ཀུན་གླེང་ལས་རིམ་དུ་ཕུན་ཚོགས་ལྷུན་གྲུབ་ཀྱིས་སཱ་ར་བོད་ཀྱི་མཐོ་སློབ་ཀྱི་ལོ་རྒྱུས་སློབ་དཔོན་འབུམ་རམས་པ་གཙང་ཕྲུག་སྟོབས་དང་། ཕྱི་དྲིལ་བོད་ཀྱི་འགྲེམ་སྟོན་ཁང་གི་འགན་འཛིན་བསྟན་འཛིན་སྟོབས་ལྡན་རྣམ་གཉིས་གདན་འདྲེན་ཞུས་ནས་བོད་ཀྱི་ཊམ་ཀ་དང་ཤོག་དངུལ་གྱི་ལོ་རྒྱུས་ཐད་བགྲོ་གླེང་ཞུས་ཡོད་པས་གསན་གཟིགས་གནང་བར་ཞུ།།
དཔེ་ཀློག་ལེ་ཚན་ནང་བོད་པ་ཀློག་པ་པོ་ཞིག་གི་ངོས་ནས། རྩོམ་པ་པོ་ཚེ་རིང་དབྱངས་འཛོམས་ཀྱིས་དབྱིན་ཡིག་ནང་བྲིས་པའི་བརྩམས་སྒྲུང་གྲགས་ཅན་ང་ཚོའི་ལུས་པོས་ས་གཞིར་ཚད་འཇལ་ཞེས་པའི་དཔེ་དེབ་བཀླགས་པའི་མྱོང་ཚོར་དང་། དེའི་བརྗོད་བྱ། སྒྱུ་རྩལ་ཁྱད་ཆོས་སོགས་ཀྱི་ཐད་འདི་གའི་རྩོམ་སྒྲིག་པ་རྡོ་རྗེ་ཚེ་བརྟན་ལགས་སུ་གླེང་མོལ་ཞུས་ཡོད།
དེ་རིང་གི་ཀུན་གླེང་ལས་རིམ་ནང་ལ་བཙན་བྱོལ་ནང་གི་བོད་ཀྱི་སྐད་ཡིག་དང་རིག་གནས། རིག་གཞུང་ཞིབ་འཇུག་སོགས་ཀྱི་གནས་སྟངས་ཐད། ཝ་རཱ་ཎ་སི་དབུས་བོད་ཀྱི་གཙུག་ལག་སློབ་གཉེར་ཁང་གི་ཉེ་བའི་རིགས་བདག་ཟུར་པ་སློབ་དཔོན་དགེ་བཤེས་ངག་དབང་བསམ་གཏན་ལགས་འདི་གའི་ཨ་རིའི་རླུང་ཁང་གི་བརྙན་ལེན་ཁང་ནང་དུ་གདན་འདྲེན་ཞུས་ནས་བགྲོ་གླེང་ཞུས་ཡོད།
ཨ་མེ་རི་ཀའི་ཨེ་མོ་རི་གཙུག་ལག་སློབ་གྲྭ་ཆེ་མོར་སྒོམ་སྒྲུབ་ཚན་རིག་དང་སྙིང་རྗེ་གཞི་རྩར་བཟུང་བའི་བཟང་སྤྱོད་ཀྱི་བསྟི་གནས་ཁང་ཚུགས་ནས་ལོ་ངོ་ཉི་ཤུ་རྩ་ལྔ་འཁོར་བའི་དུས་དྲན་དང་། བོད་པའི་སློབ་གྲྭ་ཁག་ཏུ་སཱི་ཤེས་ཡོན་སློབ་གསོ་ཁྱབ་སྤེལ་བཏང་བའི་དགེ་མཚན་སོགས་ཀྱི་ཐད་ལ་བགྲོ་གླེང་ཁག་ཅིག་ཞུས་ཡོད།
ཡུ་རོབ་ཀྱིས་དྲོད་རྫས་ཕྱིར་གཏོང་ཚད་ཉུང་དུ་གཏོང་ཐབས་བྱེད་བཞིན་པ་དང་བསྟུན་ནས་རྒྱ་ནག་གི་གློག་རྫས་ལ་བརྟེན་རྒྱུ་མང་དྲགས་པ་ཆགས་སྲིད་པའི་ཉེན་ཁ་ཡོད་པ་དང་། མ་འོངས་ལོ་འགའ་ཤས་རིང་ལ་ཉེན་ཁ་དེ་ཇེ་ཆེར་འགྲོ་རྒྱུ་ཡིན་པའི་སྐོར་ཕུན་ཚོགས་ལྷུན་གྲུབ་ལགས་ཀྱིས་སྙན་སྒྲོན་ཞུས་ཡོད།
ཐེངས་འདིའི་དཔེ་ཀློག་ལེ་ཚན་ལ་འབྲི་གུང་༧སྐྱབས་མགོན་རིན་པོ་ཆེ་མཆོག་གིས་རྩོམ་སྒྲིག་མཛད་པའི་ཨརྱན་འབྲོག་པའི་ལོ་རྒྱུས་ཤིན་ཏུ་བསྡུས་པ་བཞུགས་སོ་ཞེས་པའི་ཕྱག་དེབ་ཀྱི་བརྗོད་བྱ་སོགས་ལ་ཨ་རིའི་ནིའུ་ཡོག་མངའ་སྡེར་གནས་འཁོད་པདྨ་དཀར་པོའི་ཆོས་ཚོགས་ཀྱི་མཁན་པོ་དཀོན་མཆོག་སྨོན་ལམ་ལགས་གདན་འདྲེན་ཞུས་ནས་བགྲོ་གླེང་ཞུས་པ་ཡིན།
སྤྱི་ཟླ་༩ པའི་ཚེས་༡༣ ཉིན། དུས་ཡུན་ཟླ་བ་གཅིག་དང་ཕྱེད་ཀའི་རིང་གི་དགེ་སློང་མའི་དབྱར་གནས་མཇུག་གྲུབ་ཡོད་པ་དང་། འབྲི་གུང་༧སྐྱབས་མགོན་ཆེ་ཚང་རིན་པོ་ཆེ་མཆོག་དངོས་སུ་གནས་ཆེན་གཉན་ཡོད་དུ་ཆིབས་སྒྱུར་བཀའ་དྲིན་བསྐྱངས་ཏེ། དབྱར་གནས་མཇུག་སྡོམ་གྱི་མཛད་སྒོའི་ཚོགས་མགོན་དུ་དབུ་བཞུགས་གནང་འདུག།
ཨ་རིའི་ཕྱི་སྲིད་དྲུང་ཆེ་ཨན་ཐོ་ནཱི་བྷུ་ལིན་ཁེན་མཆོག་གིས་རྒྱ་ནག་གིས་ཀུ་བྷ་རུ་དམག་དོན་སོ་མྱུལ་ཁང་འཛུགས་རྒྱུའི་ཐད་ཨ་རིར་བློ་འཚབ་ཆེན་པོ་ཡོད་པའི་སྐོར་རྒྱ་ནག་གི་འགོ་ཁྲིད་ཚོར་ཤེས་སུ་བཅུག་ཡོད་ཅེས་གསུངས་ཡོད་པའི་སྐོར་ཕུན་ཚོགས་ལྷུན་གྲུབ་ལགས་ཀྱིས་སྙན་སྒྲོན་ཞུས་ཡོད།
