ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་ཨ་རིའི་ཕྱི་སྲིད་དྲུང་ཆེས་དཀྱིལ་ཤར་ཁུལ་དུ་སེ་རི་ཡ་དང་གྷ་ཛའི་གནད་དོན་ཐད་ཕྱི་འབྲེལ་སྐྱོང་བཞིན་པ་དང་། སྲིད་སྐྱོང་གིས་ཨ་རིའི་ཕྱི་སྲིད་ལས་ཁུངས་ཀྱི་འབྲེལ་ཡོད་ལས་སྣེ་དང་བཀའ་མོལ། སྨོན་ལམ་ཚིག་མཛོད་ཆེན་མོའི་དེབ་གཟུགས་མ་ཨ་རིའི་གྲོས་ཚོགས་དཔེ་མཛོད་ཁང་དུ་ཕུལ་བ། རྒྱ་ནག་གི་པཎ་ཆེན་བལ་ཡུལ་དུ་ཡོང་མ་བཅུག་པ་སོགས་ཡོད། ཀུན་གླེང་ལས་རིམ་དུ་རྡོ་རྗེ་ཚེ་བརྟན་ལགས་ཀྱིས་སྨོན་ལམ་བོད་ཀྱི་བརྡ་འཕྲིན་ཞིབ་འཇུག་ཁང་གིས་གཙོ་འགན་བཞེས་ཏེ་རྩོམ་སྒྲིག་གནང་བའི་སྨོན་ལམ་ཚིག་མཛོད་ཆེན་མོ་པོད་ཕྲེང་༢༢༣་ཅན་དེའི་ཚར་གཅིག་ཨ་རིའི་གྲོས་ཚོགས་ཀྱི་དཔེ་མཛོད་ཁང་དུ་ཕུལ་བའི་གནད་འགག་དང་ཕན་ཡོན་སོགས་ཀྱི་ཐད་དགེ་བཤེས་བློ་བཟང་སྨོན་ལམ་གདན་འདྲེན་ཞུས་ནས་བགྲོ་གླེང་ཞུ་རྒྱུ་ཡིན།།