ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་བདམས་ཐོན་སྲིད་འཛིན་ཊམ་གྱིས་ཨ་མི་རི་ཀའི་རླུང་འཕྲིན་ཁང་གི་འགན་འཛིན་གསར་པར་ཀེ་རི་ལེ་ཀི་མིང་འདོན་གནང་བ་དང་། ཊམ་གྱིས་སེ་རི་ཡར་ཐེ་གཏོགས་བྱ་རྒྱུ་མིན་པའི་སྲིད་ཇུས་འཛིན་རྒྱུ་ཡིན་པ། རྒྱལ་ཚོགས་ཀྱི་ཁྲིམས་ཁང་དུ་ཁོར་ཡུག་འབག་བཙོག་གཏོང་མཁན་ཚོར་ཁྲིམས་ཆད་འགེལ་ཐབས། བོད་རང་སྐྱོང་ལྗོངས་ཀྱི་འགོ་ཁྲིད་ཟུར་པ་ཝུ་ཡིན་ཇཱེ་དམར་ཤོག་ཚོགས་པ་ནས་ཕྱིར་འཕུད་བཏང་བ་སོགས་ཡོད། ཐེངས་འདིའི་ཀུན་གླེང་ལེ་ཚན་ནང་རྡོ་རྗེ་ཚེ་བརྟན་ལགས་ཀྱིས་རྒྱལ་སྤྱིའི་བོད་དོན་ལས་འགུལ་ཁང་གི་གཙོ་འཛིན་བསྟན་ཆོས་རྒྱ་མཚོ་ལགས་གདན་འདྲེན་ཞུས་ནས། ཨ་རིའི་གྲོས་ཚོགས་འོག་མའི་ཚོགས་གཙོ་ཟུར་པ་ལྕམ་ནན་སི་ཕེ་ལོ་སི་ལ་བདེན་པའི་སྒྲོན་མེའི་གཟེངས་རྟགས་ཕུལ་བའི་རྒྱུ་མཚན་དང་དོན་སྙིང་སོགས་ཀྱི་ཐད་བགྲོ་གླེང་ཞུས་ཡོད།