ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་ཨ་རིའི་གྲོས་ཚོགས་ཀྱི་སྐུ་ཚབ་ཚོགས་ཆུང་ཞིག་བཞུགས་སྒར་དྷ་རམ་ས་ལར་སླེབས་པ་དང་། ཨོ་སི་ཀྲོ་ལི་ཡ་དང་རྒྱ་ནག་གི་ཕྱི་འབྲེལ་དང་བོད་པའི་ངོ་རྒོལ། གྷ་ཛ་དམག་འཁྲུག་གི་གནས་སྟངས། ཡུག་ཀེ་རེན་གྱི་ཞི་བདེའི་ཚོགས་ཆེན། ཡུ་རོབ་དང་རྒྱ་ནག་གི་ཚོང་དོན་རྩོད་རྙོག་སོགས་ཡོད། ཐེངས་འདིའི་གསར་འགྱུར་ཞིབ་འགྲེལ་ལེ་ཚན་ནང་ཚེ་རིང་དབང་མོ་ལགས་དང་ཚེ་བརྟན་དབང་ཕྱུག་ལགས་གཉིས་ཀྱིས་བོད་རང་སྐྱོང་ལྗོངས་ཀྱི་དམར་ཤོག་ཚོགས་པའི་འགོ་ཁྲིད་ཟུར་པ་ཝུའུ་དབྱིན་ཅེ་ལ་རྒྱ་ནག་དམར་ཤོག་གི་སྒྲིག་ཁྲིམས་ཞིབ་བཤེར་ལས་ཁུངས་ཀྱིས་ཞིབ་བཤེར་བྱེད་བཞིན་པའི་གནས་ཚུལ་བསྒྲགས་པའི་གསར་འགྱུར་ཞིབ་ཏུ་འགྲེལ་བཤད་ཞུས་ཡོད།།