ཨ་རིའི་རྒྱལ་ཡོངས་འོས་བསྡུའི་རྒྱལ་ཕམ་ལ་གནད་འགག་ཆགས་པའི་མངའ་སྡེ་མི་ཆི་གྷན་ནང་དུ་ཁ་ཆེའི་དད་ལྡན་པ་གཙོ་བོར་གྱུར་པའི་འོས་འཕེན་པ་ཁག་ཅིག་གིས་སྲིད་འཛིན་བྷ་ཌན་གྱིས་ད་བར་དུ་གྷ་ཛའི་དམག་འཁྲུག་ནང་ཨི་སི་རེལ་ལ་རྒྱབ་སྐྱོར་གནང་རྐྱེན་རྒྱལ་ཡོངས་འོས་བསྡུའི་སྐབས་ཁོང་ལ་རྒྱབ་སྐྱོར་གནང་རྒྱུའི་ཁས་ལེན་གཙང་མ་མེད་པའི་ལས་འགུལ་སྤེལ
གྷ་ཛའི་ནང་དེང་སྐབས་པ་ལི་སི་ཐན་གྱི་མི་རྣམས་ལ་བཟའ་བཏུང་མ་རེག་པའི་དཀའ་ངལ་འཕྲད་བཞིན་ཡོད་པའི་ཐོག གཟའ་ཕུར་བུའི་ཉིན་ཨི་སི་རེལ་གྱི་དམག་མི་ཚོས་གྷ་ཛ་བྱང་ཕྱོགས་ལ་བཟའ་བཅའ་སྐྱེལ་འདྲེན་ལ་སྒུག་མཁན་མི་བརྒྱ་བརྒལ་བ་བསད་སོང་ཞེས་ཧ་མ་སིའི་འཕྲོད་བསྟེན་ལྷན་ཁང་གིས་བརྗོད་འདུག ཨི་སི་རེལ་གཞུང་གིས་འགྲེལ་བརྗོད་མི་འདྲ་བ་བྱས་ཡོད།
རྒྱ་ནག་གཞུང་གིས་ན་ནིང་ལོར་གསང་མྱུལ་འགོག་པའི་ཁྲིམས་ལུགས་ཞེས་པ་ལག་བསྟར་བྱས་པའི་རྗེས་སུ། ད་ཆ་རྒྱལ་ཁབ་ཀྱི་གསང་བ་སྲུང་སྐྱོབ་ཀྱི་ཁྲིམས་ལུགས་ཞེས་པར་བསྐྱར་བཅོས་ཀྱིས་གཏན་འབེབས་བྱས་ཏེ། རྒྱ་ནག་དམར་ཤོག་གཞུང་གིས་རྒྱལ་ཁབ་ཀྱི་གསང་བའི་ལས་དོན་ཁག་ལ་དམ་དྲག་དང་ཤུགས་སྣོན་བྱེད་ཤུགས་ཆེ་རུ་གཏང་རྒྱུ་རེད་འདུག
ཨུ་རུ་སུའི་དམག་གིས་ཡུག་ཀེ་རེན་དུ་དམག་འཁྲུག་བསླངས་ནས་དུས་ཡུན་ལོ་གསུམ་པར་ཚུད་པའི་སྐབས་འདིར། ཨ་རིའི་ཡུ་རོབ་ཏུ་ཡོད་པའི་དམག་སྡེའི་འགྲོ་སོང་མ་དངུལ་རྫོགས་སྲིད་པའི་ཐད་གླེང་སློང་བྱས་ཡོད་པའི་གནས་ཚུལ་དཀོན་མཆོག་དོན་གྲུབ་ཀྱིས་སྙན་སྒྲོན་ཞུ་གི་རེད།
རེས་གཟའ་མིག་དམར་ཉིན་སྲིད་འཛིན་བྷ་ཌན་གྱིས་ཕོ་བྲང་དཀར་པོ་རུ་གྲོས་ཚོགས་ཀྱི་དབུ་ཁྲིད་མི་སྣ་ཁག་དང་ལྷན་འཛོམས་གནང་སྟེ་ཡུག་ཀེ་རན་དང་ཨི་སི་རེལ་ལ་དམག་དོན་རོགས་རམ་དང་། དེ་བཞིན་ཨ་རིའི་སྲིད་གཞུང་གི་སྔོན་རྩིས་འགྲོ་གྲོན་འཆར་གཞི་ཐག་གཅོད་གནང་རྒྱུའི་སྐོར་ལ་བཀའ་གྲོས་གནང་ཡོད་པའི་སྐོར་ནོར་བུ་བསམ་འཕེལ་གྱིས་ངོ་སྤྲོད་བྱས།།
གཟའ་ཟླ་བའི་ཉིན་ཧང་གྷ་རི་གྲོས་ཚོགས་ཀྱིས་མཐའ་མར་མོས་མཐུན་གནང་པར་བརྟེན་མི་འགྱངས་པར་སི་ཝེ་ཌན་དེ་ནུབ་ཆིངས་སྒྲིག་འཛུགས་ཀྱི་ཚོགས་མི་ཆགས་རྒྱུ་ཡིན་པ་རེད། ཧང་གྷ་རིའི་རྒྱལ་ཡོངས་གྲོས་ཚོགས་ཀྱིས་སི་ཝེ་ཌན་ལ་རྒྱབ་སྐྱོར་གནང་པ་དེ་ནི་མཐའ་མའི་འགག་རྡོ་སེལ་བ་ཆགས་ཡོད་པའི་སྐོར་བསོད་ནམས་དབྱངས་འཛོམས་ཀྱིས་སྙན་སྒྲོན་ཞུ་གི་རེད།
ཞི་བདེ་རྒྱ་མཚོའི་མཚོ་གླིང་རྒྱལ་ཁབ་གསུམ་གྱིས་ཨ་རིའི་རྒྱལ་སྲུང་དང་འབྲེལ་བའི་ཐོག་ཁོང་ཚོར་དཔལ་འབྱོར་རོགས་རམ་ཐོབ་བཞིན་པ་དེ་གྲོས་ཚོགས་ཀྱིས་བཀག་འགོག་མི་གནང་རྒྱུར་ཞུ་སྐུལ་བྱེད་བཞིན་ཡོད། ལོ་༢༠ ལྷག་གི་རིང་རྒྱལ་ཁབ་དེ་གསུམ་ལ་ཨ་རིས་ཨ་སྒོར་ཐེར་འབུམ་བདུན་གནང་སྟེ་ཨ་རིའི་དམག་སྡེས་དེ་གར་ལས་དོན་སྤེལ་ཆོག་པ་བྱས་ཡོད།
སྔོན་རྩིས་ཚོད་དཔག་འཆར་རྩིས་ཚོགས་ཆུང་གི་ལས་དོན་དབུ་འཛུགས། བོད་སྡེ་དགེའི་ནང་དྲག་གནོན་ལ་བཙན་བྱོལ་ནང་ངོ་རྒོལ། འཆོ་འཕྲུལ་ཟླ་བའི་དུས་ཆེན་དང་བསྟུན་བྱམས་པ་གདན་ཞུ། རང་ལུས་མེར་སྲེག་གི་ཞི་རྒོལ་དུས་དྲན་སྲུང་བརྩི། ཨ་རིའི་མཁའ་དམག་འཐབ་འཛིང་པ་ཞིག་གིས་རང་ལུས་མེར་སྲེག
ཡུག་ཀེ་རེན་གྱི་མི་མང་གིས་ལོ་གཉིས་ཀྱི་དམག་འཁྲུག་འདིའི་རིང་དཔལ་འབྱོར་གྱི་ཐོག་ནས་དམག་དོན་རྒྱབ་སྐྱོར་བྱས། རྒྱལ་ཁབ་ཀྱི་དཔལ་འབྱོར་གནས་སྟངས་དཀའ་ངལ་ཆེ་བར་ལྟོས་མེད་ཀྱིས་ཞི་བའི་མི་མང་གིས་ཞལ་འདེབས་རོགས་རམ་ཤུགས་ཆེ་གནང་ཡོད། དང་བླངས་པ་ཚོས་མ་དངུལ་བསྡུ་རུབ་ཀྱི་ཐབས་ཤེས་གསར་པ་མང་པོ་བརྒྱུད་ནས་དམག་དོན་ཞལ་འདེབས་བྱས།
ཉེ་ཆར་ཡུ་རོབ་དང་ཨ་རིའི་ནང་ཡུག་ཀེ་རེན་གྱིས་ཨུ་རུ་སུའི་དམག་འཐབ་ལ་གདོང་ལེན་བྱ་རྒྱུར་དྲག་ཆས་གོ་མཚོན་གྱི་ཛ་དྲག་དགོས་མཁོ་ཡོད་པ་ནན་བརྗོད་གནང་ཡོད་པ་དང་དུས་མཉམ་དུ་འཐབ་འཁྲུག་འདིར་ཞི་བའི་ཐབས་ལམ་གྱི་ཐག་གཅོད་ཞིག་ཡོང་རྒྱུར་རེ་སྐུལ་ཤུགས་ཆེ་བྱེད་བཞིན་པའི་སྐོར་འདི་གའི་གསར་འགོད་པས་གནས་ཚུལ་ཕྱོགས་བསྡུས་གནང་ཡོད།།
ཨ་རིའི་གྲོས་ཚོགས་འོག་མའི་རྒྱ་ནག་དམར་ཤོག་གི་ཉེན་ཁ་འགོག་པའི་དམིགས་བསལ་ཚོགས་ཆུང་གི་ཚོགས་གཙོ་མཱེ་ཁེ་གྷ་ལེ་གྷར་གྱིས་སྣེ་ཁྲིད་པའི་སྲིད་དོན་ཚོགས་པ་རིས་སུ་མ་ཆད་པའི་སྐུ་ཚབ་ཚོགས་པ་ཞིག་སྤྱི་ཟླ་༢ པའི་ཚེས་༢༢ ཉིན་གྱི་ཞོགས་པར་ཐེ་ཝན་དུ་འཚམས་འདྲིར་འབྱོར་ཡོད་པའི་སྐོར་ཕུན་ཚོགས་ལྷུན་གྲུབ་ལགས་ཀྱིས་སྙན་སྒྲོན་ཞུས་ཡོད།
རྒྱ་གཞུང་དང་འབྲེལ་བ་ཡོད་པའི་བརྡ་འཕྲིན་སྤྱི་གཉེར་ཁང་ཞིག་གིས་གསང་བའི་ཡིག་ཆ་ཕྱི་ལ་ཁྱབ་ཏུ་བཅུག་ཡོད་པ་དང་། ཡིག་ཆ་དེ་དག་ལས་རྒྱ་གཞུང་གིས་དབུས་ཨེ་ཤེ་ཡ་དང་། ཨེ་ཤེ་ཡ་ཤར་ལྷོའི་ས་ཁུལ། ཐེ་ཝན་དང་ཧོང་ཀོང་བཅས་སུ་དྲ་ཇག་བརྒྱུད་དྲ་ལམ་གཏོར་རྒོལ་གྱི་ལས་དོན་བསྒྲུབས་ཡོད་པའི་སྐོར་དཀོན་མཆོག་དོན་འགྲུབ་ཀྱིས་སྙན་སྒྲོན་ཞུས་ཡོད།
སྤྱི་ཟླ་གཉིས་པའི་ཚེས་ལྔ་ཉིན། ཧྥེ་ལི་ཕིན་གཞུང་གིས་རྒྱ་ནག་ནས་ཡོང་བའི་དྲ་ཐོག་གཏོར་རྒོལ་བཀག་ཡོད་ཅེས་བསྒྲགས་པ་དང་། སྲིད་འཛིན་མར་ཁོ་སི་དང་གཞུང་གི་ལས་ཁུངས་ཁག་གི་དྲ་རྒྱ་ལ་གཏོར་བརླག་བྱ་རྒྱུ་བཀག་པ་ཡིན་ཟེར། དེའི་ཕྱི་ཉིན་ཧོ་ལན་གསང་བའི་ལས་ཁུངས་ཀྱིས་༢༠༢༣་ལོར་རྒྱལ་ཁབ་དམག་དོན་དྲ་རྒྱའི་ནང་ལྐོག་འཛུལ་བྱ་རྒྱུ་བཀག་ཟེར།
རྒྱ་ནག་གི་མཚོ་ཐོག་ཉེན་རྟོག་པས་རེས་གཟའ་ཟླ་བའི་ཉིན་ཐེ་ཝན་གྱི་ཅིན་མེན་ཉེ་འཁྲིས་སུ་སྤྲོ་འཆམ་བྱེད་བཞིན་པའི་ཐེ་ཝན་གྱི་ཡུལ་སྐོར་བའི་གྲུ་གཟིངས་ཤིག་བཙན་བཀག་གིས་ཞིབ་བཤེར་བྱས་ཏེ། ཐེ་ཝན་མི་དམངས་ཀྱི་སེམས་ལ་རྨ་ཁ་དང་འཇིགས་སྣང་སྐྱེས་བཅུག་སོང་ཞེས་གཟའ་མིག་དམར་ཉིན་ཐེ་ཝན་གྱི་མཚོ་ཐོག་ལས་དོན་ལྷན་ཁང་གིས་སྐྱོན་བརྗོད་བྱས།
ལྷོ་ཀོ་རི་ཡའི་གཞུང་གིས་གསོ་རིག་སློབ་གྲྭར་སློབ་ཕྲུག་གི་ས་མིག་ལོ་གཅིག་ལ་སྟོང་ཕྲག་གཉིས་མང་དུ་གཏོང་རྒྱུའི་ཐག་གཅོད་བྱས་པར་སྨན་པ་སྦྱོང་བརྡར་གནང་མཁན་སྟོང་ཕྲག་གཅིག་དང་དྲུག་བརྒྱ་ལྷག་གིས་ངོ་རྒོལ་མཚོན་ཆེད་ལས་མཚམས་བཞག་ཡོད་པ་དང་མང་པོས་ལས་ཀ་ནས་རྩ་དགོངས་ཞུ་རྒྱུའི་སྙན་ཞུ་བཏང་ཡོད་པ་རེད།
ཨ་རིའི་གྲོས་ཚོགས་འོག་མའི་ནང་ཡུག་ཀེ་རེན་སོགས་ལ་རོགས་དངུལ་སྤྲོད་ཕྱོགས་ཀྱི་ཁྲིམས་གཞི་ཐག་གཅོད་བྱ་རྒྱུ་ནར་འགྱངས་སུ་ལུས་ཡོད་པའི་སྐབས་འདིར། ཨུ་རུ་སུས་ཡུག་ཀེ་རེན་ལ་ཕར་རྒོལ་བྱ་རྒྱུར་ཤུགས་ཆེ་རུ་ཕྱིན་ཡོད་པ་བཅས་ཀྱི་གནས་ཚུལ་དཀོན་མཆོག་དོན་གྲུབ་ཀྱིས་སྙན་སྒྲོན་ཞུ་གི་རེད།
འཛམ་གླིང་མཉམ་འབྲེལ་རྒྱལ་ཚོགས་བདེ་འཇགས་ལས་འཛིན་ལྷན་ཁང་གིས་གྷ་ཛའི་ནང་འཕྲལ་དུ་མེ་འཕེན་མཚམས་འཇོག་དང་པ་ལི་སི་ཐན་གྱི་ཞི་བའི་མི་སེར་ཚོར་སྐྱོབ་གསོ་རོགས་རམ་གྱི་གྲོས་ཆོད་ཐད་བགྲོ་གླེང་བྱེད་བཞིན་པའི་སྐབས་འདིར། ཨི་སི་རེལ་གྱི་དཔུང་དམག་གིས་གྷ་ཛ་ལུང་གཤོངས་ཧན ཡུ་ནུ་ས་ཁུལ་དུ་འཐབ་འཁྲུག་དྲག་པོ་བྱེད་བཞིན་པ་རེད།
ཨུ་རུ་སུས་ཡུག་ཀེ་རེན་ལ་དམག་གི་བཙན་འཛུལ་བྱས་ནས་ལོ་གཉིས་འཁོར་བའི་སྐབས་འདིར། ཡུག་ཀེ་རེན་མི་དམངས་ཚོས་དམག་དོན་དང་ནོར་སྲིད་ཐད་ནས་རྒྱབ་སྐྱོར་ཡོང་ཐབས་ཀྱི་འབོད་སྐུལ་ཤུགས་ཆེ་བྱེད་བཞིན་ཡོད་ཀྱང་། ཨ་རིའི་གྲོས་ཚོགས་ཀྱིས་ཡུག་ཀེ་རེན་སྐོར་གྱི་རོགས་སྐྱོར་ཁྲིམས་འཆར་དེ་ཕར་འགྱངས་གནང་ཡོད་པ་སོཊ་ཀྱི་སྐོར་སྙན་སྒྲོན་ཞུས་ཡོད
ཨ་རི་དང་ཏུར་ཀི་གཉིས་ཀྱི་འབྲེལ་ལམ་བཟང་དུ་འགྲོ་བཞིན་པ་དང་བསྟུན་གལ་སྲིད་ཏུར་ཀི་ཡིས་ཨུ་རུ་སུ་ནས་ཉོས་པའི་མེ་ཤུགས་འཕུར་མདེལ་རྣམས་རྒྱལ་ཁབ་གསུམ་པར་འོར་འདྲེན་བྱེད་ན། ཨ་རིས་འཐབ་འཛིང་གནམ་གྲུ་གསར་ཤོས་གྲས་F-35 བཙོང་རྒྱུའི་ཁས་ལེན་བྱས་ཡོད་པ་རེད། དེའི་སྐོར་གྱི་གནས་ཚུལ་བསོད་ནམས་དབྱངས་འཛོམས་ཀྱིས་སྙན་སྒྲོན་ཞུ་གི་རེད།
ཆོ་འཕྲུལ་སྨོན་ལམ་ཆེན་མོ་དབུ་འཛུགས། དགེ་ཚུལ་སློང་གི་བསླབ་སྡོམ་འབོགས་སྩོལ། ཨོ་གླིང་རིག་གཞུང་དུས་ཆེན་ཐོག་བོད་མིའི་མཉམ་ཞུགས། རྒྱ་ནག་གིས་ཐེ་ཝན་གྱི་ས་ཁོངས་བདག་འཛིན་ཧམ་སེམས། པ་ལི་སི་ཐན་གྱི་རང་བཙན་ལ་ཨི་སི་རེལ་གྱི་ངོ་རྒོལ།
མང་སྣོན།
