སྲིད་འཛིན་པུ་ཊིན་གྱིས་དམག་མི་འབུམ་གསུམ་ཐོལ་པ་ཡུག་ཀེ་རན་གྱི་དམག་ནང་གཏོང་རྒྱུའི་འཆར་གཞི་ཡོད་པ་དེ་ནི་ཨུ་རུ་སུའི་དམག་གི་ནུས་པ་སྐྱོ་རུ་འགྲོ་བཞིན་པའི་རྟགས་མཚན་རེད་ཅེས་ཨ་རིའི་གཞུང་གི་མཐོ་རིམ་ལས་བྱེད་ཚོས་བརྗོད་ཡོད། ཨ་རིའི་རླུང་འཕྲིན་ཁང་གི་གསར་འགྱུར་འདི་བསོད་ནམས་དབྱངས་འཛོམས་ཀྱིས་སྙན་སྒྲོན་ཞུ་གི་རེད།
འཛམ་གླིང་གསར་འགྱུར་གཞན་ཁག་ནང་ཨི་རན་རྒྱལ་ཡོངས་སུ་བུད་མེད་ཚོས་ངོ་རྒོལ་བྱེད་བཞིན་པ་དང་། ཀམ་བྷོ་ཌི་ཡའི་དམར་ཤོག་འགོ་ཁྲིད་ཟུར་པར་ཁྲིམས་བཅད་རང་སོར་བཞག་པ། ཡུ་རོབ་སྤྱི་མཐུན་གྱིས་ཡུག་ཀེ་རན་ལ་དམག་རོགས་སྤྲོད་རྒྱུ་བཅས་ཡོད།
བྷེ་ལ་རུ་སུའི་ཕྱོགས་འགལ་ཚོགས་པའི་འགོ་ཁྲིད་ནི་ལོ་འདིའི་མཉམ་འབྲེལ་རྒྱལ་ཚོགས་ཀྱི་རྒྱས་འཛོམས་ཚོགས་ཆེན་ཐོག་ཡུ་རོབ་རྒྱལ་ཁབ་ཀྱི་སྐུ་ཚབ་ཁོངས་ནས་བཅར་ཡོད། ཁོང་གིས་སྲིད་འཛིན་པུ་ཊིན་གྱིས་སུ་ཝེ་ཨེ་དུས་རབས་ལ་ཕྱིར་ལོག་པའི་ཐབས་ཤེས་གཏོང་གི་ཡོད་ཀྱང་། བྷེ་ལ་རུ་སུ་ནི་ཨུ་རུ་སུའི་ལྷན་ཐབས་ཆགས་མི་སྲིད་ཟེར།
ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་༧གོང་ས་མཆོག་གིས་ཉིན་གཉིས་རིང་དབུ་མ་འཇུག་པ་དང་དེའི་རང་འགྲེལ་གྱི་བཀའ་ཆོས་གནང་བ་དང་། ཨ་རིའི་གྲོས་ཚོགས་སུ་ཐེ་ཝན་ལ་རྒྱབ་སྐྱོར། དབྱིན་ཇིའི་རྒྱལ་མོར་མྱ་ངན། མཉམ་འབྲེལ་རྒྱལ་ཚོགས་ཀྱི་རྒྱས་འཛོམས་ཚོགས་ཆེན། ཨུ་རུ་སུ་དང་རྒྱ་ནག་འགོ་ཁྲིད་ཀྱི་ཐུག་འཕྲད་སོགས་ཡོད།
གཟའ་ལྷག་པའི་ཉིན་ལོན་ཌོན་གྱི་ཕོ་བྲང་ནས་གནའ་བོའི་ཚོགས་ཁང་ཆེན་མོ་བར་རྒྱལ་མོའི་པུར་སྒམ་གདན་འདྲེན་ཞུས་ནས་ཉིན་བཞི་ཡི་རིང་ལ་མི་དམངས་རྣམས་ཀྱིས་མྱ་ངན་དང་མཇལ་ཁ་ཞུ་བཞིན་ཡོད་པ་དང་། གཟའ་ཟླ་བའི་ཉིན་སྲིད་འཛིན་ཇཱོ་ བྷ་ཌན་དབུས་པའི་རྒྱལ་ཁབ་མང་པོའི་སྲིད་འཛིན་རྣམས་འདས་མཆོད་མཛད་སྒོར་ཕེབས་རྒྱུ་ཚོད་དཔག་བྱེད་ཀྱི་ཡོད་པ་རེད།
ཐེངས་འདིའི་འཛམ་གླིང་གསར་འགྱུར་གཞན་ཁག་ནང་བོད་སར་ཏོག་དབྱིབས་དམ་དྲག་ལ་བརྟེན་མང་ཚོགས་ལ་དཀའ་ངལ་ཆེ་རུ་སོང་བ་དང་། ཨ་རིའི་མེ་འཁོར་ལྕགས་ལམ་གྱི་ལས་མཚམས་ངོ་རྒོལ་སྔོན་འགོག་བྱས་ཐུབ་པ། ཡུག་ཀེ་རན་ཤར་ཕྱོགས་དང་ལྷོ་ཕྱོགས་ནས་ཕར་རྒོལ་དམག་ལ་རྒྱལ་ཁ་ཐོབ་པ་བཅས་ཡོད།
ཨུ་ཛུ་བྷེ་ཀི་སི་ཏན་གྱི་གནའ་བོའི་རྒྱལ་ས་ས་མར་ཀན་ཌི་རུ་ཧྲང་ཧེ་མཉམ་འབྲེལ་ཚོགས་པའི་ཚོགས་ཆེན་ཉིན་གཉིས་ལ་འཚོག་རྒྱུ་ཡིན་པ་དང་། ཨུ་རུ་སུས་ཡུག་ཀེ་རན་ལ་བཙན་འཛུལ་བྱས་པར་བརྟེན་ནུབ་ཕྱོགས་ཀྱིས་དཔལ་འབྱོར་ཉེས་ཆད་བཅད་ནས་ཁེར་རྐྱང་ཆགས་བཞིན་པའི་སྐབས་སུ་ཨུ་རུ་སུས་རྒྱ་ནག་དང་འབྲེལ་བ་ནུས་ཤུགས་ཆེ་རུ་གཏོང་རྩིས་ཡོད།
དབྱིན་ཡུལ་གྱི་རྒྱལ་མོ་ཨི་ལི་ཛེ་བེ་ཐི་གཉིས་པ་མཆོག་སི་ཁོ་ཊི་ལེན་ཌི་རུ་སྐུ་གཤེགས་རྗེས་གཟའ་མིག་དམར་ཉིན་མི་དམངས་ཀྱིས་རྒྱལ་ས་ Edinburghརུ་མྱ་ངན་གུས་འདུད་ཞུས་པ་དང་། པུར་སྒམ་གྲོང་ཁྱེར་ལོན་ཌོན་དུ་འབྱོར་མཚམས་སུ་དབྱིན་ཇིའི་མི་དམངས་ཀྱིས་རྒྱལ་མོ་མཆོག་ལ་མྱ་ངན་ཞུས་འདུག
ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་དབྱིན་ཇིའི་རྒྱལ་མོ་གཤེགས་པར་མྱ་ངན་དང་། སྲིད་སྐྱོང་གིས་གྲོས་ཚོགས་སུ་བོད་ཀྱི་གནས་བབ་སྐོར་ལ་དྲིས་ལན། ཡུག་ཀེ་རན་ནང་གི་རྡུལ་ཕྲན་གློག་ཁང་ལ་རྟོག་ཞིབ། ཡུ་གུར་བུད་མེད་ཅིག་གིས་ཞིན་ཅང་དུ་བཀག་སྐྱིལ་ཁང་ནང་མྱངས་པའི་དཀའ་སྡུག་ངོ་སྤྲོད་སོགས་ཡོད།
ཐེངས་འདིའི་འཛམ་གླིང་གསར་འགྱུར་གཞན་ཁག་ནང་རྒྱལ་སྤྱིའི་གསར་ལམ་ནང་རྒྱ་ནག་གིས་ཤུགས་རྐྱེན། ཨ་རིའི་ཕྱི་སྲིད་དྲུང་ཆེས་གློ་བུར་དུ་ཡུག་ཀེ་རན་ནང་སྐོར་སྐྱོད། བོད་ཁམས་ལྕགས་ཟམ་དུ་ས་འགུལ་རྐྱེན་གྱི་ཆག་སྒོ། རྒྱ་གར་དང་ཉི་ཧོང་གི་བློན་ཆེན་དབར་གྲོས་མོལ་བཅས་ཡོད།
ཉེ་ཆར་ཨེ་སི་རེལ་གཞུང་གིས་པ་ལི་སི་ཐན་མི་རིགས་ཡིན་པའི་གསར་འགོད་པ་ཞིག་བསད་པའི་སྐོར་ལ་གསལ་བཤད་གནང་པ་དང་དུས་མཚུངས། ཨ་མི་རི་ཀའི་ཕྱི་སྲིད་ལྷན་ཁང་གིས་ཨ་མི་རི་ཀའི་གཞུང་གིས་ཨི་སི་རེལ་དམག་མི་ཚོས་ནུབ་མཚོ་ཁར་ཁྲིམས་སྲུང་སྐབས་གསར་འགོད་པ་དང་མི་སེར་ལ་ཉེན་ཁ་བཟོ་རྒྱུ་མེད་པའི་ནན་སྐུལ་བྱེད་རྒྱུ་ཡིན་ཅེས་ལན་འདེབས་གནང་།
ཨ་མི་རི་ཀའི་ས་གཤིས་ཞིབ་འཇུག་ལས་ཁུངས་ཀྱིས་རྩིས་སྟངས་ལྟར་ན་བོད་ཤར་ཕྱོགས་སི་ཁྲོན་དཀར་མཛེས་ཁུལ་ལྕགས་ཟམ་རྫོང་གི་ཉེ་འགྲམ་དུ་གཟའ་ཟླ་བའི་ཉིན་གུང་ས་འགུལ་ཤུགས་ཚད་ 6.6 རྒྱུགས་ཡོད་པ་དང་། ཉེ་འཁོར་གཡག་རྔ་གྲོང་ཁྱེར་དུ་ས་འགུལ་རྒྱུག་ནས་མི་ལ་འཆི་རྨས་བྱུང་པ་སོགས་ཀྱི་སྐོར་བསོད་ནམས་དབྱངས་འཛོམས་ཀྱིས་སྙན་སྒྲོན་ཞུ་གི་རེད།
ཡུག་ཀེ་རན་ལ་ཨུ་རུ་སུས་བཙན་འཛུལ་བྱས་པར་བརྟེན་ཨུ་རུ་སུ་དང་རྒྱ་ནག་གི་འབྲེལ་ལམ་བཟང་དུ་ཕྱིན་ཡོད་རེད་ཅེས་སྙན་ཐོ་གསར་པ་ཞིག་ནང་གསལ་ཡོད་པ་མ་ཟད། མ་འོངས་པར་འཁྲུག་རྩོད་གསར་པ་ལངས་སྐབས་ཕན་ཚུན་རྒྱབ་སྐྱོར་བྱེད་སྲིད་པའི་སྐོར་ཨ་རིའི་རླུང་འཕྲིན་ཁང་གི་གནས་ཚུལ་བསོད་ནམས་དབྱངས་འཛོམས་ཀྱིས་ཕབ་སྒྱུར་དང་སྙན་སྒྲོན་ཞུ་གི་རེད།
ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་མཉམ་འབྲེལ་རྒྱལ་ཚོགས་ཀྱིས་ཤིན་ཅང་དང་འབྲེལ་བའི་སྙན་ཐོ་སྤེལ་བ་དང་། ༧གོང་ས་མཆོག་གིས་གྷོར་བྷ་ཆོབ་ཀྱི་ནང་མིར་ཐུགས་གསོ། བོད་ཀྱི་མང་གཙོའི་དུས་ཆེན་སྲུང་བརྩི། ཆབ་སྲིད་བཙོན་པ་ཞིག་གློད་གྲོལ། རྒྱ་གར་རྒྱ་མཚོ་ནས་ཞི་བདེ་རྒྱ་མཚོའི་རྒྱལ་ཁབ་དག་གི་གདམ་ག་སོགས་ཡོད།
ཨ་རི་དང་རྒྱ་ནག་གཉིས་བར་འགལ་ཟླ་ཆགས་པའི་སྐབས་འདིར་རྒྱ་གར་དང་ཞི་བདེ་རྒྱ་མཚོའི་ཁུལ་གྱི་རྒྱལ་ཁབ་ཁག་གི་གནས་སྟངས་ཁག་པོ་ཆགས་ཡོད། འོན་ཀྱང་ཨིན་ཌོ་ནེ་ཤི་ཡ་ལྟ་བུ་རྒྱལ་ཁབ་ཁག་གིས་ཨ་རི་དང་རྒྱལ་སྲུང་གི་འབྲེལ་ལམ་ཡག་ཏུ་གཏོང་བ་དང་། ཕྱོགས་གཞན་ནས་རྒྱ་ནག་དང་མཉམ་དུ་འབྲེལ་ལམ་སྡུག་ཏུ་མི་འགྲོ་རྒྱུའི་ཐབས་ཤེས་གཏོང་བཞིན་ཡོད།
རྒྱལ་སྤྱིའི་རྡུལ་ཕྲན་ནུས་ཤུགས་ལས་ཁུངས་ཀྱི་འགོ་ཁྲིད་ཀྱིས་རྡུལ་ཕྲན་འོད་རླབས་ཁྱབ་པའི་ཉེན་ཁ་ཆེན་པོར་གྱུར་ཡུལ་ཡུག་ཀེ་རན་གྱི་ལྷོ་ཕྱོགས་སུ་ཆགས་པ་Zaporizhzhia རྡུལ་ཕྲན་གློག་ཁང་ལ་རྟོག་ཞིབ་གནང་ཆེད་ཡུག་ཀེ་རན་ལ་ཕེབས་འདུག དེའི་རིང་ཡུག་ཀེ་རན་གྱི་ཧེར་སོན་ཟེར་བའི་གྲོང་ཁྱེར་དེ་ཚུར་ལེན་ཆེད་དམག་རྒྱག་བཞིན་པ་རེད།
ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་༧གོང་ས་མཆོག་ལ་དྭགས་ནས་ལྡི་ལིར་ཞབས་སོར་འཁོད་པ་དང་། ༧གོང་ས་མཆོག་གི་སྒྲིག་འཛུགས་ཀྱི་གལ་གནད། ཡུག་ཀེ་རན་དམག་འཁྲུག་གིས་འཛམ་གླིང་ལ་ཤུགས་རྐྱེན་དང་ཨ་རིའི་རོགས་སྐྱོར་འཕར་མ། ཨ་རིའི་དམག་དཔུང་ཨབ་གྷ་ཎི་སི་ཐན་ནས་ཕྱིར་འཐེན་བྱས་པའི་མཇུག་འབྲས་སོགས་ཡོད།
ཀུན་གླེང་གི་གསར་འགྱུར་གཞན་ཁག་ནང་རྒྱ་ནག་གཞུང་གིས་ཤིན་ཅང་གི་གནས་ཚུལ་ངོ་མ་བཀག་སྡོམ་བྱས་པ་དང་། འབྲི་ཆུ་གཙང་པོ་འམ་རྒྱ་ནག་ནང་ཡང་ཙེ་གཙང་པོ་སྐམ་ནས་ཁྲུང་ཆིང་ནས་བྲག་རྡོ་སྟེང་ནང་པའི་སྐུ་འདྲ་བརྙེད་པ་དང་། ཀོ་སོ་ཝོ་དང་སར་སྦི་ཡ་དབར་རྩོད་རྙོག་གསར་པ་ལྷག་པའི་གནས་ཚུལ་གལ་ཆེན་སྙིང་བསྡུས་བྱས་པ་གཤམ་ལ་གཟིགས་རོགས་གནང་།
ཨུ་རུ་སུ་ནས་ཡུག་ཀེ་རན་གྱི་ས་ཐོག་ལ་འཕེན་པའི་མེ་ཤུགས་འཕུར་མདེལ་ནང་ཨ་རི་དང་ཉི་ཧོང་སོགས་ནས་བཟོས་པའི་སྟངས་འཛིན་བྱེད་རྒྱུའི་འཕྲུལ་རིག་གི་ཅ་ལག་བེད་སྤྱོད་བཏང་ཡོད་པའི་སྐོར་དབྱིན་ཡུལ་གྱི་ཚོགས་པ་ཞིག་གིས་ཞིབ་འཇུག་བརྒྱུད་ཤེས་ཡོད་པའི་སྐོར། བསོད་ནམས་དབྱངས་འཛོམས་ཀྱིས་ཕབ་བསྒྱུར་དང་སྙན་སྒྲོན་ཞུ་གི་རེད།
ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་གཞིས་བཞུགས་བོད་མི་རྣམས་ལ་ནད་ཡམས་ཀྱི་ཁྲོད་འདིར་ཡིད་གཟབ་གནང་དགོས་པ་དང་། ཡུག་ཀེ་རན་དང་འབྲེལ་བའི་གྲོས་མོལ། ཨི་རན་གྱི་རྡུལ་ཕྲན་ལས་འཆར། རྒྱ་ནག་གི་ཉི་གློག་བཟོ་ལས་ལ་གདོང་ལེན། ལྷོ་ཀོ་རི་ཡ་དང་ཉི་ཧོང་གི་ཐུན་མོང་བདེ་འཇགས། ཨབ་གྷ་ཎི་སི་ཐན་ལ་རོགས་སྐྱོར་སོགས་ཡོད།
མང་སྣོན།
