆོད་མེད་པ་གསུངས་ཡོད་པའི་སྐོར་ཚེ་རིང་དབང་མོས་སྙན་སྒྲོན་ཞུས་ཡོད།
ཨ་མི་རི་ཀའི་སྲིད་འཛིན་ཌོ་ནལ ཊམ་གྱིས་ཧྥ་རན་སིའི་སྲིད་འཛིན་ཨེམ་མ་ནུལ མ་ཁི་རོན་དང་མཇལ་འཕྲད་གནང་ཞིང་། ཁོང་གིས་ཡུག་ཀེ་རན་གྱི་ནང་དམག་འཁྲུག་འདི་མཚམས་འཇོག་བྱ་རྒྱུར་དམིགས་པའི་གྲོས་མཐུན་ཞིག་འཇོག་རྒྱུའི་ཉེ་བའི་མཚམས་སུ་སླེབས་ཡོད་ཅེས་གསུངས་ཡོད་པ་རེད།
ཨ་རིའི་སྲིད་འཛིན་གཞོན་པས་རྙིང་ལུགས་སྲིད་དོན་ལས་འགུལ་ལྷན་ཚོགས་ཀྱི་ལོ་རེའི་ཚོགས་ཆེན་གྱི་ཐོག་ཁོང་རང་གི་ཕྱི་སྲིད་ལས་དོན་གྱི་ནང་རྙིང་ལུགས་དགོངས་ཚུལ་དེ་དག་གསལ་སྟོན་གནང་ཡོད་པ་དང་། ཁོང་དང་ཕྱི་རྒྱལ་གྱི་སྲིད་དོན་པ་ཁག་ཅིག་གིས་སྲིད་འཛིན་ཌོ་ནལ་ཊམ་གྱི་ཆབ་སྲིད་དགོངས་གཞི་དེར་རྒྱབ་སྐྱོར་བྱེད་ཀྱི་ཡོད་ཅེས་གསུངས་ཡོད།
