༄༅།། ད་ལོའི་ཕྱི་ཟླ་༢་པའི་ཚེས་༢༤་ཉིན་ཨུ་རུ་སུས་ཡུཀ་རེན་ལ་བཙན་འཛུལ་བྱས་ནས་དམག་འཁྲུག་ལངས་པའི་མགོ་སྟོད་དེར་ཨུ་རུ་སུའི་དམག་མི་བརྒྱ་ཕྲག་མང་པོ་འཐབ་འཁྲུག་ལ་མ་ཞུགས་པར་གཡོལ་ཐབས་བྱས་པའམ། ཡང་ན་གོང་རིམ་གྱི་བཀའ་ལ་གྱེན་ལྡོག་བྱས་ནས་དམག་འཁྲུག་བརྒྱབ་མེད་པའི་ཡིག་ཆ་ཞིག་ཕྱི་ལ་གྱར་འདུག
རྒྱ་ནག་གི་ཕྱི་སྲིད་བློན་ཆེན་ཝང་དབྱི་གཟའ་འཁོར་སྔོན་མ་ནས་ཞི་བདེ་རྒྱ་མཚོའི་མངའ་ཁུལ་གྱི་རྒྱལ་ཁབ་ཁག་ལ་འཚམས་འདྲིར་བསྐྱོད་ནས་རྒྱལ་ཁབ་བྱེ་བྲག་པ་རེ་དང་རྒྱ་ནག་གིས་ཚོང་ལས་སོགས་ཀྱི་གྲོས་མཐུན་ཆུང་ཁག་རེ་འཇོག་ཐུབ་ཡོད་ཀྱང་ཐུན་མོང་གི་གྲོས་མཐུན་ཆེན་པོ་ཞིག་འཇོག་མ་ཐུབ།
༄༅།། ཕུ་ཊིན་གྱིས་ཡུཀ་རེན་ལ་བཙན་འཛུལ་བྱེད་དུ་བཅུག་སྟེ་དམག་འཁྲུག་བསླངས་ནས་ཟླ་བ་༣་ལྷག་འགྲོ་བཞིན་པའི་སྐབས་འདིར་ཨུ་རུ་སུའི་འཐབ་མོ་བ་ཚོར་ཡུཀ་རེན་གྱི་དམག་ས་ཁག་ཏུ་བསད་རྨས་ཚབས་ཆེན་ཕོག ད་དུང་ཨུ་རུ་སུའི་དམག་ལ་འཚོ་བ་དང་སྨན་བཅོས་ཀྱི་མཐུན་རྐྱེན་འདང་ངེས་མེད་པར་དཀའ་ངལ་ཆེན་པོ་འཕྲད་ཀྱི་ཡོད་པའི་གནས་ཚུལ་ཐོན།
ཡུཀ་རེན་གྱི་སྲིད་འཛིན་ཛེ་ལན་སི་ཀིས་ཞི་བའི་གྲོས་མོལ་བྱས་ནས་དམག་འཁྲུག་མཚམས་འཇོག་བྱ་རྒྱུ་དེར་ལྷག་བསམ་རྣམ་དག་ཡིན། འོན་ཀྱང་ཨུ་རུ་སུའི་སྲིད་འཛིན་ཕུ་ཊིན་འཕྲུལ་སྣང་གི་ཀློང་དུ་ཚུད་ནས་དོན་དངོས་ཀྱི་ཁོར་ཡུག་ཅིག་ལ་འབབ་ཐུབ་ཀྱི་མི་འདུག ཨུ་རུ་སུར་ལྷག་བསམ་རྣམ་དག་གིས་གྲོས་མོལ་བྱེད་འདོད་ཡོད་པའི་རྟགས་མཚན་མི་འདུག
༄༅།། ཡུཀ་རེན་གྱི་དམག་ས་ཁག་ཏུ་ཨུ་རུ་སུར་ཕམ་ཉེས་ཆེན་པོ་བྱུང་སྟེ་དམག་དཔུང་ཁ་སྣོན་མེད་པའི་དཀའ་ངལ་འཕྲད། ཨུ་རུ་སུའི་དམག་གྲངས་མང་དུ་གཏོང་བར་སྐྱེས་པ་ལོ་ན་༡༨་ནས་༦༥་བར་དུ་སོན་པ་རྣམས་དམག་ཁོངས་སུ་ཞུགས་ཆོག་པའི་ལོ་ཚད་སྤར།
ཕྱི་ཟླ་༥་པའི་ཚེས་༢༦་ཉིན་བལ་ཡུལ་གྱི་ཀ་ཐ་མན་རྡུ་ཡིག་ཟམ་ཚགས་པར་ལ་གནས་ཚུལ་ཐོན་པ་ལྟར་ན། རྒྱ་ནག་དང་བལ་ཡུལ་གྱི་གྲོས་མོལ་ཚོགས་འདུ་ཐེངས་༡༤་པའི་ཐོག་ཏུ་རྒྱ་ནག་གཞུང་གིས་བལ་ཡུལ་ལ་ཕྱི་ནང་གི་ཤུགས་རྐྱེན་ཅི་ཞིག་ཡིན་རུང་རྒྱ་ནག་གཅིག་གི་རྩ་དོན་ལ་དོ་ཕོག་འགྲོ་རུ་འཇུག་མི་ཉན་ཞེས་དྲན་སྐུལ་བྱས་འདུག
རྒྱ་གར་གྱི་ཧི་མ་ཅལ་མངའ་སྡེའི་ཁོངས་སུ་གཏོགས་སུ་གར་ཞྭ་དང་སྤི་ཏེ་གཉིས་ལ་ཡུན་རིང་ཐན་པ་བྱུང་སྟེ་ཆར་ཆུ་ཇེ་དཀོན་དུ་གྱུར།
ཨ་རིའི་གྲོས་ཚོགས་གོང་མའི་འཐུས་མི་ཚོས་སྲིད་འཛིན་བྷ་ཌན་ལ་སྙན་ཞུ་ཞིག་ཕུལ་ནས་ཨ་མི་རི་ཀས་ཧྥིན་ལན་ཌི་དང་སུད་ཌེན་གཉིས་ཀྱི་བདེ་འཇགས་སྲུང་སྐྱོབ་འགན་ལེན་བྱ་རྒྱུ་དེར་རྒྱབ་སྐྱོར་ཆ་ཚང་ཡོད།
རྒྱ་གར་གྱི་ཨ་རུ་ན་ཅལ་མངའ་སྡེའི་སྤྱི་ཁྱབ་བློན་ཆེན་པདྨ་མཁའ་འགྲོས་རྒྱ་གར་དབུས་གཞུང་གིས་ཁྱིམ་མཚེས་རྒྱལ་ཁབ་ཁག་ཨང་དང་པོར་བརྩི་དགོས་པའི་སྲིད་ཇུས་ཤིག་འཛིན་གྱི་ཡོད་པ་ལྟར་ཨ་རུ་ན་ཅལ་མངའ་སྡེ་གཞུང་གིས་འབྲུག་ཡུལ་ལ་ཚོང་འབྲེལ་ཡར་རྒྱས་གཏོང་རྒྱུའི་འབད་བརྩོན་བྱེད་ཀྱི་ཡོད་ཅེས་གཏམ་བཤད་གནང་འདུག
ཨ་རིའི་སྐམ་མཚོ་གནམ་གསུམ་གྱི་དམག་དཔུང་སྤྱི་ཁྱབ་བཀོད་འདོམས་པ་དམག་སྤྱི་མར་ཁེ་མེ་ལིས་ང་ཚོས་ཡུཀ་རེན་གྱི་དམག་ལ་སྦྱོང་བརྡར་ཇི་ལྟར་སྤྲོད་དགོས་མིན་བསམ་ཞིབ་བྱེད་བཞིན་ཡོད།
༄༅།། ཨ་རིའི་གྲོས་ཚོགས་གོང་མས་ཡུཀ་རེན་ལ་ཨ་སྒོར་ཐེམ་འབུམ་༤༠་ཐམ་པའི་རོགས་སྐྱོར་སྤྲོད་རྒྱུའི་ཁྲིམས་ཡིག་དེར་མོས་མཐུན་གྱི་གྲོས་ཆོད་བཞག ཉིན་ཤས་གོང་དུ་ཨ་རིའི་གྲོས་ཚོགས་འོག་མས་ཁྲིམས་ཡིག་དེར་མོས་མཐུན་གྱི་འོས་ཤོག་འཕངས།
འདས་པའི་ཉི་མ་༨༢་ལ་ཡུཀ་རེན་གྱི་དམག་གིས་ལྷོ་ཕྱོགས་ཀྱི་མ་རི་ཨུ་པུལ་གྲོང་ཁྱེར་དུ་ཨུ་རུ་སུའི་བཙན་འཛུལ་བཀག་ནས་འཐབ་འཁྲུག་དྲག་པོ་བརྒྱབ། གཟའ་མིག་དམར་ཉིན་ཡུཀ་རེན་གྱི་དམག་གི་འགོ་ཁྲིད་ཚོས་དྭངས་ལྕགས་བཟོ་གྲྭ་དེར་རྨས་སྐྱོན་ཕོག་ཡོད་པའི་དམག་མི་རྣམས་སྐྱོབ་ཐབས་སུ་གྲོང་ཁྱེར་དེའི་འཐབ་མོ་བ་ཚོས་ཨུ་རུ་སུར་མགོ་སྒུར་དགོས།
རྒྱ་གར་ཤར་ཕྱོགས་སུ་ཆགས་པའི་ཨ་རུ་ན་ཅལ་མངའ་སྡེའི་རྟ་དབང་རྫོང་གི་མཁའ་འགྲོ་འགྲོ་བ་བཟང་མོ་སྨན་ཁང་དུ་སྨན་པ་དྷུ་ཁམ་མ་གུ་ཞེས་པ་ཞིག་དང་སྨན་བཅོས་རུ་ཁག་ཅིག་གིས་སྐྱེས་པ་ཞིག་གི་དཔྱི་མགོ་ཆ་ཚང་བརྗེ་པོ་སློག་པའི་གཤག་བཅོས་བྱས་ནས་གྲུབ་འབྲས་གང་ལེགས་ཐོན་ཡོད་པའི་གནས་ཚུལ་ཐོན་འདུག
༄༅།། ཡུ་རོབ་བྱང་ཕྱོགས་ཀྱི་རྒྱལ་ཁབ་སུད་ཌེན་གྱིས་ལོ་༢༠༠་ལྷག་ལ་ཕྱོགས་སྒྲིག་སྤངས་པའི་སྲིད་ཇུས་བཟུང་བ་མཇུག་སྒྲིལ་ཏེ་ནུབ་ཆིངས་དམག་དོན་སྒྲིག་འཛུགས་ཁོངས་སུ་ཞུགས་རྒྱུའི་གསལ་བསྒྲགས་སྤེལ།
བྱང་ཀོ་རི་ཡའི་དམར་ཤོག་འགོ་ཁྲིད་ཀིམ་འཇོང་ཨུན་གྱིས་རྒྱལ་ཁབ་དེའི་དམག་གི་སྨན་རྣམས་རྒྱལ་ས་ཕིང་དབྱང་ལ་སྐྱེལ་འདྲེན་བྱ་དགོས། ཏོག་དབྱིབས་ནད་དུག་ཁྱབ་གདལ་འགྲོ་བཞིན་ཡོད་ཀྱང་གཞུང་གི་འབྲེལ་ཡོད་ཚན་པ་ཁག་གིས་འགན་འཁྲི་ལེན་གྱི་མེད་པ་ནི་ཧ་ཅང་གི་ཐབས་རྡུགས་ཤིག་རེད་ཅེས་ཚོགས་གཏམ་བཏང་ཡོད་པའི་གནས་ཚུལ་ཐོན།
ཐེངས་འདིའི་ཨ་རིའི་རླུང་འཕྲིན་ཁང་གི་རྩོམ་སྒྲིག་པའི་གཏམ་ཚོགས་ལེ་ཚན་ལ་ཡུཀ་རེན་གྱི་དམག་ས་ཁག་ཏུ་བྷུ་རི་ཡའི་དམག་མིར་སྲོག་སྐྱོན་ཚབས་ཆེན་འཕོག་གི་ཡོད་པ་དང་ཨུ་རུ་སུར་ཕམ་ཉེས་བྱུང་དོན། ཨུ་རུ་སུའི་དམག་སྤྱི་ཚོར་སྲོག་སྐྱོན་དང་ཨ་རི། སྲིད་འཛིན་ཕུ་ཊིན་གྱི་ཧམ་སེམས་དང་གཟུགས་ཁམས་བདེ་ཐང་ཡོད་མེད་བཅས་པ་གསལ་བཀྲོལ་ཞུས་ཡོད།
ཡུ་རོབ་བྱང་ཕྱོགས་ཀྱི་རྒྱལ་ཁབ་ཧྥིན་ལན་ཌི་ནར་འགྱངས་མེད་པར་ནུབ་ཆིངས་དམག་དོན་སྒྲིག་འཛུགས་ཁོངས་སུ་ཞུགས་རྒྱུའི་ཐག་བཅད། གཟའ་ཕུར་བུའི་ཕྱི་དྲོར་མཉམ་འབྲེལ་གསར་ཁང་གིས་གནས་ཚུལ་སྤེལ་བ་ལྟར་ན། ཧྥིན་ལན་ཌིའི་སྲིད་འཛིན་དང་སྲིད་བློན་གཉིས་ཀྱིས་ང་ཚོས་ནུབ་ཆིངས་དམག་དོན་སྒྲིག་འཛུགས་ཁོངས་སུ་ཞུགས་རྒྱུའི་ཐག་གཅོད་བྱས་པ་ཡིན།
ཡུཀ་རེན་གྱི་དམག་ས་ཁག་ཏུ་ཨུ་རུ་སུའི་དམག་མིར་སྲོག་སྐྱོན་འཕོག་གི་ཡོད་པའི་གྲངས་འབོར་ཤིན་ཏུ་མཐོ་ཞིང་། དམིགས་བསལ་སྒོས་བྷུ་རི་ཡ་དང་ཐུ་ཝ། ཀལ་མུག་ས་ཁུལ་གྱི་གྲངས་ཉུང་མི་རིགས་དང་ཌ་གྷེ་སི་ཐན། ཆེ་ཆི་ཎི་ཡའི་ཁ་ཆེ་སོགས་གྲངས་ཉུང་མི་རིགས་ཀྱི་དམག་མི་ཚོར་སྲོག་སྐྱོན་འཕོག་གི་ཡོད་པའི་གྲངས་འབོར་དེ་བས་ཀྱང་མཐོ་བའི་གནས་ཚུལ་ཐོན
༄༅།། ཨ་རིའི་གསང་བའི་ལས་ཁུངས་ཁག་གི་སྤྱི་ཁྱབ་འགན་འཛིན་ཨ་ཝ་རེལ་ཧེ་ཛེས་གྲོས་ཚོགས་གོང་མའི་དམག་དོན་ཚོགས་ཆུང་ལ་ཨུ་རུ་སུའི་སྲིད་འཛིན་ཕུ་ཊིན་གྱིས་དམག་འཁྲུག་ཡུན་བསྲིང་རྒྱུའི་ཉེན་ཁ་འདུག མ་འོངས་པའི་ཟླ་ཤས་ནང་ཡུཀ་རེན་གྱི་དམག་འཁྲུག་དེ་སྔར་ལས་ཛ་དྲག་ཆེ་བ་དང་མི་གསོད་ཁྲག་སྦྱོར་ཚབས་ཆེན་ཞིག་ཏུ་འབྱུང་རྒྱུའི་ཉེན་ཁ་ཆེ།
༄༅།། རྒྱ་ནག་གིས་ཏོག་དབྱིབས་ནད་དུག་སྔོན་འགོག་ཆེད་དུ་འགྲོ་འོང་བཀག་སྡོམ་ནན་པོ་བྱ་དགོས་པའི་སྲིད་ཇུས་ཤིག་ལག་ལེན་བསྟར། ནུབ་ཕྱོགས་ཀྱི་ཚོང་ལས་མཐུན་ཚོགས་ཁག་གི་སྐུ་ཚབ་ཚོགས་པ་ཞིག་གིས་རྒྱ་ནག་ལ་སྒོ་རྒྱ་བསྡམས་ཡོད་པ་ལྷོད་ཡངས་གཏོང་དགོས།
མང་སྣོན།
