ངོ་འཕྲད་བདེ་བའི་དྲ་འབྲེལ།
གཞུང་དངོས་ལ་ཐད་བསྐྱོད།
དཀར་ཆག་ལ་ཐད་བསྐྱོད།
ཐད་ཀར་འཚོལ་ཞིབ་ལ་བསྐྱོད།
བོད།
མདུན་ངོས།
ཨ་རི།
རྒྱ་ནག
འཛམ་གླིང་།
ཧི་མ་ལ་ཡ།
བརྙན་འཕྲིན།
ཀུན་གླེང་གསར་འགྱུར།
ཀུན་གླེང་།
དྲ་སྣང་གི་བོད།
དྲ་བརྙན་གསར་འགྱུར།
ཁ་བའི་མི་སྣ།
བུད་མེད་ལེ་ཚན།
དཔེ་ཀློག
ཆབ་སྲིད་བཙོན་པ་ངོ་སྤྲོད།
རླུང་འཕྲིན།
སྔ་དྲོའི་གསར་འགྱུར།
དགོང་དྲོའི་གསར་འགྱུར།
བགྲོ་གླེང་མདུན་ལྕོག
བསྐྱར་ཞིབ།
པོ་ཊི་ཁ་སི།
དཔེ་ཀློག
ཕ་ཡུལ་གླེང་སྟེགས།
ཆོས་རིག་ལེ་ཚན།
གཞོན་སྐྱེས་དང་ཤེས་ཡོན།
འཕྲོད་བསྟེན་དང་དོན་ལྡན་གྱི་མི་ཚེ།
གངས་རིའི་བྲག་ཅ།
བུད་མེད།
སོ་ཡ་ལ། བོད་ཀྱི་གླུ་གཞས།
གསར་འགོད་རང་དབང་།
Learning English
རྗེས་འབྲངས།
སྐད་ཡིག
འཚོལ།
ཐད་གཏོང་།
ཐད་གཏོང་།
འཚོལ།
སྔོན་མ།
རྗེས་མ།
Breaking News
གཟའ་ཉི་མ། ༢༠༢༤/༠༩/༠༨
བཙན་བྱོལ།
མོན་གྷོ་གཞིས་ཆགས་སུ་ནད་དུག་འགོས་པའི་མི་གྲངས་༡༥་བྱུང་བ།
༢༠།༠༧།༢༠༢༠
མོན་གྷོ་གཞིས་ཆགས་སུ་ནད་དུག་འགོས་པའི་མི་གྲངས་༡༥་བྱུང་བ།
པར་འདེབས་པ།
༄༅།། རྒྱ་གར་ལྷོ་ཕྱོགས་སུ་ཆགས་པའི་མོན་གྷོ་འདོད་རྒུ་གླིང་བོད་མིའི་གཞིས་ཆགས་སུ་ཏོག་དབྱིབས་ནད་དུག་སྔོན་འགོག་ཆེད་དུ་འགྲོ་འོང་བཀག་སྡོམ་བྱས་ཡོད་ཅིང་། ད་ལྟའི་བར་དུ་མོན་གྷོ་འདོད་རྒུ་གླིང་ཕྱི་ཆགས་སུ་ཕྱི་ནས་ཡོང་མཁན་བོད་པ་༤༥༤་ཟུར་འགོག དེ་དག་གི་གྲས་ཀྱི་མི་༡༥་ལ་ནད་དུག་འགོས་ཡོད་པ་ངེས་གཏན་བྱུང་སྟེ་སྨན་བཅོས་བྱས་ནས་མི་༡༣་དྲག་སྐྱེས་བྱུང་། མཐའ་མའི་ནད་པ་བོུ་མི་གཉིས་ཡོད་པའང་དྲག་སྐྱེས་བྱུང་སྟེ་ཁ་སང་ཕྱི་ཟླ་༧་ཚེས་༡༩་ཉིན་གྱི་དྲོར་མོན་གྷོ་འདོད་རྒུ་གླིང་རྒྱ་གར་གཞུང་གི་སྨན་ཁང་ནས་ཕྱི་ལ་ཐོན། ནད་པ་དེ་དག་གི་གྲས་ཀྱི་ལོ་ན་མཐོ་ཤོས་ནི་ལོ་༨༣་ཡིན་པ་དང་ནད་པ་ཆུང་ཤོས་བྱིས་པ་ལོ་༡༢་ཅན་ཞིག་ཡིན་འདུག ད་ལྟའི ཆར་གཞིས་ཆགས་དེར་ཏོག་དབྱིབས་ནད་དུག་ཕོག་པའི་ནད་པ་གཅིག་ཀྱང་མེད་ཅེས་ས་གནས་གཞིས་འགོ་ལྷག་པ་ཚེ་རིང་ལགས་ཀྱིས་དེ་རིང་ཕྱི་ཚེས་༢༠་ཉིན་འདི་གའི་གསར་འགོད་པར་འགྲེལ་བརྗོད་གནང་འདུག
བོད་མིའི་སྒྲིག་འཛུགས་ཀྱིས་གཞིས་ཆགས་ཁག་དང་དགོན་སྡེ་ཁག་ཏུ་ཏོག་དབྱིབས་རིམས་ནད་སྔོན་འགོག་བྱེད་པར་འགྲོ་འོང་བཀག་སྡོམ་གྱི་ཁྲིམས་ཤིག་ལག་ལེན་བསྟར་ཐབས་མེད་ཀྱང་རྒྱ་གར་རྒྱལ་ཡོངས་སུ་ཉིན་ལྟར་ཏོག་དབྱིབས་རིམས་ནད་ཁྱབ་གདལ་ཤུགས་ཆེར་འགྲོ་བཞིན་ཡོད་པས་མོན་གྷོ་འདོད་རྒུ་གླིང་གི་གདན་ས་ཆེན་པོ་དགའ་ལྡན་དང་འབྲས་སྤུངས་གཉིས་གཙོས་རིས་མེད་དགོན་སྡེ་ཁག་དང་གཞིས་གྲོང་ཁག་གི་བརྒྱ་དཔོན་ཚོ་ཛ་དྲག་གི་ཚོགས་འདུ་ཚོགས་ནས་གཞིས་གྲོང་ཁག་དང་དགོན་སྡེ་ཁག་ཏུ་ཕན་ཚུལ་འགྲོ་སྐྱོད་གཏན་ནས་བྱེད་མི་ཆོག ལྷག་པར་དུ་གནས་སྐབས་རིང་འབྲེལ་ཡོད་ལ་སྔོན་ནས་བརྡ་མ་བཏང་བར་རང་འདོད་ཀྱིས་ཕྱི་ནས་གཞིས་ཆགས་དང་དགོན་སྡེ་ཁག་ལ་འཛུལ་མི་ཆོག གལ་སྲིད་ཁྲིམས་ལ་ལྟོས་མེད་ཀྱིས་ཡོང་མཁན་བྱུང་ན་ཧིན་སྒོར་ཁྲི་གཅིག་རེ་ཉེས་ཆད་གཅོད་རྒྱུའི་བཅའ་ཡིག་ཤིག་བཟོས་ནས་ཁུངས་སོ་སོར་བཀྲམ།།
མོན་གྷོ་གཞིས་ཆགས་ཀྱི་ཁྲིམས་དེར་བརྩི་མེད་ཀྱིས་ཕྱི་ནས་ཡོང་མཁན་མི་༨་ལ་ཧིན་སྒོར་ཁྲི་ཚོ་གཅིག་རེ་ཉེས་ཆད་བཅད་པར་སྤྱི་ཚོགས་སུ་བསམ་ཚུལ་འདྲ་མིན་ཞིག་འབྱུང་གི་ཡོད་པས་གནད་དོན་དེར་མོན་གྷོ་འདོད་རྒུ་གླིང་གི་ས་གནས་གཞིས་འགོ་ལྷག་པ་ཚེ་རིང་ལགས་སུ་བཅར་འདྲི་ཞུས་པར་ཁྲིམས་དེ་འདྲ་ཞིག་བཟོ་དགོས་དོན་ནི་ས་གནས་ཁག་ཏུ་ཟུར་འགོག་བྱ་ཡུལ་ཁང་པའི་མཐུན་རྐྱེན་དཀོན་པའི་སྟབས་ཀྱིས་ཡིན། ཕྱི་ནས་ཡོང་མཁན་ཚོས་སྔོན་ལ་གཞིས་གྲོང་གི་སྤྱི་མིར་འབྲེལ་བ་བྱས་ཏེ་ཟུར་འགོག་ཁང་ནས་མི་ཐོན་རིམ་བཞིན་དུ་མི་གསར་པ་ཡོང་ཆོག་པ་བཟོས་ཡོད། གཞིས་ཆགས་ལ་ཕྱི་མི་གཏན་ནས་ཡོང་མི་ཆོག་ཟེར་གྱི་ཡོད་པ་མ་རེད། མི་ཁག་ཅིག་གིས་ཤེས་བཞིན་དུ་ཡོང་བའི་རྐྱེན་གྱིས་དངུལ་སྒོར་ཉེས་ཆད་ཕོག་པ་རེད་ཅེས་འགྲེལ་བརྗོད་གནང་སོང་།།
སྤྱི་ཚོགས་ཀྱི་གླེང་ཕྱོགས་དེར་གདན་ས་འབྲས་སྤུངས་དང་དགའ་ལྡན་སོགས་དགོན་སྡེ་གྲ་ཚང་ཁག་གིས་ཀྱང་ཁྲིམས་དེ་མོན་གྷོ་གཞིས་ཆགས་ཀྱི་མང་ཚོགས་སྤྱི་དང་སོ་སོ་སྒེར་གྱི་འཕྲོད་བསྟེན་ཆེད་དུ་ཡིན་ཞེས་བཀྲལ། གཞན་ཡང་ས་གནས་གཞིས་འགོ་ལྷག་པ་ཚེ་རིང་ལགས་ཀྱིས་མུ་མཐུད་དུ་འགྲེལ་བརྗོད་བྱས་པ་ལྟར་ན། དེང་སྐབས་རྒྱ་གར་ལ་དབུས་གཞུང་གི་སྨན་ཁང་ཁག་ཏུ་ཏོག་དབྱིབས་ནད་དུག་ཕོག་པའི་ནད་པའི་གྲངས་འབོར་ཉིན་རེ་བཞིན་མང་དུ་འགྲོ་བཞིན་ཡོད་པས་ཕྱིས་སུ་གཞུང་གི་སྨན་ཁང་ཁག་ཏུ་ཚུད་རྒྱུ་དཀའ་ངལ་འཕྲད་ས་རེད། བོད་པ་བཙན་བྱོལ་བའི་ས་གནས་གཞིས་ཆགས་ཁག་ཏུ་ཏོག་དབྱིབས་ནད་དུག་འགོག་བཅོས་རིམ་པ་དང་པོ་དང་གཉིས་པ། སྨན་ཁང་བཅས་ཀྱི་མཐུན་རྐྱེན་རྣམས་གྲ་སྒྲིག་བྱེད་བཞིན་ཡོད་པ་སོགས་ཀྱི་གནས་ཚུལ་རྣམས་འགྲེལ་བརྗོད་གནང་ཡོད་པའི་སྐོར། རྒྱ་གར་ལྷོ་ཕྱོགས་ནས་འདི་གའི་གསར་འགོད་པ་རྒྱལ་མཚན་ཆོས་གྲགས་ལགས་ཀྱིས་བཏང་བའི་གནས་ཚུལ་དེ་གསན་རོགས་གནང་།།
Embed
share
མོན་གྷོ་གཞིས་ཆགས་སུ་ནད་དུག་འགོས་པའི་མི་གྲངས་༡༥་བྱུང་བ།
by
ཨ་རིའི་རླུང་འཕྲིན་ཁང་།
Embed
share
The code has been copied to your clipboard.
The URL has been copied to your clipboard
No media source currently available
0:00
0:05:09
0:00
ཐད་ཀར་ཕབ་ལེན་གྱི་དྲ་འབྲེལ།
128 kbps | MP3
32 kbps | MP3
གསན་གཟིགས་གནང་ས།
འབྲེལ་ཡོད།
ཡུ་རོབ་མཉམ་འབྲེལ་དང་རྒྱ་གར་གྱི་འབྲེལ་བ་ཡར་རྒྱས།
རྒྱ་གར་ལ་ཏོག་དབྱིབས་ནད་དུག་འགོས་པའི་ནད་པ་ས་ཡ་༡་ལྷག་ཡོད་པ།
Back to top
XS
SM
MD
LG