ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་རྒྱལ་སྤྱིའི་ཉེས་དོན་ཁྲིམས་ཁང་གི་ཨི་སི་རལ་དང་ཧ་མ་སིའི་འགོ་ཁྲིད་འཛིན་བཟུང་བཀའ་ཁྱབ་སྤེལ་བ་དང་། ཡུག་ཀེ་རན་གྱིས་ཨུ་རུ་སུའི་འཕུར་མདེལ་གྱི་རྒོལ་རྡུང་གསར་པར་སྐྱོན་འཛུགས། འགལ་ཟླ་སེལ་ཐུབ་མེད་པར་གནམ་གཤིས་ཚོགས་ཆེན་མཇུག་བསྒྲིལ་རྒྱུ། ཨ་རིའི་སྤྱི་ཁྱབ་ཁྲིམས་དཔོན་གསར་པ་མཚན་འདོན་གནང་བ་སོགས་ཡོད། ཀུན་གླེང་ལས་རིམ་དུ་རྡོ་རྗེ་ཚེ་བརྟན་ལགས་ཀྱིས་ཝ་ཤིང་ཊོན་དུ་བཅའ་སྡོད་བྱང་ཨ་རིའི་བོད་ཀྱི་སྐུ་ཚབ་དོན་གཅོད་རྣམ་རྒྱལ་མཆོག་གྲུབ་གདན་འདྲེན་ཞུས་ནས་ཨ་མི་རི་ཀའི་སྲིད་གཞུང་གསར་པས་བོད་དོན་གླེང་སློང་དང་གྲོས་ཚོགས་གོང་འོག་གི་བོད་དོན་རྒྱབ་སྐྱོར་རྒྱུན་འཁྱོངས། ཨ་རིའི་བོད་པ་ཚོས་བོད་དོན་འཐབ་རྩོད་ཀྱི་ནུས་པ་ཆེ་རུ་གཏོང་ཐབས་སོགས་ཀྱི་ཐད་བགྲོ་གླེང་ཞུ་རྒྱུ་ཡིན།།